ပအိုဝ်းလူထုတစ်ရပ်လုံးသိစေရန်နှင့် သက်ဆိုင်သူများသို့

အမြင်ဆောင်းပါး | ရေးသူ - ခွန်ပအိုဝ်း | ဇွန်လ ၁ ရက်နေ့၊ ၂၀၁၃ ခု | တောင်ကြီးတိုင်းမ်

ကျွန်တော်ပာာ မျိုးချစ်ပအိုဝ်းလူငယ်တစ်ယောက်ပါ။ လွန်ခဲ့သောရက်အနည်းငယ်ခန့်က သစ္စာရှင် (တောင်ကြီး) အမည်ဖြင့် ရေးသားခဲ့သော ဆောင်းပါးတစ်ပုဒ်ဖတ်ခဲ့ရပါသည်။ ကျွန်တော်ပအိုဝ်းလူငယ် တစ်ယောက်အနေဖြင့် ၄င်းဆောင်းပါးဖတ်ပြီးတော့ အဲ့ဒီဆောင်းပါးရေးသူပာာ တောင်ကြီးကဆိုတော့ ပအိုဝ်းလူမျိုးကို ဘယ်လိုလူမျိုးဆိုတာ ခရေစေ့တွင်းကျ သိတယ်ဆိုတာကို သိထားပါတယ်။ မသိလို့ရေးတာလာ၊ “မမြင်မတွေ့လို့ ရေးတာလား”၊ မကြည့်လို့ပဲ မမြင်တာလား၊ သိသင့်သိထိုက်သလောက်တော့ သိမယ်ထင်ပါတယ်။

ကျွန်တော်တို့ ပအိုဝ်းလူမျိုးတွေပာာ သူတို့ပြောသလို အင်မတန်မှ ရိုးသားကြပါတယ်။ ရိုးသားလို့လဲ မသိနားမလည်လို့လဲ ယခုလိုအင်အားကြီးပါတီတစ်ခုရဲ့  ပါတီဝင်အများအပြားရရှိဖို့ မိမိပါတီ၏ဂုဏ်သိက္ခာကို ငဲ့ကွက်ခြင်းလဲမရှိ၊ လူနည်းစုတိုင်းရင်းသားများရဲ့ အရေးကို ဂရုမပြုတဲ့အပြင် ဒေသတွင်းစည်းလုံးညီညွတ်မှု ပျက်ပြားအောင် တစ်ယောက်နှင့် တစ်ယောက် တစ်ရွာနှင့် တစ်ရွာ မျက်နှာတွေ မကြည့်ဝံ့ကြလောက်အောင် မမှန်မကန် စည်းရုံးသွေးထိုးလှုံ့ဆော်နေပါတယ်။

မိမိပါတီဝင် အင်အားများပြားလာဖို့ မသိနားမလည်တဲ့ဒေသခံတိုင်းရင်းသားတွေကို ပါတီဝင်ရင် မြေရမယ်ဆိုပြီးတော့ မြေရလိုသူ၏ မှတ်ပုံတင် နံပါတ်ရယူခြင်း လက်မှတ်ရေးထိုးခြင်း လက်ဗွေရယူခြင်း ဓါတ်ပုံရိုက်ယူခြင်း ငွေနှစ်ထောင်ထည့်ဝင်စေခြင်းအပြင် မြေရယူပိုင်ဆိုင်လိုတဲ့ ဒေသခံတွေကို ၄င်းတို့ရယူလိုတဲ့ မြေနေရာမှာ ငုတ်စိုက်၊ ထွန်ယက်ခြင်းပြုနိုင်ကြောင်း ပြောဆိုပြီး ပြဿနာတစ်စုံတစ်ရာ ဖြစ်ပေါ်ပေါက်ပါက ၄င်းပါတီမှ ဖြေရှင်းပေးမယ်ဆိုပြီးတော့ စည်းရုံးလှုံ့ဆော်မှုတွေ ပြုလုပ်နေပါတယ်။ ဒါကြောင့် မြေရယူပိုင်ဆိုင် လိုတဲ့ ဒေသခံတောင်သူတွေက PNA ပိုင် မြေဧရိယာအတွင်းမှ ငုတ်စိုက်၊ ထွန်ယက်ခြင်းတွေပြုလုပ်တဲ့အတွက် ကြောင့် ယခုလို မြေယာပြဿနာပေါ်လာရပါတယ်။ သက်ဆိုင်ရာကျေးရွာ ကျေးရွာအုပ်ချုပ်ရေးမှုး အဆင့်ဆင့်မှ မေတ္တာရပ်ခံသော်လည်း ၄င်းပါတီတာဝန်ရှိသူများက လက်မခံတဲ့ အတွက်ကြောင့်မို့လို့ ပြဿနာပေါ်ပေါက်လာ ရတာပါ။

ပအိုဝ်းအမျိုးသားအဖွဲ့ချုပ် ( PNO ) ပာာ ၁၉၉၁-ခုနှစ်မှာ ပအိုဝ်းအမျိုးသားလူထုတစ်ရပ်လုံးရဲ့ ဆန္ဒအရသော် လည်းကောင်း ဒေသဖွံ့ဖြိုးတိုးတက်ရေးကို ရှေးရှုပြီး နိုင်ငံတော်နှင့် အပစ်အခတ်ရပ်ဆဲ ငြိမ်းချမ်းရေး ရယူခဲ့ပါ သည်။ ပအိုဝ်းအမျိုးသားအဖွဲ့ချုပ် ( PNO ) ပာာ အကျိုးပြုမှုမရှိ၊ ရုပ်ပြသက်သက်ဆိုတာ ကြည့်သောသူသည် မြင်၏ မကြည့်လို့မမြင်တာလား။ ၁၉၉၁-ခုနှစ် ငြိမ်းချမ်းရေးယူပြီးဒေသဖွံ့ဖြိုးရေးလုပ်ငန်း ပြည်သူအကျိုးပြုလုပ်ငန်းတွေ လုပ်ဆောင်ခဲ့တာတွေကို အောက်ပါအတိုင်း မြင်တွေ့နိုင်ပါတယ်။

၁၉၉၁ ခုနှစ် ပအိုဝ်းအမျိုသားအဖွဲ့ချုပ် ( PNO ) နိုင်ငံတော်အစိုးရ နှင့် အပစ်အခတ် ရပ်စဲငြိမ်းချမ်းရေးရယူပြီး ယနေ့အချိန်ထိ ဆောင်ရွက်ခဲ့သော လူထူအကျိုးပြုလုပ်ငန်းများ ....

၁။       တိုက်နယ်ဆေးရုံ (၇) လုံး

၂။       ကျေးလက်ကျန်းမာရေးဌာန(၅)ခု

၃။       ကျေးလက်ကျန်းမာရေးဌာနခွဲ (၁၂) ခု

၎။       အထက်တန်းကျောင်း (၂၁) ကျောင်း

၅။       အထက်တန်းကျောင်းခွဲ (၇) ကျောင်း

၆။       အလယ်တန်းကျောင်း (၁၉) ကျောင်း

၇။       အလယ်တန်းကျောင်းခွဲ (၉) ကျောင်း

၈။       မူလတန်းလွန်ကျောင်းခွဲ (၉)ကျောင်း

၉။       မူလတန်းကျောင်း (၅၃) ကျောင်း

၁၀။     နိုင်ငံတော်ထံမှ တင်ပြပြီး ဦးဆောင်ဖောက်လုပ်ခဲ့သောလမ်း (၂၆) ခု

၁၁။     ကြေးနန်းနှင့် ဆက်သွယ်ရေးလုပ်ငန်း (၅)

၁၂။     လျှပ်စစ်ဓာတ်အားလုပ်ငန်းမီးစက် (၇) ခု 

၁၃။     စိုက်ပျိုးရေးလုပ်ငန်းစိုက်ကွင်း (၉) ခု

၁၄။     နိုင်ငံတော်အစိုးရခွင့်ပြုချက်ဖြင့် ပအိုဝ်းအမျိုးသားပိုင် ဘက်စုံဖွံ့ဖြိုးရေးကွင်း (ဒဲဉ်သီးဗွေကွင်း) ကို တည်ဆောက်နိုင်ခြင်း အခြားအခြားသောဒေသဖွံ့ဖြိုးရေးလုပ်ငန်းများကို နိုင်ငံတော်အစိုးရနှင့် လက်တွဲပြီး များစွာ ဆောင်ရွက်ခဲ့ပါသည်။

အခုတော့ ၄င်နိုင်ငံရေးပါတီကြီးနှင့် အချို့သော NGO လူမှုအဖွဲ့အစည်းများမှ ပုဂ္ဂိုလ်တချို့တွေက ဒီမိုကရေစီ လူ့ အခွင့်အရေးဆိုပြီး မိမိတို့ပအိုဝ်းလူမျိုးတွေရဲ့ ယဉ်ကျေးမှု၊ ဓလေ့ထုံးတမ်းစဉ်လာကို ဖီလာဆန့်ကျင်ပြီး အရှိန်အပာုန်နှင့် အောင်မြင်နေတဲ့ ဒေသဖွံ့ဖြိုးရေးနှင့် အေးချမ်းတည်ငြိမ်နေမှုကို ပျက်စီးရာပျက်စီးကြောင်း မနာလို မရှုစိမ့်လို့ ၂၀၁၅ ရွှေးကောက်ပွဲမှာ ၄င်းတို့ပါတီအနိုင်ရရှိရေးအတွက် ငြိမ်းချမ်းရေးရယူပြီး ကတည်းကစပြီး နိုင်ငံတော်အစိုးရနှင့် ဥပဒေဘောင်အတွင်း ဒေသဖွံ့ဖြိုးရေးလုပ်ငန်းများ စွမ်းစွမ်းတမံ အောင်မြင်တိုးတက်နေတာကို လစ်လျူရှုပြီး ပအိုဝ်းအမျိုးသားအဖွဲ့ချုပ်( PN0) အဖွဲ့ရဲ့ ဂုဏ်သိက္ခာကျဆင်းအောင် အမျိုးမျိုးပြုလုပ်နေကြတယ်။

ဒေသလုံခြုံရေးအရ ကင်းလှည့်လှုပ်ရှားနေသော ပအိုဝ်းအမျိုးသားတပ်မတော်ကိုလည်း တောင်ကြီးမြို့နယ် နန်းဟောင်းမွေတော်အုပ်စု၊ မောက်စံရွာသို့ ရောက်ရှိနေခိုက် ၄င်းတို့ရုံးအား PNA လာရောက်ဝိုင်းရံထား ပါတယ်ဆိုပြီးတော့ အင်တာနက်သတင်းမှာလည်းကောင်း၊ ရေဒီယိုသတင်းမှာလည်းကောင်း မမှန်မကန် သတင်းတင်ပြန်တယ်။

တောင်ကြီးမြို့နယ်အတွင်းရှိ NLD ပါတီ အဖွဲ့ဝင်များဟာ ကျွန်တော်တို့ပအိုဝ်းတိုင်းရင်းသားဒေသ   ကျေးရွာများအတွင်းမှာ ပြည်သူလူထုနဲ့ PNO အဖွဲ့အစည်း စိတ်ဝမ်းကွဲပြားစေရန် ဌာနဆိုင်ရာများအားလုံး အထင်မှား အမြင်မှားစေရန် ရပ်ရွာအေးချမ်းတည်ငြိမ်မှုကို ပျက်ပြားစေရန် မလိုလားအပ်သောဒေသတွင်း ပြဿနာများ ပေါ်ပေါက်လာစေရန် အောက်ပါအချက်များဖြင့် ပြုလုပ်ဆောင်ရွက်နေကြောင်း သိရှိနိုင်ပါသည်။

၁။ NLD ပါတီ အဖွဲဝင်များဟာ သက်ဆိုင်ရာ အာဏာပိုင်များ၊ နယ်မြေခံအဖွဲ့ အစည်းများအား အကြောင်းကြားခြင်း၊ အသိပေးမှုမရှိဘဲ မိမိပါတီဝင် ရရှိရေးအတွက် ဒေသခံ ရပ်မိ/ဖ များနှင့် ညှိုနှိုင်းကာ ကွင်းဆင်းပြီး ဆွေးနွေးပွဲများ စည်းရုံးရေးအစည်းအဝေးပွဲများ ပြုလုပ်ခြင်း။

၂။ အမှန်တကယ် ရပ်ကျိုးရွာကျိုး၊ ပြည်သူအကျိုး စိတ်ဝင်စားသော ပုဂ္ဂိုလ်များကို အများသဘောတူ ရွေးချယ်တာဝန်ပေးမှု မရှိခြင်း။

၃။ မြေလိုချင်ရင် NLDပါတီကို ထောက်ခံကြဟု စည်းရုံးပြောဆိုမှုကို တွေ့ရှိခြင်း၊

၎။ ခြံယာမြေရယူပိုင်ဆိုင်လိုရာတွင်လည်း ခြံယာမြေပိုင်ဆိုင်မှု၏ အရင်းအမြစ်ပကတိအခြေအနေမှန်များကို တိကျစွာစုံစမ်းမှုမပြုသည့်အပြင် သက်ဆိုင်ရာဒေသခံ အုပ်ချုပ်ရေးမှူးများနှင့် ညှိနှိုင်းသဘောတူ ခွင့်ပြုချက်မရဘဲ ယခုလက်ရှိ လက်လုပ် လုပ်ကိုင်နေသော တောင်သူများ၏ ခြံယာမြေပေါ်တွင် မတရား ကျူးကျော်ဝင်ရောက် ငုတ်တိုက်စိုက် ဧရိယာသတ်မှတ်ခြင်း၊ ထွန်ယက်လုပ်ကိုင်ခြင်း စသည့်တရားဥပဒေနှင့် မညီညွတ်သောလုပ်ငန်း များကျူးလွန်သည်ကို တွေ့ရှိရခြင်း။

၅။ သက်ဆိုင်ရာဒေသခံ၏ ကျေးရွာအုပ်ချုပ်ရေးမှူးနှင့် မြို့နယ်အုပ်ချုပ်ရေးမှူး၏ တားမြစ်မိန့်များကိုလည်း လိုက်နာခြင်းမရှိဘဲ မိမိ၏သဘောဆန္ဒအလျှောက် မင်းမဲ့စရိုက်ပြုလုပ်ဆောင်ရွက်နေသည်ကို တွေ့ရှိရခြင်း။

၆။ မင်းမဲ့စရိုက်များပြုလုပ်ဆောင်ရွက်ခြင်းကြောင့် တိုင်းရင်းသားအချင်းချင်း၊ ကျေးရွာအချင်းချင်း အဖွဲ့အစည်း  နှင့်ပြည်သူအချင်းချင်း စည်းလုံးညီညွတ်မှုကိုပျက်ပြားစေခြင်း၊ တရားဥပေဒေစိုးမိုးရေးကို ထိခိုက်စေခြင်း။

၇။ ပါတီအဖွဲ့ဝင်များကို မိမိကျေးရွာ အုပ်စုနှင့် မသက်ဆိုင်သောအခြားမြို့နယ် ကျေးရွာအုပ်စုမှ ပုဂိုလ်များကို လည်း ဒေသခံ ရပ်မိ/ဖ နှင့် ညှိုနှိုင်းမှုမရှိဘဲ NLD ပါတီအဖွဲ့တွင် ၀င်ရောက်ရန် စည်းရုံးသိမ်းသွင်းကာ နိုင်ငံရေး အသိအားနည်းနေသေးသော မိဘပြည်သူကို အခွင့်ကောင်းယူကာ ဥပဒေမဲ့လုပ်ဆောင်စေခိုင်းမှု တွေ့ရှိရခြင်း။

၈။ ပုဂ္ဂိုလ်ရေး အသားရေဖျက်မှု ပကတိအခြေအနေမှန် ကိုက်ညီမှု မရှိသည့်စာများ ရေးသားတိုင်ကြားမှု ပြုလုပ်သည်ကို တွေ့ရှိရခြင်း။

၉၊ မိမိပါတီဝင်အင်အားရရှိရေး တစ်ဖက်အဖွဲ့အစည်းနှင့် ပါတီအား ပုတ်ခတ်ပြောဆိုလှုံ့ဆော်မှုကို တွေ့ရှိရခြင်း

၁၀။ ဒေသခံများ၏ ကျန်းမာရေး၊ ပညာရေးအစရှိသည့်  ဒေသဖွံ့ဖြိုးရေးလုပ်ငန်းများကို ဦးဆောင်ဦးရွက် ပြုလုပ်ပေးခြင်းမရှိဘဲ ကောင်းကျိုးထက်၊ ဆိုးကျိုးများက ပိုနေသည်ကို တွေ့ရှိရခြင်း။

၁၁။ အောက်ခြေရှိ NLD အဖွဲ့ဝင်များသည် မိမိတို့နိုင်ငံတိုးတက်စေရန် မိမိတို့ပါတီနာမည်ကောင်း၊ စည်းကမ်းကောင်းရရှိစေရန် မိမိပါတီ၏အလုပ်ကို မလုပ်ဘဲ တစ်နိုင်ငံလုံးအနေနှင့်သော်လည်းကောင်း ဒေသအချို့ကိုသော်လည်းကောင်း ဆူပူအုံကြွမှုဖြစ်ပေါ်စေရန် လှုံ့ဆော်ပေးနေသည်ကို တွေ့ရှိရခြင်း။

၁၂။ ငြိမ်းချမ်းရေးရယူပြီး မိမိတို့နိုင်ငံအေးချမ်းတည်ငြိမ်မှုရှိစေရန် ဒေသဖွံ့ဖြိုးတိုးတက်ရန် ဥပဒေဘောင် အတွင်းတွင် နိုင်ငံတော်အစိုးရနှင့် ယုံယုံကြည်ကြည်ဖြင့် လက်တွဲပူးပေါင်းဆောင်ရွက်နေသည်ကို မနာလို၊ မရှုစိမ့်သဖြင့် PNO အသွင်ပြောင်းပြည်သူ့စစ် (ဌာနေ) အဖွဲ့များအား ဥပဒေဘောင်အတွင်းမှ ပြန်လည်ကျောခိုင်းသွားစေရန်၊ အကြမ်းဖက်နည်းဖြင့် ဥပဒေမဲ့လုပ်ရပ်များ ပြန်လည်လုပ်ဆောင်စေရန်၊ တောပြန်ခိုသွားစေရန် တွန်းအားပေနေသကဲ့သို့ ဖြစ်နေသည်ကို ၀မ်းနည်းဖွယ် တွေ့ရှိခဲ့ရပါသည်။

ထို့ကြောင့် တောင်ကြီးမြို့နယ်၊ ဟိုပုံးမြို့နယ်၊ ဆီဆိုင်မြို့နယ်နှင့် အခြားသောဒေသအတွင်းရှိ NLD အဖွဲ့ဝင်များ အနေဖြင့် ဌာနဆိုင်ရာ မကောင်းကြောင်း၊ PNO ပါတီ မကောင်းကြောင်း၊ PNO ပြည်သူ့စစ် မကောင်းကြောင်းများကို ပြည်သူလူထုထံ ပြောကြားခြင်း၊ စည်းရုံးသိမ်းသွင်းခြင်း၊ လှုံ့ဆော်ခြင်း၊ အဖွဲ့အစည်းနှင့် ပြည်သူလူထုအချင်းချင်း စိတ်ဝမ်းကွဲပြားအောင် ကုန်းတိုက်ပြုလုပ်ခြင်း၊ တရားဥပဒေစိုးမိုးရေးကို ထိခိုက်ပျက်ပြားစေမည့် ပြုမူဆောင်ရွက်မှုများကို ဆက်လက်မပြုလုပ်ရန် အပြုသဘောဆောင်သော အပေါင်းလက္ခဏာရောက်အောင် ဆက်လက်ဆောင်ရွက်စေလိုကြောင်း၊ သည်းခံခြင်းတရား၊ မေတ္တတရားများကို ရှေ့ထားပြီး နိုင်ငံတော်အကျိုး၊ ဒေသအကျိုးကို ၀ိုင်းဝန်းဆောင်ရွက်ကြပါရန် ပအိုဝ်းလူငယ်တစ်ယောက်အနေဖြင့် ပအိုဝ်းအမျိုးသားလူထုတစ်ရပ်လုံးကိုယ်စား အသိပေးမေတ္တာရပ်ခံ တင်ပြအပ်ပါသည်။