ပအိုဝ်းတိုင်းရင်းသားတို့ ၏ မြန်မာနိုင်ငံသား အခွင့်အရေးများ မဆုံးရှုံးစေရန်အတွက် ပအိုဝ်းလူမျိုးဖြစ်ကြောင်း သက်ဆိုင်ရာမြန်မာနိုင်ငံ လူဝင်မှုကြီးကြပ်ရေးရုံးတွင် မှတ်ပုံတင်ပြုလုပ်ကြရန် မြန်မာနိုင်ငံရှိ ပအိုဝ်းအမျိုးသားအဖွဲ့ ချုပ် (PNO) ပါတီ ဗဟိုနာယဂ ဦးခွန်မောင်တုတ်မှ ပအိုဝ်းပြည်သူလူထုများကို တိုက်တွန်းလိုက်သည်။ PNO ဗဟို နာယဂ ဦးခွန်မောင်တုတ်မှ ဆက်လက်၍ ပအိုဝ်းလူမျိုးဖြစ်သော်လည်း နိုင်ငံသားစီစစ်ရေးကဒ်ပြား ခေါ် မှတ်ပုံတင် မရှိပါက ဘယ်သူဘယ်ဝါဆိုသည်မှာ လုံးဝမ သိနိုင်ကြောင်း။ ပအိုဝ်းလူမျိုးတို့သည် များသောအားဖြင့် မှတ်ပုံတင်မလို၊ မွေးဇာတာပုရပိုဒ်ရှိလျှင်ရပြီ ဆိုသည့် ပြီးစလွယ် အယူအဆများ ရှိနေသေးကြောင်း ဆိုသည်။
အရပ်လက်သည်နှင့် မွေးသည့်ပအိုဝ်းကလေးများ အများအပြားရှိပြီး ဒေသဆိုင်ရာ ကျန်းမာရေးဝန်ထမ်းသို့  အကြောင်းကြားရမှန်း မသိဖြစ်နေကြကြောင်း ၎င်းက ဆိုသည်။ မွေးဇာတာ ဆိုသည်မှာ ပအိုဝ်းရိုးရာ မွေးနေ့  မွေးရက် အချိန်ကို အတိတကျမှတ်တမ်းတင်ထားသည့် ရိုးရာအသိအမှတ်ပြု ဇာတာ သာဖြစ်သည်။ မွေးဇာတာဖြင့် နိုင်ငံတော်အစိုးရ၏ လုပ်ငန်းဌာနများနှင့် ဆက်သွယ်ရာတွင် အသုံးမပြုနိုင်ပေ။
နိုင်ငံတော်အစိုးရ၏ လုပ်ငန်းဌာနများနှင့် ဆက်သွယ်ရာတွင် သော်လည်းကောင်း၊ ခရီးသွား သည့်အခါတွင် သော်လည်းကောင်း၊ သက်ဆိုင်ရာ ရဲ စသည်တို့ မှ စစ်ဆေးသည့်အခါတွင် သော် လည်းကောင်း၊ ကားဝယ် မြေယာခြံများ ၀ယ်ယူသည့်အခါတွင် သော်လည်ကောင်း၊ ဒီမိုကရေစီ အခွင့်အလမ်းပေါ်ပေါက်နေသည့်ကာလ ရွေးကောက်ပွဲတွင် မိမိဆန္ဒဖြင့် မဲပေးလိုသည့်အခါတွင် သော်လည်းကောင်း၊ နိုင်ငံသားစီစစ်ရေးကဒ်ပြား ခေါ် မှတ်ပုံတင်ရှိရမည်ဖြစ်သည်ဟု ၎င်းက ရှင်းပြသည်။
မွေးဖွားသည့်ကလေးတိုင်း မြန်မာနိုင်ငံလူဝင်မှုကြီးကြပ်ရေးရုံး၏ အိမ်ထောင်စုစာရင်းတွင် အမည်ရေးသွင်းရမည်။ အသက် (၁၂) ပြည့်သည်မှစ၍ နိုင်ငံသားစီစစ်ရေးကဒ်ပြား ခေါ် မှတ်ပုံတင်ကို နိုင်ငံသားတိုင်း ပြုလုပ်ရမည် ဖြစ်သည်။ နိုင်ငံသားစီစစ်ရေးကဒ်ပြား ခေါ် မှတ်ပုံတင်သည် အလွန်ရေးပါသည့် တရားဝင် စာရွက်စာတမ်းဖြစ်သည်။ မြန်မာနိုင်ငံသား အသက် (၁၈) နှစ် ပြည့်သူတိုင်း နိုင်ငံသားစီစစ်ရေးကဒ်ပြား ခေါ် မှတ်ပုံတင် ရှိရမည်ဖြစ်သည်။
သို့ ဖြစ်၍ လာမည့် သက္ကရာဇ် ၂၀၁၄ ခုနှစ်တွင် ကောက်ခံမည့် သန်းခေါင်စာရင်းတွင် မိမိအမည် ပါဝင်စေရန်၊ ပအိုဝ်းလူမျိုးဖြစ်ကြောင်း အတိအကျ ပါစေရန်၊ နိုင်ငံသားစီစစ်ရေးကဒ်ပြား ခေါ် မှတ်ပုံတင်လုပ်ရန် နိုးဆော်သည့်အပြင်၊ လာမည့် ၂၀၁၅ ရွေးကောက်ပွဲ ပြင်ဆင်မှုအတွက် မိမိလူမျိုးကို ကိုယ်စားပြုကြောင်း လာမည့်ရွေးကောက်ပွဲတွင် မိမိဆန္ဒဖြင့် မဲပေးနိုင်ရန်အတွက် နိုင်ငံသားစီစစ်ရေးကဒ်ပြား ခေါ် မှတ်ပုံတင်လုပ်ရန် ဦးခွန်မောက်တုတ်က ပအိုဝ်းလူထုများကို အထူးတိုက်တွန်း လိုက်သည်။
လွန်ခဲ့သည့် ၁၉၉၀ ရွေးကောက်ပွဲတွင် ပအိုဝ်းရွာများမှ ရွာသူရွာသားများ မိမိတို့ ပအိုဝ်းတိုင်းရင်းသားပါတီကို မဲပေးလိုကြသော်လည်း မှတ်ပုံတင်မရှိ၍ မဲပေးပိုင်ခွင့် မရှိသူက များခဲ့သည့်အတွက် ပအိုဝ်းအမျိုးသားအတွက် နိုင်ငံရေးအခွင့်အရေးများ ဆုံးရှုံးခဲ့ရကြောင်းကို PNO ဗဟို နာယဂ ဦးခွန်မောင်တုတ်မှ ၎င်း၏ကိုယ်တွေ့ ဖြစ်ရပ်ကို ဖွင့်ဟပြောဆိုခဲ့သည်။
No comments:
Post a Comment