လွတ်တော်ထဲက ၇၅ ရာခိုင်နှုန်းကျော်ထောက်ခံသော်လည်း ပြည်လုံးကျွတ်ဆန္ဒခံယူပွဲမှာ ဆန္ဒမဲပေးပိုင်ခွင့် ရှိသူအားလုံးရဲ့ ထက်ဝက်ကျော်ထောက်ခံမှ ပြင်လို့ရမယ်ဆိုတဲ့ အခြေခံဥပဒေ ပုဒ်မ ၄၃၆ ပြင်ဆင်ရေးကို လူထုထောက်ခံလက်မှတ် ကောက်ယူရန် အမျိုးသားဒီမိုကရေစီအဖွဲ့ချုပ်နှင့် ၈၈ မျိုးဆက်ငြိမ်းချမ်းရေးနှင့် ပွင်းလင်းလူ့အဖွဲ့အစည်းတို့ တောင်းကြီးမြို့၊ သစ်တောရပ်ကွက် အမျိုးသားဒီမိုကရေစီအဖွဲ့ချုပ်ရုံးတွင် မေလ ၃၀ ရက်နေ့၌ ညှိနှိုင်းဆွေးနွေးမှု ပြုလုပ်ကြောင်း သိရှိရသည်။
“လွန်ခဲ့တဲ့နှစ် ၆၀ က တရားမ၀င် အာဏာရှင်စစ်အစိုးရကနေ ၂၀၁၀ နောက်ပိုင်းမှာ တရားဝင်အာဏာရှင်အစိုးရဆိုတဲ့ ပုံစံဖြစ်နေတဲ့ အခြေခံဥပဒေကို ရအောင်ပြင်မည်လိုက ဆုံးဖြတ်ထားတာပါ။ ကျတော်တို့ အန်အယ်ဒီနဲ့ ရှေ့ဆက်ပြီး လုပ်သွားကြမယ်။ ကြားဖြတ်ရွေးကောက်ပွဲတွေ၊၂၀၁၅ ရွေးကောက်ပွဲတွေမှာလည်း ရွေးကောက်ပွဲတရားမျှတရေး
ရွေးကောက်ပွဲစောင့်ကြည့်ရေး လုပ်သွားမှာပါ ” ဟု ရှမ်းပြည် ၈၈ မျိုးဆက်အဖွဲ့မှ ကိုနေမျိုးက ပြောသည်။
“၂၀၀၈ အခြေခံဥပဒေကို ပြင်ဆင်လိုကြောင်း တစ်နိုင်ငံလုံးဆန္ဒကိုပြဖို့အတွက် ကျတော်တို့ အန်အယ်ဒီနဲ့ ၈၈ မျိုးဆက် နှင့် တိုင်းရင်းသားပါတီအချို့ ပူးပေါင်းပြီးလူထုဆန္ဒဖော်ထုတ်လက်မှတ်ဖြင့် တင်ပြသွားမှာဖြစ်တယ်။”
"၂၀၀၈ အခြေခံဥပဒေဖြစ်တဲ့ ၄၃၆ ကို အဓိကပြင်ဆင်မှာဖြစ်ပါတယ်။ ၄၃၆ ကို ပြင်ဖို့အရပ်ကျေးအလုပ်မှုဆောင်နဲ့ ပူးပေါင်းပြီး လက်မှတ်စုဆောင်းရမယ်။ လက်မှတ်စုဆောင်းရာမှာ သဘောပေါက်ပြီး ပြည်သူကို နားလည်အောင် ကျတော်တို့ ပြန်ရှင်းပြရမယ်ဖြစ်တယ်။”
“၇၅ ရာခိုင်နှုန်းသောပြည်သူ့လုပ်ပိုင်ခွင့်ဟာ စစ်သားတစ်ယောက်ကန့်ကွက်ရုံနဲ့ ပျက်ပြယ်ခဲ့ရမယ်ဆိုရင် ဒီမိုကရေစီစံနှုန်းနဲ့ မကိုက်ညီ၊ ဒီမိုကရေစီစနစ်နဲ့ ဝေးနေသေးတယ်။ ကျတော်တို့တွေဟာ တပ်မတော်ကို မုန်းလို့ ဒီစကားကို ပြောနေတာမဟုတ်ဘူး။ စစ်အာဏာရှင်စနစ်ကို ကျတော်တို့မကြိုက်လို့ ကျတော်တို့တွေ နိုင်ငံရေး လုပ်ကြတာဖြစ်တယ်။”
“ရွေးကောက်ပွဲးထက် အရေးကြီးတာ အခြေခံဥပဒေပြင်ဆင်ရေးပါ။ အခြေခံဥပဒေကို မပြင်ဆင်နိုင်ရင် သန့်ရှင်းတဲ့ ရွေးကောက်ပွဲ မဖြစ်နိုင်ဘူး။ ၄၃၆ ကို ပြင်ဆင်ဖို့ အချိန်တစ်လခွဲနဲ့ ကောက်ယူသွားမှာ ဖြစ်တယ်။ ဒီအချိန်တစ်လခွဲမှာ ကြိုးစားပမ်းစားနဲ့ လုပ်သွားဖို့ လိုတယ်။ စနစ်တကျလုပ်ဖို့ လိုတယ်။ များများရဖို့လိုတယ်။”
“ရွေးကောက်ပွဲထက်အရေးကြီးတာ ဒီဥပဒေပြင်ဆင်ရေး။ ဥပဒေပြင်ဆင်ရေးက ဘယ်လောက်ထိ အရေးကြီးလည်းဆိုရင် ရွေးကောက်ပွဲမှာ ကျတော်တို့တွေ နိုင်သွားတယ်ဆိုပေမယ့် ကျတော်တို့တွေ ဒီအခြေခံဥပဒေအတိုင်း သွားနေရဦးမယ်။ ဒီဥပဒေအတိုင်းဘဲ ဆက်ကနေရမယ့်နိုင်ငံရေးမျိုး ဖြစ်တယ်” ဟု မြို့နယ် အမျိုးသားဒီမိုကရေစီအဖွဲ့ချုပ် ဥက္ကဌ ဦးသန်းလွင်က ပြောသည်။
No comments:
Post a Comment