By ခွန်နီပအိုဝ်း | အမြင်ဆောင်းပါး
လူမျိုးတစ်မျိုးမှာ မိမိတို့ လူမျိုးစုအဖို့ တိုင်းရင်းသားအခွင့်အရေးတရပ်ဖြစ်တဲ့ ပြည်နယ်ထူထောင်ခွင့် အတွက် တိုက်ပွဲဝင်လှုပ်ရှားမယ်၊ တောင်းဆိုတော့မယ်ရင် အဓိကအားဖြင့် ပြည်သူတွေ နိုင်ငံရေး နိုးကြားတက်ကြွမှု၊ နိုင်ငံရေး အပြောင်းအလဲထဲ ပူးပေါင်းပါဝင်လုပ်ဆောင်လိုမှု၊ တမျိုးသားလုံးဆိုင်ရာ ရှင်းလင်းတဲ့ ဘုံနိုင်ငံရေး ဦးတည်ချက် ချမှတ်ပြဌာန်းထားမှု စတဲ့အခြေခံလိုအပ်ချက်တွေ ရှိထားရပါမယ်။
ရှင်းလင်းတဲ့ နိုင်ငံရေး ဦးတည်ချက်ကို ချမှတ်ထားခြင်ဟာ လူမျိုးတစ်မျိုးရဲ့ အနာဂတ် နိုင်ငံရေးစနစ် ပုံစံသွားလိုမှု၊ နေထိုင်လိုမှုကို ဖော်ပြ၊ ကြေဌာထားခြင်းပဲ ဖြစ်ပါတယ်။ လူမျိုးတစ်မျိုးမှာ ရှင်းလင်းတဲ့ ဘုံနိုင်ငံရေး ဦးတည်ချက် မရှိဘဲ အနာဂတ်ကို လျှောက်လှမ်းသွားဖို့ဆိုတာ အင်မတန် ခက်ခဲလှပါတယ်။ ဒါကြောင့် ကိုယ်နေထိုင်လိုတဲ့ နိုင်ငံရေး အဆင့်အတန်းတရပ်၊ ဘုံနိုင်ငံရေး ဦးတည်ချက်တွေကို ရှင်းရှင်းလင်းလင်း ချမှတ်ပြဌာန်းထားဖို့တော့ လိုအပ်ပါတယ်။
ပအိုဝ်းအမျိုးသားလှုပ်ရှားမှုကို ၁၉၄၉ ခုနှစ်အတွင်း ရှမ်းပြည်တောင်ပိုင်းမှာ ပအိုဝ်းအမျိုးသားများက အခြေချ ဦးတည်လှုပ်ရှားခဲ့ပါတယ်။ ရှမ်းပြည်-ဒေသတွင်း လူမျိုးတွေထက် အမျိုးသား လက်နက်ကိုင် တော်လှန်ရေး လမ်းစဉ်ကို အစောဆုံး စခဲ့တယ်လို့ ဆိုနိုင်ပါတယ်။ ရှမ်းပြည်ရှိ ဖိနှိမ့်အုပ်ချုပ်သူ လူနည်းစု ပဒေသရ်ာဇ် အရင်းရှင်းစနစ် ကျင့်သုံးအုပ်ချုပ်မှုက ပအိုဝ်းအမျိုးသားလွတ်မြောက်ရေး-တော်လှန်ရေးကို အစပြု၊ မီးမှောင်းထိုးစေခဲ့ပါတယ်။ တဖန် အာဏာရှင် စစ်အစိုးရ၏ လူမျိုးကြီးဝါဒ ဗိုလ်ကျကျင့်သုံး အုပ်ချုပ်မှုနှင့် လူနည်းစု တိုင်းရင်းသားအရေးအား ဖိနှိမ့်၊ အုပ်ချုပ်လွှမ်းမိုးထားမှု ကလည်း ပအိုဝ်းအမျိုးသား တော်လှန်ရေး ဖြစ်ပေါ်လာစေဖို့ တွန်းအားပေစေခဲ့ပါတယ်။
မြန်မာပြည်၊ အောက်ပိုင်းရှိ အစောဆုံးသော ကရင့်တော်လှန်ရေး လက်နက်ကိုင်အတွင်း ကိုယ်တိုင် ကိုယ်ကျ ပါဝင်လှုပ်ရှားခဲ့ဖူးသည့် ပအိုဝ်း ခေါင်းဆောင်အချို့၏ တက်ကြွ၊ ဦးဆောင်ပါ ၀င်မှုကလည်း မြန်မာပြည်ရှိ ပအိုဝ်းအမျိုးသားများ အခွင့်အရေးနှင့် အမျိုးသားလွတ်မြောက်ရေးအတွက် ပိုမိုအားကောင်း ဖြစ်ပေါ်လာစေခဲ့သည်။ ပအိုဝ်းတိုင်းရင်းသားများ စုစည်းနေထိုင်ရာ ရှမ်းပြည်တောင်ပိုင်းမှာလည်း ပအိုဝ်းအမျိုးသားလွတ်မြောက်ရေးအတွက် လက်နက်ကိုင်တော်လှန်ရေး တရပ်ကို အားကောင်း တွန်းအားပေးစေခဲ့ပါတယ်။
ယနေ့အချိန်မှာ မြန်မာ့နိုင်ငံရေးအခြေအနေ ပြောင်းလဲတိုးတက်ခဲ့သော်ဌားလည်း ပအိုဝ်းတိုင်းရင်းသားများရဲ့ အမျိုးသားလှုပ်ရှားမှုကာ ပြီးဆုံးခဲ့ပြီးလို မဆိုနိုင်ပါ။ အခြားသော ညီနောင် တိုင်းရင်းသားကဲ့သို့ ကိုယ့်ကံကြမာကို အာမခံမည့် အစစ်အမှန် အမျိုးသားလွတ်မြောက်မှု ဖြစ်ပေါ်လာဖို့အတွက် လုပ်ဆောင်ရအုံးမှာပါ။ စစ်မှန်တဲ့ ဒီမိုကရေစီအုပ်ချုပ်ရေး စနစ်နှင့် တိုင်းရင်းသားများ မျော်မှန်းတောင်းတနေသည့် ဖယ်ဒရယ်ပြည်ထောင်စု စနစ်တခုကို ယခုအချိန်ထိ တည်ထောင်နိုင်ခြင်း မရှိခဲ့သေး။ ဒါကြောင့် ဖယ်ဒရယ်ပြည်ထောင်စု စနစ်တခုအောက်မှာ ပအိုဝ်းတိုင်းရင်းသားများ၏ ကိုယ်ပိုင်အခွင့်အရေးအတွက် အရေးကြီးတဲ့ ကဏ္ဍာများမှာ တောင်းဆို တိုက်ပွဲဝင်သွားရအုံးမည်။
သည့်အတွက် ယနေ့အချိန်မှာ ပအိုဝ်းတိုင်းရင်းသားများအတွက် ပအိုဝ်းပြည်နယ် တောင်ဆိုရေးကို ပြောလာတဲ့အခါ တစ်စုတဖွဲ့ တောင်းဆိုတာထက် ပအိုဝ်းတိုင်းရင်းသားများ တောင်းဆိုတာက နိုင်ငံရေးအရ အားကောင်း အသက်ဝင်စေပါတယ်။ ပအိုဝ်း တမျိုးသားအားလုံးကို ကိုယ်စားပြုပြီး တရားဝင် ထုတ်ဖော်ပြောကြားဖို့ လိုပါတယ်။ အနယ်အရပ်ရပ်မှ ပအိုဝ်းတိုင်းရင်းသားများ နေချင်တဲ့ နိုင်ငံရေးပုံစံ နှင့် ဆနသဘောထားတွေ၊ ပအိုဝ်းလူထုအခြေပြုအဖွဲ့အစည်းတွေ၊ လူငယ်အဖွဲ့တွေ၊ ပအိုဝ်းနိုင်ငံရေးပါတီတွေ၊ လက်နက်ကိုင် အဖွဲ့အစည်းတွေရဲ့ နိုင်ငံရေး သဘောထား၊ အမြင်တွေ အားလုံးကို ထင်ဟပ်ပေါ်လွင် စေချင်ပါတယ်။
ပအိုဝ်းအတွက် တရားဝင် အနာဂတ် နိုင်ငံရေး အဆင့်အတန်းတရပ် ချမှတ်တော့မယ့်အခါမှာ ပအိုဝ်း တိုင်းရင်းသားများရဲ့ အမျိုးသားနိုင်ငံရေး နိုးကြားမှု၊ ပါဝင်ပူးပေါင်းဆောင်ရွက်လိုမှု၊ မိမိတို့အတွက် ကိုယ်ပိုင်ပြဌာန်းခွင့် နှင့်အညီ သီးသန့်နေထိုင်လိုမှုတွေက “ပအိုဝ်းပြည်နယ် ပေါ်ပေါက်လာရေး၊ ပအိုဝ်းပြည်နယ် တောင်းဆိုရေး” အတွက် များစွာ အရေးပါလှပါတယ်။ အနာဂတ် မြန်မာပြည် ဖယ်ဒရယ် ပြည်ထောင်စုစနစ်တည်ဆောက်တဲ့အခါမှာ၊ ပြည်ထောင်စုစနစ်ပေါ်ပေါက်လာတဲ့အခါမှာ ဘယ်လိုပုံစံနဲ့ ပအိုဝ်းများ မြန်မာပြည်နိုင်ငံရေးမှာ ပါဝင်မလဲ၊ နိုင်ငံရေး အဆင့်အတန်းတရပ်၊ ဘုံနိုင်ငံရေးဦးတည်ချက်ကို ချမှတ်ထားမလဲဆိုတာ လိုအပ်ပါလိမ့်မယ်။
အနာဂတ် မြန်မာပြည် ဖယ်ဒရယ် ပြည်ထောင်စုစစ်စစ်မှာ “ပအိုဝ်းပြည်နယ် ထူထောင်ခွင့်၊ ပအိုဝ်းပြည်နယ်” ဖြစ်ပေါ်လာရေးအတွက် တောင်းဆိုတာဟာ ပအိုဝ်း တိုင်းရင်းသားများရဲ့ ကိုယ်ပိုင် အခွင့်အရေးပါ။ ပအိုဝ်း တိုင်းရင်းသားများ ကိုယ်တိုင် တောင်းဆိုခွင့်၊ အရေးဆိုခွင့် ရှိပါတယ်။ ဒီလို တောင်းဆိုတာဟာ ပအိုဝ်းတိုင်းရင်းသားတွေနဲ့သာ သက်ဆိုင်ပါတယ်။ ဖယ်ဒရယ် ပြည်ထောင်စု ဆိုတဲ့ မှုဘောင်ထဲမှာလည်း ဖယ်ဒရယ်အင်္ဂါစုံညီ မည့်သည့် တိုင်းရင်းသားလူမျိုးမဆို နိုင်ငံရေးအရ ပြည်နယ်သစ် ထူထောင်ခွင့် ရှိပါတယ်။ ပအိုဝ်းတိုင်းရင်းသားများရဲ့ “ပအိုဝ်းပြည်နယ် ထူထောင်ခွင့်” တောင်းဆိုတာဟာလည်း ဖယ်ဒရယ်က ချမှတ်ပြဌာန်းထားတဲ့ ဒီမှုဘောင်ထဲက အခွင့်အရေးပါဘဲ။
ဒါကြောင့် အနာဂတ် မြန်မာပြည် ဖယ်ဒရယ်ပြည်ထောင်စုမှာ ပအိုဝ်းပြည်နယ် ဖြစ်ပေါ်လာဖို့ ပြောကြ၊အရေးဆိုကြတဲ့အခါမှာ ယခုကတည်းက ပအိုဝ်းအမျိုးသားများ၊ ဘယ်လို တမျိုးသားလုံးဆိုင်ရာ “အမျိုးသား သားဘုံနိုင်ငံရေး ဦးတည်ချက်” ကို ရှင်းရှင်းလင်းလင်း ချမှတ်ထားသလဲ၊ ပြည်နယ်သစ် ဖြစ်လာဖို့ ဘယ်လိုပြင်ဆင်ထားသလဲ၊ ပြည်သူလူထုက ဘယ်လိုပုံစံနဲ့ ပူးပေါင်းပါဝင်ကြမလဲ၊ ဘယ်လိုပုံစံတွေနဲ့ ဒေသ အတွင်း-အပြင်မှာ အရေးဆို၊ လှုပ်ရှားကြမလဲဆိုတာ အရေးကြီးတဲ့ ချမှတ်ဆောင်ရွက်ထားတာတွေ ရှိထားရမှာ ဖြစ်ပါတယ်။
No comments:
Post a Comment