ဥပဒေ မပြင်လျှင် ပါတီမှတ်ပုံမတင်ဟု တိုင်းရင်းသား ခေါင်းဆောင်များပြောကြား

E-mail Print
စစ်အစိုးရက ၂၀၀၈ ခုနှစ် ဖွဲ့စည်းပုံ အခြေခံ ဥပဒေကို မပြင်ပါက ပြည်သူ့ လွှတ်တော် ကိုယ်စားပြု ကော်မတီ(CRPP) အဖွဲ့ဝင်များ အနေဖြင့် ၂၀၁၀ ရွေးကောက်ပွဲ ၀င်ရေးနှင့် ပါတီ မှတ်ပုံတင်ရန် မဖြစ်နိုင်ကြောင်း ယနေ့ ပြောကြားလိုက်သည်။

နိုင်ငံရေး ပါတီများ မှတ်ပုံတင်ခြင်း ဥပဒေကို စစ်အစိုးရက ယခုလ ၈ ရက်နေ့တွင် ထုတ်ပြန် ကြေညာခဲ့ပြီးနောက် CRPP အဖွဲ့ဝင် များက ယခုကဲ့သို့ ပြောကြားလိုက် ခြင်းဖြစ်သည်။

စစ်အစိုးရက ရေးဆွဲထားသော ၂၀၀၈ ဖွဲ့စည်း အုပ်ချုပ်ပုံ ဥပဒေ၌ ပြည်နယ်နှင့် တိုင်းရင်းသားများ၏ အခွင့်အရေးများ မပါဝင် သည့်အတွက် CRPP အဖွဲ့ဝင်များအနေနှင့် ပါတီ မှတ်ပုံတင်ရန် လုံးဝ မဖြစ်နိုင်ကြောင်း ရခိုင် အမျိုးသား ဒီမိုကရေစီအဖွဲ့ချုပ်(ALD) အတွင်းရေးမှူး ဦးအေးသာအောင်က ဧရာဝတီသို့ ပြောသည်။

“CRPP အဖွဲ့ ရှမ်းတိုင်ရင်းသားများ၊ ရခိုင် ဒီမိုကရေစီ အဖွဲ့ချုပ်၊ ဇိုမီး၊ မွန်စတဲ့ ပါတီတွေ အနေနဲ့ကတော့ ဒီဖွဲ့စည်းပုံကို မပြင်ရင် ရွေးကောက်ပွဲကို ၀င်ဖို့ ပါတီ မှတ်ပုံတင်ဖို့ဆိုတာ မဖြစ်နိုင်ဘူး”ဟု ၎င်းက ပြောသည်။

ALDကို ၁၉၈၈ ခုနှစ် အောက်တိုဘာလ ၁၂ ရက်နေ့တွင် ရှစ်လေးလုံးအရေးတော် ပုံ ကာလက ဦး ဆောင်လှုပ်ရှားခဲ့ကြသော ထင်ရှားသည့် ရခိုင်ခေါင်းဆောင်များဖြင့် ဖွဲ့ စည်းတည်ထောင်ခဲ့ခြင်း ဖြစ်သည်။

ALD သည် ၁၉၉၀ ပြည့်နှစ်က ကျင်းပသော အထွေထွေရွေးကောက်ပွဲတွင် တနိုင်ငံလုံး အတိုင်းအတာအရ အမတ် နေရာ ၁၁ နေရာဖြင့် တတိယ အများဆုံး အနိုင်ရရှိခဲ့သည့် ပါတီဖြစ်ပြီး ရခိုင်ပြည်နယ်တွင်လည်း အမတ် ဦးရေ အများဆုံး အနိုင်ရခဲ့သော ပါတီဖြစ်သည်။

ALD အနေဖြင့် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(န၀တ)၏ ၁/၉၀ ကြေညာချက်ကို ဆန့်ကျင်ကန့် ကွက်သော ကြောင့် ၁၉၉၃ ခုနှစ်တွင် တရားဝင်ပါတီအဖြစ်မှ ဖျက်သိမ်းခြင်း ခံခဲ့ရသည်။

အလားတူပင် ဇိုမီး အမျိုးသား ကွန်ဂရက်ပါတီနှင့် ရှမ်းအမျိုးသား ဒီမိုကရေစီအဖွဲ့ချုပ် (SNLD) တို့ကလည်း ရွေးကောက်ပွဲကို မ၀င်ရန် ဆုံးဖြတ်ထားကြသည်။

SNLDမှ ပြောရေးဆိုခွင့်ရှိသူ ဦးစိုင်းလိတ်က“ ကျနော်တို့ ဥက္ကဌ ဦးခွန်ထွန်းဦးနဲ့ အတွင်းရေးမှူး စိုင်းညွန့်လွင်ကို လွှတ်မပေးဘူး၊ တခြားနိုင်ငံရေး ယုံကြည်ချက်ကြောင့် အကျဉ်းကျနေတဲ့လူတွေ လွှတ်မပေးဘူး၊ တွေ့ဆုံဆွေးနွေးရေး မလုပ်ဘူးဆိုလို့ရှိရင်၊ တိုင်း ရင်းသားတွေကို အာမခံချက်ပေးနိုင်တဲ့ ရွေးကောက်ပွဲ မဖြစ်ဘူးလို့ ကျနော် ယုံကြည်တယ်၊ ဒါကြောင့်မို့လို့ ကျနော့် ဥက္ကဌ၊
အတွင်းရေးမှူး မပါဘဲနဲ့ ပါတီလည်းမဖွဲ့ဘူး၊ ၀င်လည်းမ၀င်ဘူးဆိုတာ ဥပဒေမထွက်ခင်ကတည်းက ကြေညာပြီးသားပါ”ဟု ပြောသည်။

CRPP သည် ၁၉၉၀ ခုနှစ် ရွေးကောက်ပွဲ ရလဒ်ကို အကောင်အထည်ဖော်ဆောင်ရေး၊ လွှတ်တော် ခေါ်ယူရေးစသည့် အချက် များဖြင့် ရပ်တည်၍ အမျိုးသား ဒီမိုကရေစီအဖွဲ့ချုပ်(NLD) အပါအ၀င် တိုင်းရင်းသား ပါတီများ ၁၂ ဖွဲ့ဖြင့် ဖွဲ့စည်းထားသော အဖွဲ့တခုဖြစ်သည်။

သို့သော်လည်း စစ်အစိုးရ ဥပဒေတွင် နိုင်ငံရေးပါတီများ မှတ်ပုံတင်ခြင်း ဥပဒေ အရ တည်ရှိနေသာ ပါတီများသည် ရက်ပေါင်း ၆၀ အတွင်း ရွေးကောက်ပွဲ ကော်မရှင်သို့ လျှောက်ထားရန် ပျက်ကွက်ပါက နိုင်ငံရေးပါတီ အဖြစ်မှ အလိုအလျောက် ပျက်ပြယ် သွားမည်ဟု ပါရှိသည်။

ဦးအေးသာအောင်ကမူ“ရွေးကောက်ပွဲဝင်ခွင့်မရတဲ့တိုင် ဒီ ပုဂ္ဂိုလ်တွေဟာ နိုင်ငံရေးကို ဆက်လက်လုပ် ဆောင်သွားမှာပါ၊ တိုင်းပြည်အတွက်၊ ဒီမိုကရေစီအတွက်၊ လူ့အခွင့်အရေးအတွက်၊ တိုင်းရင်းသားများ အခွင့်အရေးအတွက်၊ နည်းမျိုးစုံနဲ့ ဆက် လက်ရပ်တည်ပြီးတော့ နိုင်ငံရေးကို လုပ်ဆောင်သွားမှာပါ”ဟု ဆိုသည်။

http://www.irrawaddy.org/bur/index.php/news/1-news/2759-2010-03-11-11-16-48

No comments: