တိုင်းရင်းသားလူငယ်များ သမ္မတနှင့် အစိုးရလွတ်တော်ရုံးသို့ လေ့လာမှုနှင့် အပြောင်းအလဲကာလတွင် နိုင်ငံရေးသမားများ၏ အမြင်သုံးသပ်ချက်များ

ခွန်ရာဇာ (တောင်ကြီး) | သြဂုတ်လ ၁၂ ရက်၊ ၂၀၁၃ ခု | တောင်ကြီးတိုင်းမ်

ရန်ကုန်တိုင်းဒေသကြီး ကမာရွတ်မြို့နယ်တွင် နိုင်ငံရေးသိပ္ပံသင်တန်းကျောင်း The Innovative အဖွဲ့ဆရာမျိုးဇော်အောင် ဦးဆောင်သော ကျောင်းသား ၃၆ ယောက်သည် သြဂုတ် ၆ ရက်နေ့တွင် နေပြည်တော်ရှိ ပြည်ထောင်စုလွှတ်တော်၏ ပထမအကြိမ် ပြည်ထောင်စုလွှတ်တော် သတ္တမ ပုံမှန်အစည်းအဝေး ၁၁ ရက်နေ့မြောက်တွင် သွားရောက်လေ့လာခဲ့ကြောင်း သိရသည်။

The Innovative နိုင်ငံရေးသိပ္ပံသင်တန်းကျောင်းသည် နောက်ခံပါတီနှင့် လူမှုအဖွဲ့အစည်းအသီးသီးမှ လာရောက်သင်ကြားသော တိုင်းရင်းသားလူငယ်များဖြစ်ပြီး နိုင်ငံရေးကို စိတ်ဝင်စားသော လူငယ်များလည်းဖြစ်ကြောင်း သိရသည်။ ဆရာမျိုးဇော်အောင်သည် လွှတ်တော် ပြည်ခိုင်ဖြိုးရုံးနှင့် သမ္မတရုံးသို့ သွားရောက်လေ့လာခြင်းကို နိုင်ငံရေးသိပ္ပံ chapter တစ်ခုအဖြစ် လေ့လာခြင်းဖြစ်ကြောင်း ပြောခဲ့သည်။

သြဂုတ် ၅ ရက်နေ့ညတွင် နေပြည်တော်ရှိ စည်ပင်ရိပ်သာအစည်းအဝေးခန်းမတွင် တိုင်းရင်းသားလွှတ် တော်ကိုယ်စားလှယ်များ၏ အတွေ့အကြုံနှင့် နိုင်ငံရေးအမြင်များကို လေ့လာခဲ့ကြသည်။

တိုင်းရင်းသားလွှတ်တော်ကိုယ်စားလှယ်များက ဖက်ဒရယ်ကိုစိတ်ဝင်စားပြီး၊ NDF ၊ NLD ၊ တ.စ.ည ပါတီလွှတ်တော်ကိုယ်စားလှယ်များက ဖွဲ့စည်းပုံအခြေခံဥပဒေပြင်ဆင်ဖို့ကို စိတ်ဝင်စားကြောင်းနှင့် ပြည်ခိုင်ဖြိုးပါတီလွှတ်တော်ကိုယ်စားလှယ်များက အချို့ကျကိုယ်စားပြု (Proportional Representative-PR) မဲပေးစနစ်နှင့် လွှတ်တော်၏လုပ်ထုံးလုပ်နည်းကို စိတ်ဝင်စားကြောင်း ကျားဖြူပါတီ သီပေါမြို့ ပြည်သူ့လွှတ်တော်ကိုယ်စားလှယ် ဦးရဲထွန်းက သုံးသပ်ပြသည်။

သြဂုတ် ၆ ရက်တွင် ပြည်ထောင်စုလွှတ်တော်သို့ ဆက်လက်သွားရောက်လေ့လာခဲ့ကြသည်။ လွှတ်တော်တွင် အဆိုတင်သွင်းခြင်း၊ မေးမြန်ခြင်း၊ အစိုးရကို စောင့်ကြည့်ခြင်းဖြင့် အစိုးရအာဏာကို Check and Balance လုပ်လို့ရကြောင်းကို သိခဲ့ရသည်။ နေ့ခင်းပိုင်းတွင် ၂၀၁၀ အနိုင်ရပါတီဖြစ်သော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးသို့ ဆက်လက်လေ့လာခဲ့ကြသည်။

“အကျိုးတရားဟာ အကြောင်းတရားက စတာဖြစ်တယ်။ နိုင်ငံရေးလမ်းကြောင်းမှန်ဖို့လိုတယ်။ ယခုမြန်မာနိုင်ငံရေးအခင်းအကျင်း ပြောင်းလဲပြီ၊ လွှတ်တော်နှစ်ရပ်ပေါ်လာပြီ အတည်ပြု ရွေးချယ်သောသမ္မတရှိပြီ၊ ဒီပါတီစုံဒီမိုကရေစီစနစ် ရပ်တည်နိုင်ဖို့ အရေကြီးဆုံးက အခြေခံဥပဒေပါဘဲ။ လမ်းကြောင်းမှန်ကို အကာအကွယ်ပေးသော ဥပဒေဖြစ်အောင် ရေးဆွဲကြရမည်။ ပါတီစုံဒီမိုကရေစီ ကျင့်သုံးပြီဆိုလျှင် ဖက်ဒရယ်က အလိုအလျှောက်ပါလာတယ်။ ပြည်ထောင်စုဒီမိုကရေစီ ဖြစ်သည့်အတွက် အများစုကို လိုက်ရပြီး အနည်းစုကိုလည်း မပစ်ပယ်ရဘူး။ ဒါမှ ပြည်ထောင်စုနှင့် ပြည်နယ်အကျိုးကို ဆောင်ရွက်နိုင်မည်။” စသည်ဖြင့် ဖက်ဒရယ်အကြောင်ကိုလည်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဌ ဦးဌေးဦးက ဆွေးနွေးပြောကြားသွားကြောင်း သိရသည်။

သြဂုတ် ၇ ရက် နေ့ခင်းပိုင်းတွင် သမ္မတရုံးသို့ ဆက်လက်သွားရောက်လေ့လာကြသည်။ The Innovative အဖွဲ့မှ ပထမဆုံးအကြိမ် သွားရောက်လေ့လာခြင်းလည်း ဖြစ်ကြောင်း သိရသည်။ ပထမဦးဆုံး အစိုးရယန္တရားနှင့် နိုင်ငံရေးအမြင်၊ လူမှုစီးပွားဖွံ့ဖြိုးမှု၊ အစိုးရဝန်ထမ်းစနစ်၊ နေရာတိုင်း အစိုးရမဖြစ်ရဟု နိုင်ငံတော်သမ္မရုံး ပြည်ထောင်စုဝန်ကြီး ဦးစိုးသိန်းက ဆွေးနွေးတင်ပြခဲ့ကြောင်း သိရသည်။

“မြန်မာနိုင်ငံက အဓိကငြိမ်းချမ်းရေးအတွက် အရေးကြီးတယ်။ မြန်မာနိုင်ငံက အတော်ထူးဆန်းတဲ့တိုင်းပြည်ပါ။ ဘာလို့လဲဆို တိုင်းရင်းသား ၁၃၅ မျိုး စုပေါင်းနေထိုင်သော တိုင်းပြည်မို့ပါ။ ပြီးတော့ တိုင်းရင်းသားနှင့် ငြိမ်းချမ်းရေးလုပ်တာ အတော်ခက်ခဲတယ်။ လက်နက်ကိုင်သမားကို ကျွန်တော်တို့ ဘာမှမပေးနိုင်ဘူး။ ဒါပေမဲ့ ကလေးကို သနားရင် လက်မှတ်ထိုးဖို့လုပ်၊ မသနားရင် မလုပ်နဲ့။ တကယ်လို့ လက်မှတ်ထိုးလုပ်ပြီးရင် နိုင်ငံရေးဆွေးနွေး မယ်။ အရင်က လက်နက်ပါ၊ ချခိုင်းတယ်၊ ပြီးတော့ အပေးအယူလုပ်ကြတယ်။ ဒါပေမဲ့ မအောင်မြင်ဘူး။ ယခုက လက်နက်မချခိုင်းဘူး။ အပစ်ခတ်ရပ်ဖို့ လက်မှတ်ထိုး။ အဖွဲ့စုံပြီဆိုလျှင် စာပွဲခုံပေါ် နိုင်ငံရေးအငြင်းအခုံလုပ်၊ ဆွေးနွေး ဒါပဲ။ ဖက်ဒရယ်မပြောနဲ့ တန်းတူညီမျှမှုရှိအောင် လုပ်ကြမယ်။ တချို့လူက ဖက်ဒရယ်ကို သရဲလို ကြောက်ကြတယ်။ ဘာဖြစ်လို့လည်းဆို ကြောက်အောင်လည်း သမိုင်းကလုပ်ခဲ့တာကိုး။ ဒါပေမဲ့ ဖြစ်ခဲ့တာကို စိတ်ဆိုးရန်ဖြစ်မည့်အစား ရှေ့သွားရမည့်နိုင်ငံရေးကို ဆက်လက်သွားရမည်” ဟု ပြည်ထောင်စုဝန်ကြီး ဦးစိုးသိန်း၏ အမြင်ကို လူငယ်များအား ဆွေးနွေးပြခဲ့ကြောင်း သိရသည်။

“နောက်တစ်ခုက မြန်မာနိုင်ငံဟာ စနစ်မှားခဲ့လို့ နိုင်ငံဆင်းရဲတာကို ပြုပြင်ရမယ်။ ဆင်းရဲခြင်းကို ချမ်းသာအောင် လုပ်တာဟာ ဒီမိုကရေစီဘဲ။ ကျွန်တော် ဒေါ်အောင်ဆန်းစုကြည်နှင့် တွေ့ဆုံလျှင်လည်း ဒီစကားပြောဖြစ်တယ်။ အမကြီးလည်း ဒီမိုကရေစီ၊ ကျွန်တော်လည်း ဒီမိုကရေစီဘဲ၊ ဒါပေမဲ့ အမကြီးနောက်လိုက်တော့ မဟုတ်ဘူး ဆိုတာဘဲ။ နိုင်ငံရေးနှင့် စီးပွားရေး ပြောင်းလဲရုံနှင့် စနစ်မပြောင်းသေးဘူး။ အစိုးရဝန်ထမ်း စိတ်ဓါတ်ပြောင်းဖို့လည်း လိုသေးတယ်။” ဟု ၎င်းက ဆက်ပြောခဲ့သည်။

အစိုးရဝန်ထမ်းသမားတစ်ချို့မှာ ဝန်ထမ်းရာထူးရပြီဆိုလျှင် အာဏာရရှိတယ်လို့ မှားပြီးယူဆကြတယ်။ အမှန်မှာ တာဝန်ရှိတယ်လို့ ခံယူရမှာဖြစ်တယ်။ တစ်ချို့မှာလည်း လုပ်ပိုင်ခွင့်ရှိတယ်ဆိုပြီး ထင်မှားကြတယ်။ အမှန်မှာ အကျိုးဆောင်နိုင်သူအဖြစ် ပြောင်းလည်းခံယူရမှာဖြစ်ကြောင်း၊ တစ်ချို့မှာ မပြောင်းချင်ကြဘူး။ ထိုနေရာကိုပျော်နေတယ်။ ဒါကို ပြင်ပေးရမည်ဟု ပြောဆိုသွားကြောင်းကို သင်တန်းသားလူငယ်များက မှတ်သားခဲရ့ပါသည်။

နောက်တစ်ခုမှာ နေရာတိုင်း အစိုးရစိတ်တွေ ဖြစ်နေကြတယ်။ ငါပဲတတ်တယ် ငါပဲသိတယ်လို့ ခံယူကြတာကို မှားတယ်။ လူတွေဟာ မလုပ်နဲ့လို့ပြောရင် လုပ်ချင်ကြတယ်။ လုပ်ပါဆိုပြီး ခွင့်ပြုလိုက်ရင် သိပ်မလုပ်ချင်ကြဘူး။ အခုလည်း ၈၈ ဒီမိုကရေစီ အရေးတော်ပုံငွေရတုပွဲကို ကျင်းပနိုင်ရေး ခွင့်ပြုချက်ကို မပေးဘူးတဲ့၊ မပေးလျှင် သပ်ိတ်မှောက် ဆန္ဒပြတော့မည်တဲ့၊ ခွင့်ပြုလိုက်ပါ။ ဘာမှ မဖြစ်ဘူး၊ ခွင့်မပြုမှ ပိုပြီးပြဿနာဖြစ်မယ်။ ဒါကို ကျွန်တော်သမ္မတနှင့် တိုင်ပင်ပြီး ဖုန်းဖြင့် ခွင့်ပြုပေးလိုက်ပါလို့ ကျွန်တော်လှမ်းပြောလိုက်ရတယ်။ ဆန္ဒပြသူတွေကို ပြပါစေ၊ မောလို့ရှိရင် ပြန်သွားပါလ်ိမ့်မယ်။ ဒါပေမဲ့ ဆန္ဒပြဖို့အတွက် ခွင့်ပြုချက်တော့ ယူသင့်တယ်။ ခွင့်ပြုမိန့်မပေးမှ ကြိုက်သလို လုပ်မယ်ဆိုပြီး ခံယူသင့်တယ်။ ဒီမိုကရေစီစနစ်မှာ အမြင်အမျိုးမျိုးနှင့် အတွေးအမျိုးမျိုးနှင့် သွားနေတယ်။ မကောင်းသောလူ၊ ဒီမိုကရေစီယုံကြည်မှု မရှိသောသူ၊ အရည်အချင်းမရှိသောသူဟာ ဒီမိုကရေစီကို မရနိုင်ဘူး ဟု ပြည်ထောင်စုဝန်ကြီး ဦးစိုးသိန်းက ဆွေးနွေးတင်ပြခဲ့ပါသည်။

နိုင်ငံရေးကို စိတ်ပါဝင်စားသော The Innovative ကျောင်းသား တိုင်းရင်းသားလူငယ်များသည် နိုင်ငံရေးဗဟုသုတနှင့် နိုင်ငံရေးပြောင်းလဲပုံ၊ လွှတ်တော်နှင့် အစိုးရအချင်းချင်း ထိန်းကျောင်းပြီး နိုင်ငံရေးလုပ်ရှားပုံ၊ ဒီမိုကရေစီ ပြုပြင်ပြောင်းလဲရေးတွင် ဥပဒေပြုရေးမဏ္ဍိုင် အလွန်အရေးကြီးပှုံနှင့် နိုင်ငံရေးပါတီများ လွှတ်တော်ကိုယ်စားလှယ်များ နိုင်ငံရေးကိုယ်တွေ့ အမြင်များကို လေ့လာသင်ယူခဲ့ကြရကြောင်း သိရသည်။