ဇွန်လ ၂၀ ရက်၊ ၂၀၁၀ ခုနှစ်။ တနင်္ဂနွေနေ့
ပအိုဝ်းရိုးရာမီးဒုံးလွတ်ပြိုင်ပွဲ ကျင်းပရသည့် ရည်ရွယ်ချက်မှာ ပအိုဝ်းရိုးရာမီးဒုံးလွတ်ပွဲ အစဉ်အလာမပျောက်ပျက်အောင် ထိန်းသိမ်းစောင့်လျှောက်သွားရန်၊ ကျောင်းရန်ပုံငွေ ရရှိရန်နှင့် နောင်တောင်ဘုန်းကြီးကျောင်းပရဟိတပညာရေးရန်ပုံငွေ ရရှိရန် စသည့်ရည်ရွယ်ချက်များဖြင့် ကျင်းပရခြင်းဖြစ်သည်။
“ကျနော်တို့ ခုပွဲလုပ်ရတာက ကျောင်းရန်ပုံငွေ တစ်စိတ်တစ်ပိုင်းရရှိဖို့၊ ဘုရားပွဲ နှင့် ကျနော်တို့ပအိုဝ်းရိုးရာ အစဉ် အလာများမပျောက်သွားအောင် ထိန်းသိမ်းတဲ့အနေဖြင့် လုပ်တာပါ။ ယမန်နှစ်ကတော့ ဒီလောက်လုပ်ခွင့်မရခဲ့ဘူး၊ မီးရှူးတောင်မှ ၁’ ပေလုံး တွေပဲ ရှိတယ်၊ ဒီနှစ်မှ ၄’ ပေ မီးရှူးတွေ လုပ်ခွင့်ရတာပေါ့၊ သူက အဆင့်တွေများကြီး ခွဲထားပေးတယ် ဆုလဲပေးပေးတယ်”
ပြိုင်ပွဲကို မီးဒုံးအကြီးအငယ်ပမဏနှင့် မီးဒုံးအမျိုးအစားများအလိုက် ခွဲ၍ ပါဝင်ယှဉ်ပြိုင်ကြသည်။
မီးဒုံးအကြီးအငယ်အရွယ်အစားအလိုက် ထည့်ဝင်ရသည့်ဝင်ကြေးနှင့် မီးဒုံးအလုံးရေများမှာ
- အရွယ်အစား ၄ ပေရှိ မီးဒုံးမှာ ၀င်ကြေး ၁၀,၀၀၀ ကျပ်၊ အလုံးရေ ၃၂လုံး၊
- အရွယ်အစား ၂ ပေရှိ မီးဒုံးမှာ ၀င်ကြေး ၇,၀၀၀ ကျပ်၊ အလုံးရေ ၃၈ လုံးနှင့်
- အရွယ်အစား ၁ ပေမှ ၁ ပေခွဲအထိရှိ မီးဒုံးမှာ ၀င်ကြေး ၅,၀၀၀ ကျပ်၊ အလုံးရေ ၁၉၀ လုံး အသီးအသီး ရှိကြပြီး ပြိုင်ပွဲဝင် စုစုပေါင်းမီးဒုံး အလုံးရေပေါင်း ၂၆၀ ခုံးရှိသည်။
ပြိုင်ပွဲတွင် မိမိတို့မီးဒုံးများ ယှဉ်ပြိုင်လွတ်တင်ရာတွင် ပြိုင်ပွဲကော်မတီမှ သတ်မှတ်ထားသည့် ဂိုးဧရိယာအတွင်းတွင် အဝေးဆုံးသို့သွားသည့် ဒုံးမှ စ၍ ပထမဆု ဒုတိယစသည့် ဆုကြေးများ ဆုပေးကြောင်း ပြိုင်ပွဲကျင်းပသည့်ကော်မတီဝင်တဦးမှ ရှင်းပြသည်။
No comments:
Post a Comment