အခန်းအနားကို ဒီဇင်ဘာ (၁၀) ရက်နေ့မှ (၁၂) ရက်နေ့ထိ ရန်ကုန်တိုင်း မှော်ဘီမြို့မှာ တစ်နိုင်ငံလုံးရှိ လူငယ်များ ၂၀၀ ကျော်ခန့် တက်ရောက် ဆွေးနွေးခဲ့ကြတယ်လို့ သိရပါတယ်။
တက်ရောက်လာတဲ့ လူငယ်များက မိမိတို့ဒေသ ဆိုင်ရာ ပြဿနာများကို ဖိုရမ်နေ့ မတိုင်ခင်၌ ပြည်နယ်၊ တိုင်း ဖိုရမ်များ ကျင်းပပြုလုပ်ကြပါတယ်။ အချို့ပြည်နယ်များက ဆွေးနွေးမယ့် ပြဿနာများကို ဒေသဖိုရမ်မှာ ခေါင်းစဉ်သတ်မှတ်ခဲ့ပြီး အချို့ပြည် နယ်/တိုင်းများက ကြေငြာစာတမ်းများအထိ ဖော်ထုတ်ကာ တစ်နိုင်လုံးဆိုင်ရာ မြန်မာဖိုရမ်ကိုလာရောက် ဆွေးနွေး ဖလှယ်ခဲ့ကြပါတယ်။
ရှမ်းပြည်နယ်မှ ကိုယ်စားလှယ်များက ဒေသဖိုရမ်ကို ဒီဇင်ဘာ (၇) ရက်နေ့ ကောင်ရွေလူမှုလှုပ်ရှားဆောင်ရွက် ရေးကွန်ယက်မှာ ကျင်းပခဲ့ပါတယ်။ တောင်ကြီးမြို့ပေါ်မှ လူမှုရေးအသင်း အဖွဲ့များ၊ အောင်သပြေ မှ လူမှုအသင်းအဖွဲ့များ ပါဝင်တက်ရောက်ကာ အဓိက ပညာရေး၊ ကျားမတန်းတူရေးနဲ့ အလုပ်အကိုင်အခွင့်အလမ်း၊ ကမ္ဘာပြုမှုကြောင့် မြန်မာ့ယဉ်ကျေးမှု အခြေအနေ၊ လူ့အခွင့်အရေးအခြေအနေ စတဲ့ ခေါင်းစဉ်ကြီးလေးခုကို သွားရောက်ဆွေးနွေးရန် သတ်မှတ်ခဲ့တယ်လို့ သိရပါတယ်။
“ကျနော်တို့ရှမ်းပြည်နယ် အနေနဲ့ ကိုယ်စားလှယ် အကုန်မတက်ရောက်နိုင်ခဲ့ဘူး။ ရှမ်းရှေ့က တစ်ယောက်မှ မပါနိုင်ခဲ့ဘူး။ ဘာလို့လဲဆိုတော့ MYF က ဘတ်ဂျက်အခက်ခဲနှင့် အချိန်လည်းအများကြီးမရခဲ့ဘူး” လို့ တောင်ကြီးမြို့မှ ကိုယ်စားလှယ် တစ်ဦးဖြစ်သူ စိုင်းအေးကပြောပါတယ်။
ကိုယ်စားလှယ်ကို ရှမ်းပြည်နယ် ရှမ်းရှေ့(၁၁) ဦး၊ ရှမ်းမြောက်ကို ( ၁၁) ဦး နှင့် ရှမ်းတောင်ကို (၁၁ ) ဦး စုစုပေါင်း (၃၃ ) ဦးသတ်မှတ်ပြီး မြန်မာလူငယ်ဖိုရမ်က ဖိတ်ခေါ်ခဲ့ပါတယ်။ သို့သော်လည်း ရှမ်းရှေ့က တက်ရောက်နိုင်မှု မရှိသောကြောင့် ရှမ်းတောင်မှ ၂၃ ဦး နှင့် ရှမ်းမြောက်မှ ၄ ဦးသာတက်ရောက်ခဲ့ပါတယ်။
“ကျနော်တို့ ရှမ်းပြည်နယ် လူငယ်ဖိုရမ်ကို လုပ်ဖို့ရှိပါတယ်။ ဘာလို့လဲဆိုတော့ အခုတက်ရောက်တဲ့ ကိုယ်စားလှယ်က မစုံဘူး။ ရှမ်းပြည်တစ်ခုလုံးကို ကိုယ်စားမပြုနိုင်ခဲ့ဘူး။ ဥပမာ ရှမ်းရှေ့က ဘာတွေဖြစ်နေလဲ ဘာပြဿနာတွေ ကြုံနေရလဲဆိုတာ တင်မပြနိုင်ခဲ့ဘူး။ တိုင်းရင်းသားတွေလဲ အစုံမပါနိုင်ခဲ့ဘူး။ ၂၀၁၃ လူငယ်ဖိုရမ်ကိုတော့ အကုန်ပါလာအောင်တော့ပြင်ဆင်မှာပါ” လို့ ရှမ်းတောင်ကိုယ်စားလှယ်တစ်ဦး ခွန်ဇော်က ပြောပါတယ်။
မြန်မာလူငယ်ဖိုရမ်မှ တစ်နိုင်လုံးအတိုင်းအသာထိ ကြေညာစာတမ်း (၆၃) ချက်ထိ ထုတ်ပြန်နိုင်ခဲ့ကြောင်း သိရပါတယ်။ ပြဿနာ (၉) ခုမှ Recommendation (၃) ခု နဲ့ Commitment (၃) ခု စတဲ့ ရလဒ် ထွက်ပေါ်ခဲ့ပါတယ်။
အခမ်းအနား ပထမနေ့မှာ တိုင်းနဲ့ ပြည်နယ်များမှ တက်ရောက်လာတဲ့ လူငယ်များအချင်းချင်းမိတ်ဆက်ခဲ့ပါတယ်။ နေ့လည်ခင်းပိုင်းမှာတော့ ပြည်နယ်နဲ့တိုင်းမှ ပြဿနာများကို အခြေခံပြီး ခေါင်းစဉ် (၉) ခုခွဲပြီးတော့ လူငယ်များ အထူးပြုရာ၊ စိတ်ဝင်စားသော ခေါင်းစဉ်များကို အုပ်စု (၉) စု ဆွေးနွေးခဲ့ပါတယ်။
ဒုတိယနေ့မှာတော့ ပြဿနာများအပေါ် အကြုံပြုချက်များ၊ ဖြေရှင်းချက်နည်းလမ်းများ ချက်မှတ်ခဲ့ပါတယ်။ တတိယမြောက်နေ့မှာ ပြဿနာတွေကို ဖြေရှင်းရာမှာ လူငယ်များမှ တာဝန်ယူမည့်အပိုင်းကို ချမှတ်ခဲ့တယ်လို့ သိရှိရပါတယ်။
ညနေပိုင်းများမှာ တိုင်းရင်းသားများ မိမိတို့ရိုးရာယဉ်ကျေးမှု ဖလှယ်တဲ့အစီအစဉ်နဲ့ စတိုက်ရှိူးများလည်း ပါဝင်တက်ဆက်ခဲ့ကြတယ်လို့ သိရပါတယ်။ ပြည်နယ်နဲ့ တိုင်းများမှ လူငယ်များကွန်ယက်အတွက် ပြည်နယ်နဲ့ တိုင်းမှ ကိုယ်စားလှယ်များရဲ့အစည်းအဝေးကိုတော့ လာမယ့် ဇန်န၀ါလမှာ ကျင်းပဖို့အတွက် စီစဉ်ထားတယ်လို့ ကြားသိရပါတယ်။
No comments:
Post a Comment