ခွန်ရာဇာ (တောင်ကြီး) | မေလ ၂၁ ရက်၊ ၂၀၁၃ ခုနှစ် | တောင်ကြီးတိုင်းမ်
ပအိုဝ်းအမျိုးသားဗဟိုသံဃာတော်အဖွဲ့
ဦးဆောင်ဖွင့်လှစ်ပြီး တစ်နှစ်တစ်ခါကျင်းပပြုလုပ်သော ပအိုဝ်းတစ်မျိုးသားလုံးအတွက် ပအိုဝ်းစာပေနှင့်
ဗုဒ္ဒဘာသာယဉ်ကျေးမှုသင်တန်း အမှတ်စဉ် ၂၉ ကို မေလ ၂၃ ရက်နေ့ ပင်လောင်းမြို့ ပင်ခွန်ကျေးရွာတွင်
စတင်ကျင်းပမည်ဖြစ်ကြောင်း သိရှိသည်။
မေလ ၂၂ ရက်နေ့တွင် သင်တန်းသားများ
စုမည်ဖြစ်ပြီး ၂၃ ရက်နေ့တွင် စာပေ စတင်သင်ကြားကာ မေလ ၂၉ ရက်တွင် သင်တန်းဆင်းပွဲ ကျင်းပပြုလုပ်မည်ဖြစ်ကြောင်း
ဗဟိုသံဃာရုံးအဖွဲ့ဝင် အရှင်ဦးကေလာသက ဆိုသည်။
ပအိုဝ်းစာမူသည် ထီသိမ်ဆရာတော်
အရှင်သုနန္ဒ ပြုစုရေးသားသည့်စာမူကို တစ်မျိုးသားလုံးစာမူအတွက် ၁၃၃၉ ခုတပေါင်းလပြည့်
နောင်ယာဆိုင်းအစည်းအဝေးကို ပအိုဝ်းလူထုတစ်ရပ်လုံးနှင့် ပအိုဝ်းအကြီးအကဲများ ပအိုဝ်းသံဃာတော်
အပေါင်းတို့ ထောက်ခံအတည် ပြုထားသောစာမူဖြစ်ကြောင်း သိရသည်။
ဤအစည်းအဝေးမှ ပအိုဝ်းစာပေပြန့်ပွာရေးဗဟိုသံဃာအဖွဲ့
ဖွဲ့စည်းကာ အဖွဲ့ဥက္ကဌကို မြို့ဦး ဆရာတော်နှင့် အတွင်းရေးမှူးကို ဆီဆိုင်ဆရာတော် အရှင်ဦးကောဝိဒ
တို့ကို တင်မြောက်ခဲ့ကြပြီး ပအိုဝ်းစာပေပြန့်ပွားရေးလုပ်ငန်းများ ဆောင်ရွက်လာခဲ့သည်ဟု
သိရသည်။
ထိုအချိန်တွင် အခြေနေအရပ်ရပ်ကြောင့်
ပအိုဝ်းစာပေပြန့်ပွားရေး နောက်နှေးကြန့်ကြာနေရပြီး၊ တင်မြောက်ထားသော ပုဂ္ဂိုလ်သည် သက်တမ်းတစ်ခုကုန်ဆုံးသွားကြောင်း။
မြန်မာသက္ကရာဇ် ၁၃၄၃ ခုနှစ်တွင် ဆရာထွန်းအောင်ကို ပထမတောင်ကျောင်းကြီး နာယက ဆရာတော်က
တာဝန်ပေးအပ်လိုက်ပြီး လွယ်ကောင်း ဆရာတော် ဦးပညာဗုတ်က သင်တန်းသားစီစဉ်ကာ ဆရာအဖြစ်သင်တန်းသား
၁၀ ယောက်မွေးထုတ်ပြီး ကျေးရွာအလိုက် ကွင်းဆင်းပို့ချရာမှ ယနေ့ထိ ၂၉ နှစ်ကြာ ရေရှည်တည်တံ့စွာ
ပြန်းပွားလာကြောင်း သိရသည်။
ပအိုဝ်းစာပေထွန်းကားနိုင်ရေး
အခက်ခဲများစွာ ရင်ဆိုင်ဖြေရှင်းနေရကြောင်း ယခင်က ပအိုဝ်းနယ်မြေအတွင်းတွင် စစ်ပွဲများနှင့်
မငြိမ်မသက်မှုများကြောင့် သွားလာမှုများခက်ခဲ့ပြီး၊ ၁၉၉၁ ခုနှစ်တွင် PNO အဖွဲ့အစည်းက
နိုင်ငံတော်နှင့် ငြိမ်းချမ်းရေးယူပြီးနောက် ပိုမိုထွန်းကားလာကြောင်း အေးစေတီဆရာတော်
လက္ခဏသာမိဘိဝံသ က သြဝါဒမြွတ်ကြားခဲ့သည်။
No comments:
Post a Comment