တောင်ကြီးတိုင်းမ်။ နောင်ခမ်းခါ
ဇွန်လ ၁၆ ရက်၊ ၂၀၁၀။ ဗုဒ္ဓဟူးနေ့ 
မြန်မာနိုင်ငံအတွင်း မိမိတို့နေထိုင်ရာမြို့ရွာများတွင် မိသားစုစားဝတ် နေရေးအတွက် စီးပွားရေးလုပ်ငန်း အဆင်မပြေမှုနှင့် ရာသီဥတု ဆိုးရွားလာမှုကြောင့် တောင်ယာခြံ စိုက်ပျိုးရေး လုပ်ငန်းများ လုပ်ကိုင်ရန် အဆင်မပြေမှုများကြောင့် ပအိုဝ်းလူမျိုးများသည် အခြားသော တိုင်းရင်းသားလူမျိုးများနည်းတူ ပြည်ပ (ထိုင်းနိုင်ငံ) သို့ အလုပ်ရှာဖွေ လုပ်ကိုင်ရန် နည်းအမျိုးမျိုးဖြင့် ၀င်ရောက်လာသည့်ဦးရေမှာ တနေ့တခြား များပြားလာသည်။ ထိုင်းနိုင်ငံသို့ ၀င်ရောက်အလုပ် လုပ်ကိုင်သည့် ပအိုဝ်းလူမျိုးဦးရေ ၃ သောင်းကျော်ရှိပြီး၊ အများစုမှာ ဘန်ကောက်၊ ချင်းမိုင်၊ ဖူကေတ်နှင့် အခြားသောခရိုင်များတွင် ဆေးသုတ်လုပ်ငန်း၊ ပရံလုပ်ငန်း၊ ပရိဘောကလုပ်ငန်း၊ ဆောက်လုပ်ရေးလုပ်းငန်းများနှင့် အခြားသော အလုပ်ကြမ်းများတွင် ၀င်ရောက် လုပ်ကိုင်ကြသည်။ အမျိုးသမီးအများစုမှာ ရရာအိမ်ဖေါ် အလုပ်များ ၀င်ရောက်လုပ်ကိုင်ကြသည်။
“အခုထိုင်းနိုင်ငံမှာ လာရောက်အလုပ်လုပ်တဲ့ပအိုဝ်းလူမျိုး ၃ သောင်းကျော်လောက်ရှိတယ်၊ ၂ သောင်းကျော် လောက်က ရှမ်းပြည်နယ် တောင်ပေါ်က၊ ကရင်ပြည် မွန်ပြည်စတဲ့ အောက်ပြည်က ၁ သောင်းနီးပါး လောက်ရှိတယ်။ အောက်ပြည်က လာတဲ့ပအိုဝ်းတွေက များသောအား စက်ရုံတို့ အိမ်ဖေါ်တို့ လုပ်တာများတယ်။ အထက်ပြည်ကလာတဲ့လူတွေကတော့ များသောအားဖြင့် ပရံအလုပ်၊ ပရိဘောဂအလုပ်၊ ဆောက်လုပ်ရေး အလုပ်တွေ လုပ်တာများတယ်” ဟု ပအိုဝ်းအလုပ်သမားအရေးကိစ္စတွင် တက်ကြွစွာ လုပ်ကိုင်နေသူ ခွန်သောမတ်စ် ကပြောသည်။
ပြီးခဲ့သည့် မကြာသေးခင်လများတွင် ထိုင်းနိုင်ငံအတွင်း နိုင်ငံရေး မတည်မငြိမ်ဖြစ်မှုများကြောင့် ဆောက်လုပ်ရေး၊ ပရံလုပ်ငန်းနှင့် အခြားသော စီးပွားရေးလုပ်ငန်းများ ကျဆင်းလာမှု၊ အလုပ်သွားရန် သွားလာရေးလမ်းပိတ်ဆို့ထားမှု၊ အလုပ်ရှင်မှ လုပ်ငန်းရပ်နားလိုက်ခြင်းစသည့်များကြောင့် ထိုင်းနိုင်ငံရောက် များစွာသော ဆောက်လုပ်ရေးလုပ်ငန်း၊ ပရံနှင့် အခြားသောအလုပ်များတွင် လုပ်ကြသည့် ပအိုဝ်းလူမျိုး တော်တော်များများမှာ အလုပ်အကိုင်မရှိဖြစ်ပြီး တချို့မှာ အခြားသောခရိုင်များနှင့် နယ်များတွင် ရွှေ့ပြောင်း အလုပ်ရှာကြရကြောင်း သိရသည်။
“ဧပြီနဲ့ မေလတုံး အင်္ကျီနီဆန္ဒပြတုန်းကဆိုရင် အလုပ်ရှင်တော်တော်များများတွေ အလုပ်ပိတ်လိုက်တော့ အလုပ်မရှိကြတော့ဘူး၊ တော်တော်ဒုက္ခရောက်ကြတယ်၊ တချို့ကျတော့ အခြားနယ်ဖက်တွေမှာ ပြောင်းပြီးတော့ အလုပ်သွားရှာကြတယ်” ဟု ၎င်းမှ ဆက်ပြောသည်။
ထိုင်းနိုင်ငံသို့ တရားမ၀င် ၀င်ရောက်သည့် ပအိုဝ်းရွှေ့ပြောင်းအလုပ်သမား အများစုသည် ထိုင်းအစိုးရမှ ထုတ်ပေးသည့် တရားဝင်အလုပ်သမားလက်မှတ် မလျှောက်ကြသည့်အတွက် နဂိုတွင် ၎င်းတို့ လုပ်ကိုင်သည့် အလုပ်မှ အလုပ်ပြုတ်သွားပြီးသည့်နောက်ပိုင်းတွင် အခြားနေရာ၌အလုပ်ရှာဖွေရာတွင် အလုပ်ရှင်များမှ ခေါ်ယူခြင်း မရှိ၍ အလုပ်လက်မဲ့ဖြစ်နေကြကြောင်းလည်း သိရသည်။
ထို့အတူ ဘန်ကောက် ချင်းမိုင်နှင့် အခြားမြို့များရှိ ပအိုဝ်းရွှေ့ပြောင်းအလုပ်သမား အများစုမှာ ဆောက်လုပ်ရေးလုပ်ငန်း၊ ပရံလုပ်ငန်းနှင့် ပရိဘောဂဆေးသုတ်လုပ်ငန်းများတွင်သာ ကောင်းမွန်စွာ လုပ်ကိုင်ကြ၍ ယခုချိန်တွင် နိုင်ငံရေးကယက်ကြောင့် ယင်းလုပ်ငန်းများ ရှားပါးလာပြီး အခြားအလုပ်များ ၀င်ရောက်လုပ်ကိုင်ရန် အခက်အခဲများရှိကြကြောင်းလည်း သိရှိရသည်။
၎င်းကိစ္စနှင့်ပတ်သက်၍ ခွန်သောမတ်စ်မှ “ပအိုဝ်းအလုပ်သမားတော်တော်များများက ဆောက်လုပ်ရေးတို့၊ ပရံအလုပ်တို့၊ ဆေးသုတ်တာတို့ပဲ လုပ်တာများတယ်၊ အခြားအလုပ်တွေ သိပ်မလုပ်ဘူး။ အခုထိုင်းနိုင်ငံ အရှုပ်အထွေးတွေဖြစ်တော့ အဲဒီအလုပ်တွေရှာမရတော့ အခြားအလုပ်တွေရှာလဲ သူတို့မလုတ်တတ်ကြဘူး။ နောက်တစ်ခုက သူတို့က အလုပ်သမား လက်မှတ်တွေ မလုပ်ကြဘူး။ အလုပ်သမားလက်မှတ်မရှိတော့ အလုပ်တစ်ခုကပြုတ်သွားတော့ နောက်အခြားအလုပ်ထပ်ရှာဖို့ အခက်ခဲတွေ အများကြီးဖြစ်လာတယ်။ တချို့ကလဲ လက်မှတ်အတုတွေသာ လုပ်ကြတော့ လုံခြုံမှုမရှိဘူး” ဟု တောင်ကြီးတိုင်းမ်သို့ ပြောခဲ့သည်။
No comments:
Post a Comment