ငွေအလွဲသုံးစားမှုကြောင့် စုံစမ်းမှုပြုလုပ်ပေးရန် သတင်းစာရှင်းလင်းပွဲပြုလုပ်

ခွန်ရာဇာ (တောင်ကြီး) | သြဂုတ်လ ၈ ရက်၊ ၂၀၁၄ | တောင်ကြီးတိုင်းမ်



ကိုယ့်အားကိုယ်ကိုးမီးလင်းရေးကော်မတီ၏ ငွေအလွဲသုံးစားပြုလုပ်မှုနှင့် (၂၁.၇.၂၀၁၄) လွဲးမားစွာ ဆန္ဒဖော်ထုတ်မှုကြောင့် မိုင်းသော်အရှေ့ကျေးရွာအုပ်စု တောင်နီကျေးရွာ ဖွံ့ဖြိုးရေးအထောက်အကူပြုဥက္ကဌ ဦးမြအောင် ဦးဆောင်ပြီး ရပ်မိရပ်ဖနှင့်အတူ သြဂုတ်လ ၆ ရက်တွင် တောင်ကြီးမြို့ ရှမ်းစာပေနှင့်ယဉ်ကျေးမှုခန်းမတွင် သတင်းစာရှင်းလင်းပွဲးပြုလုပ်ကြောင်း သိရသည်။

“၂၀၁၄ ခု၊ ဇူလိုင်လ ၂၁ ရက်မှာ ယခင်တောင်နီကျေးရွာအုပ်ချုပ်ရေးမှူးကို ပြန်လည်တင်မြောက်ရေး၊ မြို့နယ်အုပ်ချုပ်ရေးနဲ့ တရားရုံးက ထုတ်ထားတဲ့ ရပ်စဲရေးအမိန့်စာကို ပြန်လည်ရုပ်သိမ်းရေး ဆိုပြီး ဆန္ဒပြတဲ့အပေါ်မှာ အုပ်ချုပ်ရေးမှူး ဦးလှသော်ဟာ အုပ်ချုပ်ရေးမှူးလည်းဖြစ်တယ်။ မီးလင်းရေးကော်မတီဥက္ကဌလည်း ဖြစ်တယ်၊ ငွေထိန်းလည်းဖြစ်တယ်။ သူဟာ ငွေအလွဲသုံးစားပြုလုပ်နေပါတယ်၊ ပြည်သူက တိုင်ကြားထားပါတယ်၊ ငွေသိန်းပေါင်း ၁၁၆၀ ကျော် ငွေအလွဲသုံးစာပြုလုပ်ထားတာ မှန်ကန်ပါတယ်ဆိုပြီး သက်သေအထောက်ထားအခိုင်မာနဲ့ ရှင်းလင်းရခြင်း ဖြစ်ပါတယ်။ ဒါကို တပ်မတော်လက်ထက်က အကြိမ်ကြိမ်တိုင်ကြားထားပါတယ်။ စုံစမ်းစစ်ဆေးခြင်း မပြုလုပ်ဘူး။ ဒါကြောင့် အုပ်ချုပ်ရေးမှူးဦးဇော်မြင့်သိန်းလက်ထက်မှာ ရပ်ရွာသား ၂၆ ယောက် လက်မှတ်ထိုးပြီး ထပ်မံတိုင်ကြားပါတယ်။ အဲဒါလည်း အရေးယူပေးခြင်းမရှိခဲ့ဘူး၊ နောက် ဦးလှသော်က အလွဲသုံးစားမှု ထင်ရှားပါတယ်ဆိုပြီး သူရပ်နားခဲ့ပါတယ်။ ကော်မတီမှ စစ်ဆေးခြင်း၊ အရေးယူခြင်း ယနေ့ထိမရှိသည့်အတွက် ကျွန်တော့အနေနဲ့ ဖွံ့ဖြိုးတိုးတက်ရေး အထောက်အကူပြုတစ်ဦးအနေနဲ့ လည်းကောင်း၊ ရပ်မိရပ်ဖတစ်ဦးအနေနဲ့လည်းကောင်း ရှမ်းပြည်နယ်အထူးစုံစမ်းစစ်ဆေးရေးဦးစီးဌာန ဒုတိယညွှန်ကြားရေးမှူးထံသို့ ထပ်မံတိုင်ကြားထားပါတယ်” ဟု ဖွံ့ဖြိုးတိုးတက်ရေး အထောက်အကူပြုကော်မတီဥက္ကဌ ဦးမြအောင်က ပြောသည်။

”ကျွန်တော်တို့မီးယူတဲ့နေရာမှာ မီသုံးစွဲပြီးကြေးကိုပေးရတယ်။ မီတာမတပ်ခင်မှာ ကျွန်တော့တို့ဆီ ကောက်ခံထားတဲ့ငွေဟာ လေးသောင်းငါးထောင်တစ်ရာ ရှစ်လရှိပါတယ်။ မီတာတပ်ပြီး အပိုကောက်ငွေလည်း ရှိပါတယ်။ စုစုပေါင်း ၁၁၃၆၀၀ လေးဆယ်ငါးလကိုကောက်ခံပါတယ်။ ရှင်းလင်းခြင်းမရှိခဲ့ဘူး။ ကျွန်တော်တို့ရွာမှာ နောက်တပ်တာမပါဘူး၊ မီတာ ၁၁၄ လုံးရှိတယ်။ ကောက်ထားတဲ့ငွေကို ရှင်းပြခြင်း မရှိတဲ့အတွက် အခုလာရောက် ရှင်းပြခြင်းဖြစ်ပါတယ်“ ဟု ဘုရားငါးဆူကျေးရွာ ဦးမောင်ဝင်းမြင့်က ပြောသည်။

"ဦးတင်ဦးက ကျွန်တော်တို့ရွာကို ဒီဆန္ဒပြတဲ့နေရာမှာ ပါဝင်ပါတယ် ဆိုပြီး မီဒီယာကို ပြောသွားပါတယ်။ အမှန်ကျွန်တော်တို့ရွာ တစ်ယောက်မှ မပါဘူး။ အဲလိုပြောလိုက်တဲ့အတွက် ကျွန်တော်တို့ကျေးရွာကို ထိခိုက်နှစ်နာမှုရှိခဲ့ပါတယ်။ အဖွဲ့အစည်းအသီးသီးမှ ကျေးရွာဖွံ့ဖြိုးမှုလုပ်တဲ့ အချိန်မှာ ဒီလို အပြောခံလိုက်ရသည့်အတွက် ကျေးရွာဖွံ့ဖြိုးမှု ဆုံးရှုံးခဲ့ရပြီး ကျေးရွာပြည်သူလည်း မခံမရပ်ဖြစ်ခဲ့ပါတယ်။ ဒါကြောင့် သူ့ကို တရားစွဲထားပါတယ်” ဟု ပန်းတောကျေးရွာ ရပ်မိရပ်ဖတစ်ဦး ဦးဝင်းမော်က ပြောသည်။

No comments: