ရှမ်းပြည်နယ်လူမျိုးပေါင်းစုံ ပြည်သူ့လွတ်မြောက်ရေးအဖွဲ့ ( ရ.လ.လ.ဖ) ၏ ဥက္ကဋ္ဌ အဘ ခွန်စိန်ရွှေနှင့် တွေ့ဆုံခြင်း

ပြည်တွင်းစစ်ဖြစ်လာရတဲ့အကြောင်းရင်းကို ဘယ်သူမှ အခုထက်ထိ မပြောကြသေးဘူး။ ပြည်တွင်းစစ်ဖြစ်ရတဲ့အကြောင်းကို ၀ိုင်းဝန်းဖယ်ရှားမယ်ဆိုရင်ထာဝရငြိမ်းချမ်းရေးဟာ မုချရမယ်လို့ ကျွန်တော်ထင်တယ်။

Photo From: The Myanma Age

ရှမ်းပြည်နယ်လူမျိုးပေါင်းစုံ ပြည်သူ့လွတ်မြောက်ရေးအဖွဲ့ ( ရ.လ.လ.ဖ) ၏ ဥက္ကဋ္ဌ အသက် ၈၂ နှစ်ရှိ အဘ ခွန်စိန်ရွှေနှင့် မြန်မာ့ခေတ်မီဒီယာမှ ဒီဇင်ဘာလ ၁၁ ရက် က ရှမ်းပြည်နယ် ဆီဆိုင်မြို့နယ် နောင်ထောဝ်ရွာ ဌာနချုပ်၌ တွေ့ဆုံ မေးမြန်းခဲ့သည်များမှ ကောက်နုတ်ဖော်ပြလိုက်ပါသည်။

မြန်မာ့ခေတ်။ ။ အခြေခံဥပဒေအရ ဒီဟဲဟိုးတို့ ဆီဆိုင်တို့က ကိုယ်ပိုင်အုပ်ချုပ်ခွင့်ရတဲ့အထဲမှာပါတယ်။ ဒါပေမယ့် အဘတို့ အပစ်အခတ်ရပ်စဲတုန်းက ညှိုနှိုင်းထားတဲ့ အချက် ၁၅ ချက်ကို တောင်မှ တစ်ချက်မှ မရသေးဘူးဆိုတော့ ကိုယ်ပိုင်အုပ်ချုပ်ခွင့် အပိုင်းမှာရော အဘတို့လုပ်ဆောင်နိုင်ခွင့်ရရဲ့လားအဘ။

အဘခွန်စိန်ရွှေ။  ။အဘတို့ကိုတောင်မှ ပေးလိုက်ပြီဆိုတဲ့အကြောင်းကို မကြားပါဘူး။ နားလည်နေတာက အထူးသဖြင့် PNO (ပအိုဝ်းအမျိုးသားအဖွဲ့) က နားလည်ထားတာက သူတို့ကိုပေးတယ်လို့ထင်နေတာ။ ကျွန်တော်ပြောတာက ကိုယ်ပိုင်အုပ်ချုပ်ခွင့်ရဒေသကိုပေးတာက ပအို့ကိုပေးတာ။ PNO ကိုပေးတာ မဟုတ်ဘူး။ အဲဒါ PNO နဲ့လည်းမဆိုင်ဘူး။ ငါတို့ ရ.လ.ဖ နဲ့လည်းမဆိုင်ဘူး။ တောင်ကြီးမှာ ရှိတဲ့ ပ.အ.မ.ဖ နဲ့လည်းမဆိုင်ဘူး။ ဒီတော့ ဒါဟာ ဘယ်သူနဲ့ဆိုင်လည်း ပအို့ တစ်မျိုးသားလုံးနဲ့ဆိုင်တယ်။ အဲဒီတော့ PNO ရဲ့ဒေသမဟုတ်ဘူး။ ရ.လ.ဖ ရဲ့ ကိုယ်ပိုင်အုပ်ချုပ်ခွင့်ရဒေသလည်းမဟုတ်ဘူး။ ပ.အ.မ.ဖ ရဲ့ ကိုယ်ပိုင်အုပ်ချုပ်ခွင့်ရဒေသလည်းမဟုတ်ဘူး။ ပေးတာက ပအို့ကိုပေးတာ။ အဲဒါပဲ အဘပြောချင်တယ်။ အဘကိုတောင် အကြောင်းမကြားဘူး။ သူတို့နဲ့ PNO နဲ့က က ပလဲနံပသင့်နေတာကိုး။ ဒါရှိတယ်။ ဘာဖြစ်လို့လဲဆိုတော့ ပြောသမျှ ခေါင်းညိတ်နေတဲ့အဖွဲ့အစည်းဖြစ်တယ်။ ကျွန်တော်တို့က ခေါင်းမညိတ်တဲ့အခါကျတော့ ရစရာရှိတဲ့အခွင့်အရေးတွေ ကျွန်တော်တို့မရဘူး။

မြန်မာ့ခေတ် ။  ။ အဘတို့က ဒုတိယပင်လုံ ပြန်ခေါ်ဖို့တောင်းဆိုကြတယ်။ အခု ဦးအောင်မင်းတို့က အဆင့် ၃ ဆင့်နဲ့ ငြိမ်းချမ်းရေး ဖော်ဆောင်နေတာရှိတယ်။ အဲဒီနှစ်ခုကွာဟမှုက ဘယ်အပိုင်းတွေဖြစ်မလဲ။ ပြီးတော့ လက်ရှိလုပ်နေတဲ့ဆွေးနွေးမှုအပိုင်းကိုရော ဘာကြောင့် အပြည့်အ၀ယုံကြည်မှုမရှိတာလဲ။

အဘခွန်စိန်ရွှေ ။ ။ ဒါက ငါးပွက်ရာ ငါးစာချသလိုဖြစ်နေတယ်။ ကရင်ငြိမ်သွားအောင် ခရောဆိုနီ သဘောတူညီချက်အပစ်အခတ်ရပ်စဲရေးလုပ်တယ်။ ကရင်ကတောင်းဆိုတယ် နိုင်ငံရေးဆွေးနွေးရမယ်။ မရသေးဘူး နောက်တစ်ဆင့်။ အဲလိုနောက်တစ်ဆင့် ချိန်းပြီးတော့မှ ရှမ်းနဲ့ဆွေးနွေးလိုက်တယ်။ နောက် ကျန်နဲ့အဖွဲ့အစည်းတွေပေါ့ဗျာ။ မွန်တို့ ဘာတို့ပေါ့ဗျာ။ ဆွေးနွေးပြီးတော့မှ သူတို့ အပစ်အခတ်ရပ်စဲရေး ရယူခဲ့တယ်။ မှန်ပါတယ်။ ဒါပေမယ့် အဲဒီအပစ်အခတ်ရပ်စဲရေး ဆိုတာလည်း တကယ့်အပစ်အခတ်ရပ်စဲရေးရအောင် သူတို့မလုပ်နိုင်သေးပါဘူး။ သေနတ်သံတွေက ထွက်နေတယ်။

ဥပမာ ကချင်ဆိုရင် ဘယ်ကစလဲဆိုရင် နယ်ခြားစောင့်တပ်ပေါ့။ အဲဒီက လက်မခံဘူး။ ကျွန်တော်တို့နားလည်ထားတာက နယ်ခြားစောင့်တပ်ဆိုတာ တိုင်းတစ်ပါးက ကျူးကျော်လာရင် ကိုယ့်နယ်ခြားကို ကိုယ်စောင့်ရမှာဖြစ်တဲ့အဖွဲ့ ကိုယ့်ပြည်သူကို ကာကွယ်ရမယ့်အဖွဲ့။ အဲဒီအချိန်မှာ ဗိုလ်ချုပ်အောင်ဆန်းပြောခဲ့တယ် တိုင်းတစ်ပါးကတိုက်ခိုက်လာတယ်။ ကျူးကျော်

လာတယ်ဆိုရင် စစ်ထဲဝင်ချင်ချင် မ၀င်ချင်ချင် ၀င်ရမယ်ဆိုပြီး အဲဒီဥပဒေပြဌာန်းသင့်ပြဌာန်းရမယ်ဆိုပြီး ဗိုလ်ချုပ်ကပြောခဲ့တယ်။ သူတို့ကတော့ ဘယ်နိုင်ငံခြားကမှ မကျူးကျော်ပဲ နယ်ခြားစောင့်တပ်ဆိုပြီး တပ်တွေကို သူတို့ချုပ်ကိုင်လို့ရအောင် သူတို့လုပ်ပစ်လိုက်တာ။ ဒါကို ကချင်က လက်မခံတဲ့အခါကျတော့ တိုက်တယ်။ တိုက်တော့ ပြုတ်သွားပြီလားဆိုတော့ မပြုတ်သေးဘူး။ အဲဒီတော့ ကချင်တွေကို သူတို့ တိုက်တယ်။ တွန်းထုတ်တာပဲ။ ကျန်တဲ့သူတွေက သူ့စကားနားထောင်ပေါ့။ လက်နက်ကိုင်တဲ့သူတွေကို တစ်ခါတည်းလွင့်ထွက်သွားအောင်လုပ်တာပဲ။ ကချင်ရှုံးသွားတယ်ပဲထားပါတော့။ ငြိမ်နေမယ်တဲ့လား။ ကျွန်တော်တို့က လက်နက်ကိုင်တော်လှန်ရေးလုပ်ခဲ့တော့ ဒါမျိုးတွေနားလည်တယ်။
ဘယ်တော့မှ မနေဘူး။ အဲဒီတစ်နေရာမှာ ထွက်ပြေးရတယ်ဆို ဟော့ဒီတစ်နေရာမှာ ၀င်လာမှာပဲ။ တစ်နေရာကို သူဝင်လာမှာပဲ။ ပူးပေါင်းနိုင်တဲ့အင်အားနဲ့ သူပူးပေါင်းမှာပဲ။ မကျေနပ်တဲ့ အင်အားနဲ့သွားတွေ့ရင်ပိုပြီးတော့ အင်အားတောင် တင်းလာပြီး ချမှာပဲ။ မပြီးနိုင်ဘူး အဲဒီ ဥစ္စာက။

နောက်တစ်ခုက တစ်ဖွဲ့ပြီးတစ်ဖွဲ့လိုက်ဆွေးနွေးနေတဲ့ သူတို့ အဆင့် ၃ ဆင့် ဆိုတဲ့ဟာက မအောင်မြင်နိုင်ဘူးလို့ ကျွန်တော်တော့ ဒီလိုပဲ ယုံကြည်တယ်။ အဲဒါကလည်းပြောရင်သိပ်ကျယ်ဝန်းပါတယ်။ တော်လှန်ရေးပေါ်ပေါက်လာတဲ့ အခြေခံချင်းက သိပ်မတူကြဘူး။ အခြေခံဒေသခြင်း ယဉ်ကျေးမှုမရရော မတူကွဲပြားတာတွေရှိပါတယ်။ ဒါပေမယ့် ကျွန်တော်တို့ တူတာကို အကုန်လုံးတွဲလုပ်ကြတယ်။ ဒီတော်လှန်ရေးသမားတွေအနေနဲ့။ အဲဒီတော့ ကျွန်တော်ပြောနေတာက ငါးပွက်ရာ ငါးစာချတာ။ အဲဒီတော့ ဒီဥစ္စာလုပ်တာနဲ့ ခုနခင်ဗျားမေးတဲ့ ပင်လုံညီလာခံတစ်ခုပေါ်ပေါက်လာတာ ပိုအဆင်ပြေမယ်လို့ ကျွန်တော်တော့ထင်တယ်။ အဲဒီဟာက ပိုအကျိုးရှိတယ်။ 

အဲဒါကျရင် တိုင်းရင်းသားလက်နက်ကိုင်အဖွဲ့အစည်းတွေရော လက်နက်မကိုင်တဲ့အဖွဲ့အစည်းတွေရော လူထုဖက်ကရော စိတ်ဝင်စားတဲ့ပုဂ္ဂိုလ်တွေ အကုန်ဖိတ်။ အဲဒီအထဲက မြို့တွင်းက နိုင်ငံရေးပါတီတွေအကုန်ဖိတ်။ ပြီးတော့ ဥပဒေပညာရှင်တွေ အကုန်ဖိတ် ရသလောက်ပေါ့။ နောက်အစိုးရကိုယ်စားလှယ်တွေနဲ့ အဲဒီမှာဆွေးနွေးကြ။ ကျွန်တော်ပြောတာက ဒီကချင်ပြည်နယ်ထဲမှာရှိနေတဲ့ ပဋိပက္ခလေးတစ်ခုပဲပြောတာ။ အဲဒီ တစ်ခုက အများထဲမှာပါတယ်။ အဲဒီတော့ ဒီကချင်တစ်ခုတည်း ငြိမ်းအောင်လုပ်လို့မရဘူး။ အဲဒီတော့ ဘာလုပ်သင့်သလဲ ဆိုလို့ရှိရင် ကျွန်တော့် ယုံကြည်ချက်ကို ကျွန်တော်ပြောရရင် အကြောင်းတစ်ခုခုဖြစ်ပေါ်လာတယ်။ ဒါအကျိုးတရားပဲ။ အကျိုးတရားဟာ အကြောင်းတရားက လာတာပဲ။ အကြောင်းတရားမရှိဘဲနဲ့ အကျိုးတရားဆိုတာမရှိဘူး။အကျိုးတရားဆိုတာက တော့ ကောင်းကျိုးဆိုကျိုး နှစ်မျိုးလုံးပေါ့ဗျာ။ 

အဲဒီတော့ ဒီပြည်တွင်းစစ်ဖြစ်လာရတဲ့အကြောင်းရင်းကို ဘယ်သူမှ မပြောကြသေးဘူး။ အခုထက်ထိ။ ကျွန်တော့် နားလည်မှုကိုတော့ ကျွန်တော်ထိန်ချန်ထားတယ် ။ ဒီမှာကတော့ ကျွန်တော်မပြောပါရစေနဲ့။ ဘာလို့မပြောသလဲဆိုတော့ ဒီအချက်ကို ခုနကပြောတဲ့ ပင်လုံကဲ့သို့ ညီလာခံကြီးပေါ်လာပြီဆိုရင် ဒေါ်အောင်ဆန်းစုကြည်ပြောတဲ့ ၂၁ ရာစု ပင်လုံညီလာခံ အဲလိုပေါ်လာပြီဆိုရင် အားလုံးဖိတ်ပြီးတော့ အမြင်တွေအားလုံး အဲဒီမှာတင်ပြကြတဲ့အချိန်မှ ကျွန်တော့်တင်ပြချက်ကို တင်ပြမယ်။ ကျွန်တော်လည်း ကျွန်တော်မှန်ချင်မှန်မယ်။ မှားတယ်ဆိုရင်လည်းကျွန်တော် သင်ခန်းစာရမယ်။ ကျွန်တော်မှန်တယ်ဆိုရင် အားလုံးက အဲဒီအချက်ကို ၀ိုင်းဝန်းဖယ်ရှားမယ်။ ပြည်တွင်းစစ်ဖြစ်ရတဲ့အကြောင်းကို ၀ိုင်းဝန်းဖယ်ရှားမယ်ဆိုရင် ထာဝရငြိမ်းချမ်းရေးဟာ မုချရမယ်လို့ ကျွန်တော်ထင်တယ်။ အဲဒါ ဆက်နွယ်နေတဲ့ အကြောင်းတရားတွေလည်း ရှိတာပေါ့ကျွန်တော်ထိန်ချန်ထားတယ် ဆိုတဲ့အချက်က ကျွန်တော်မပြောချင်သေးလို့ပါ။ ဒါကတော့ ခွင့်လွှတ်ပါလို့ ကျွန်တော်ပြောချင်ပါတယ်။

မြန်မာ့ခေတ် မီဒီယာ
အေးချမ်းမွန်မှ The Myanma Age တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။