ပအိုဝ်းအမျိုးသားအဖွဲ့ချုပ် (PNO) ပါတီဟာ မြန်မာပြည်အောက်ပိုင်း ပအိုဝ်းလူမျိုးများ အများအပြားနေထိုင်ရာ ဒေသများဖြစ်တဲ့ မွန်နဲ့ကရင်ပြည်နယ်အတွင်းက မြိုင်ကလေးမြို့၊ သထုံမြို့၊ ဖားအံမြို့၊ ကော့ကျိုက်မြို့၊ ကောကရိတ်မြို့နှင့် ရေကျော်ကြီး စတဲ့မြို့မှားမှာ ယခု ဇူလိုင်လ အတွင်းတွင် အဖွဲ့ချုပ်ရုံးများ တိုးချဲ့ဖွင့်ခဲ့တယ်လို့ သိရပါတယ်။ ဇူလိုင်လ (၅) ရက်တွင် သထုံမြို့ နယ် ပအိုဝ်းစာပေနှင့်ယဉ်ကျေးမှုရုံး၊ မြိုင်ကလေးမြို့ ဖားအံမြို့ ကော့ကျိုက်မြို့များတွင် PNO ပါတီရုံး၊ နှင့် ဇူလိုင်လ (၆) ရက်နေ့ တွင် ကော့ကရိတ်မြို့နှင့် ရေကျော်ကြီးတို့တွင် PNO ပါတီရုံး စတဲ့နေရာဒေသအသီးသီးတွင် ရုံးသစ်များ တိုးချဲ့ဖွင့်လှစ် ခဲ့ကြတဲ့အပြင် ဇူလိုင်လ (၇) ရက်မှာ ကရင်ပြည် လှိုင်းဘွဲ့မြို့နယ်ရှိ ထီလုံကျေးရွာမှာလည်း PNO ပါတီရုံး ဖွင့်လှစ်ခဲ့တယ်လို့ သိရပါတယ်။
မြေပြန့်ဒေသများရှိ ရုံးသစ်များ တိုးချဲ့ဖွင့်လှစ်တဲ့အခန်းအနားများမှာ ပအိုဝ်းအမျိုးသားအဖွဲ့ချုပ် (PNO) ပါတီရဲ့ ထိပ်ပိုင်းခေါင်းဆောင်များနှင့် လွတ်တော်ကိုယ်စားလှယ်များဖြစ်ကြတဲ့ ဦးခွန်သိန်းဖေ၊ ဦးခွန်နေ၀င်းထွန်း၊ ဦးခွန်မောင်သောင်း၊ ပအိုဝ်းစာပေနှင့်ယဉ်ကျေးမှုအဖွဲ့မှ တာဝန်ရှိသူများဖြစ်တဲ့ ဦးခွန်တင်မောင်၊ ဦးခွန်မင်းကျော် နှင့် အခြားသော ပအိုဝ်းလူမှုအဖွဲ့အစည်းများဖြစ်တဲ့ ပအိုဝ်းအမျိုးသမီးရေးရာအဖွဲ့ ၊ ပအိုဝ်းမော်အဖွဲ့ ၊ ပအိုဝ်းတိုင်းရင်းဆေးဆရာများအဖွဲ့ ၊ ပအိုဝ်းလူငယ် ကွန်ယှက်အဖွဲ့ ၊ ပအိုဝ်းဒေသလူငယ်များစွမ်းရည်မြင့်တင်ရေးသင်တန်းနည်းပြဆရာ ဆရာမများအဖွဲ့ ၊ ပအိုဝ်းဥပဒေအဖွဲ့၊ ပအိုဝ်းဂီတသုခုမအနုပညာရှင်များအဖွဲ့ ၊ ပအိုဝ်းသွေးလှူရှင်အဖွဲ့တို့ ပါဝင်တက်ရောက်ခဲ့တယ်လို့ သိရပါတယ်။
ယင်းရုံးသစ် ဖွင့်လှစ်ခဲ့ရာမှာ ပအိုဝ်းရဟန်းသံဃာတော်များ၊ ပအိုဝ်းရပ်မိရပ်ဖများ၊ ဒေသတွင်း ကျေးရွာလူကြီးမင်းများနှင့် ပအိုဝ်းလူငယ်မောင်မယ်များ အနည်းဆုံး (၅၀၀) ကျော်ခန့်  တက်ရောက်ခဲ့ကြပြီး၊ ပအိုဝ်းစာပေနှင့်ယဉ်ကျေးမှုရုံး နှင့် PNO ပါတီရုံး ဆိုင်းဘုတ်ဖွင့်လှစ်ပွဲ အခန်းအနားမှာ ပအိုဝ်းသုခုမအနုပညာရှင်များဖြစ်ကြတဲ့ ခွန်ခမ်းခြိုင်၊ ခွန်ထွန်းဝင်း၊ ခွန်ဇောင်းဝင်၊ ခွန်ယောင်းယွာ၊ ခွန်ရဲသွေး၊ ခွန်စိုးမြင့်၊ ခွန်ရဲနိုင်၊ ခွန်နွောင်လို့ ၊ ခွန်ဇော်၊ ခွန်ထွန်းမောင်၊ ခွန်အောင်နိုင်၊ ခွန်အောင်အောင်၊ ခွန်ဇော်ဗင်း၊ နန်းနွေးဝေ၊ နန်းသင်လောဝ်၊ နန်းသင်စိန်း၊ နန်းခမ်းဗွာ စတဲ့ နာမည်ကျော် ပအိုဝ်းအဆိုတော်များက အခန်းအနားကို တက်ရောက်လာတဲ့ မြေပြန့်ဒေသက ပအိုဝ်းပြည်သူလူထုများကို ပအိုဝ်းတေးသီချင်းများဖြင့် ဖျော်ဖြေတင်ဆက်ခဲ့ကြောင်း သိရပါသည်။
အခန်းအနားတွင် ပအိုဝ်းစာပေနှင့်ယဉ်ကျေးမှု ဖွံ့ဖြိုးတိုးတက်အောင် လုပ်ဆောင်ကြရန်၊ အမျိုးဘာသာစကား၊ စာပေနှင့် ယဉ်ကျေးမှု ဓလေ့ထုံးစံ မပျောက်အောင် ထိန်းသိမ်းကြရန်၊ အမျိုးစာပေနှင့် ယဉ်ကျေးမှုဖွံ့ ဖြိုးတိုးတက်ဖို့ လုပ်ဆောင်ကြတဲ့အခါ တစ်ခြားသောလူမျိုးများကို မထိခိုက် မိအောင် သတိထားလုပ်ဆောင်ကြရန်လိုသည့်အပြင်၊ ပြည်ထောင်စု မပြိုကွဲရေးနှင့် တိုင်းရင်းသားစည်းလုံးညီညွှတ်မှုကို အစဉ်ရှေ့ ရှုဆောင်ရွက်ရန်လိုအပ်ကြောင်း၊ ယခင်က ပအိုဝ်းအမျိုးသားနိုင်ငံရေးမျက်စိကို ဖွင့်ပေးခဲ့သော အောက်ပြည်ဒေသေဇာတိ ဖြစ်တဲ့ ဖြားဗွာဦးလှဖေနှင့် ခေါင်းဆောင်ကြီးများကို ကျေးဇူးဆပ်ခြင်းအားဖြင့်၊ အောက်ပြည်ဒေသများတွင် နေထိုင်သည့် ပအိုဝ်းအမျိုးသားများအတွက် ကွက်လပ်များကို ဖြည့်ဆည်းပေးလိုကြောင်း ပင်လောင်းမြို့နယ်ပြည်သူ့လွှတ်တော်ကိုယ်စားလှယ် ဦးခွန်မောင်သောင်းမှ ပြောခဲ့ပါတယ်။
ထို့ပြင် ရုံးဖွင့်ရန် အောက်ပြည်မြေပြန့်ဒေသမှာ ရောက်ရှိနေတဲ့ PNO ခေါင်းဆောင်များဟာ နောင်ကုလားကျေးရွာရှိ PNO ပါတီရုံးခွဲတွင် မြေပြန့်ဒေသရှိ PNO ကိုယ်စားလှယ်များနှင့် ဗဟိုစာပေနှင့်ယဉ်ကျေးမှုအဖွဲ့မှ ကိုယ်စားလှယ်များ၊ ဒေသတွင်း ပအိုဝ်းခေါင်းဆောင်များ၊ သံထုံမြို့နယ်မှ ပအိုဝ်းမိဘပြည်သူ ရပ်မိရပ်ဖများနဲ့ တွေ့ဆုံခဲ့ကြပြီး ပအိုဝ်းအမျိုးသားများရဲ့ အနာဂါတ်ရှေ့လုပ်ငန်းများအကြောင်း တိုင်ပင်ဆွေးနွေးခဲ့တယ်လို့ သရိပါတယ်။
တဆက်တည်းမှာ တောင်ပေါ်နှင့် မြေပြန့် ပအိုဝ်းအမျိုးသားများ တွေ့ ဆုံဆွေးနွေးပွဲမှာ ဘီးလင်းမြို့နယ်၊ ခဲမောက်ကျောင်း (စင်္ကာပူ) ဆရာတော် မဟာသဒ္ဓမ္မဇောတိက ဘဒ္ဒ န္တစန္ဒ၀ံသ က ပအိုဝ်းအမျိုးသားဖွံ့ ဖြိုးတိုးတက်ရေးအတွက်၊ တောင်ပေါ်မြေပြန့်ရှိ ပအိုဝ်းတို့ ညီညီ ညွတ်ညွတ် စုပေါင်းကြိုးစားကြရန်လိုကြောင်း၊ ခေါင်းဆောင်များမှ မေတ္တာရှိရှိ အနစ်နာခံ၍ ပအိုဝ်းအမျိုးသား လူငယ်များကို ဦးဆောင်ရန်လိုကြောင်း၊ လူငယ်များမှလည်း ဦးဆောင်နိုင်အောင်ကြိုးစားရန်လို ကြောင်း၊ သတိဝီရိယရှိရှိ အမျိုးသားအတွက် စိတ်ဓါတ်မြှင့်တင်ရန်လိုကြောင်း ပြောကြားခဲ့ပါတယ်။
ဟိုပုံးမြို့နယ်ပြည်သူ့လွှတ်တော်ကိုယ်စားလှယ် PNO ပါတီ အတွင်းရေးမှူး ဦးခွန်သိန်းဖေမှ မိမိအမျိုးသားများ စည်းစည်းလုံးလုံးဖြင့် ဒေသအကျိုး၊ အမျိုးသားအကျိုး၊ ပြည်နယ်အကျိုးနှင့် ပြည်ထောင်စုအကျိုးကို ၀ိုင်းဝန်းကြိုးပမ်းဆောင်ရွက်ရန်လိုအပ်ကြောင်း ပြောခဲ့ပါတယ်။
အမျိုးသားလွှတ်တော်ကိုယ်စားလှယ် ဦးခွန်နေ၀င်းထွန်းကတော့ လူငယ်များကို အားပေးစကား ပြောတဲ့အခါမှာ ကံတရားကို မစောင့်ဘဲ ကိုယ့်ကိုယ်ကိုကြိုးစားအားထုတ်ရန်လိုကြောင်း၊ ဒီမိုကရေစီအခွင့်အလမ်း ရနေသည့်ကာလတွင် ပအိုဝ်းအမျိုးသားတို့စည်းလုံးရန်နှင့် အမျိုးသား အကျိုးစီးပွားထွန်းကားရေး၊ ယဉ်ကျေးမှုဖွံ့ ဖြိုးတိုးတက်ရေးအတွက် စုစုစည်းစည်း လုပ်ဆောင်ကြရန်လိုကြောင်း တိုက်တွန်းပြောကြားသွားပါတယ်။
No comments:
Post a Comment