အရှေ့တောင်အာရှသတင်းသမားများမဟာမိတ်အဖွဲ့နှင့် နိုင်ငံတကာမြန်မာ့သတင်းအဖွဲ့တို့ ပူးပေါင်းပြီး ဒီမိုကရေစီအပြောင်းအလဲကာလတွင် အဓိကဖြစ်ပျက်နေသော ငြိမ်းချမ်းရေးဖြစ်စဉ်နှင့် လာမည့်ရွေးကောက်ပွဲအတွက် ရှမ်းလူထုစိုးရိမ်ပူပန်မှုများကို မီဒီယာ၊ အရပ်ဘက်လူ့အဖွဲ့အစည်းနှင့် နိုင်ငံရေးကိုယ်စား လှယ်များအတူတကွပူးပေါင်း ဆွေးနွေးပြီး အမြင်များဖလှယ်ရန် နိုဝင်ဘာလ ၃-၄နှစ်ရက်နေ့တွင် ရှမ်းပြည်နယ် တောင်ကြီးမြို့ ရေထွက် ဦးလမ်း Classic ခန်းမတွင် ကျင်းပကြောင်း သိရသည်။
“အရင်တုန်းက အရပ်ဖွဲ့လူ့အဖွဲ့အစည်းနဲ့ မီဒီယာတွေ သိပ်ရင်းနှီးမှု မရှိဘူး သူတို့အကြားအတားတခုရှိ နေတယ်၊ ဒီအတားအဆီကိုပယ်ဖျက်ချင်တဲ့သဘောနဲ့ ယုံကြည်မှုကို တည်ဆောင်နိုင်ရန်အတွက် ဒီဆွေးနွေးပွဲကို ကျင်းပရခြင်းဖြစ်တယ်“ ဟု အရှေ့တောင်အာရှသတင်းသမားများမဟာမိတ်အဖွဲ့မှ တာဝန်ရှိ ကိုအောင်ဇော်မင်းက ပြောသည်။
“ငြိမ်းချမ်းရေးအတွက်ဆွေးနွေးဝိုင်းကို တွေ့ရတာဝမ်းသာတယ်၊ ၂၀၁၅ ရွေးကောက်ပွဲမှာ ဆွေးနွေးပွဲမှ ရရှိတဲ့ အချက်လက်ကို မဖြေရှင်းနိုင်ရင် ကော်မရှင်ထိသွားပြီး ၂၀၁၅ ရွေးချယ်တင်မြောက်ပွဲမှာ မဲဆန္ဒရှင်၊ အရွေးချယ်ခံကိုယ်စားလှယ်၊ ပါတီ၊ အရပ်ဘက်လူ့အဖွဲ့စည်းတို့ တစ်စုတစည်းတည်း အောင်မြင်အောင် ရွေးကောက်တင်မြောက်နိုင်မယ်ထင်လို့ ဒီဆွေးနွေးပွဲတက်ရောက်လာရခြင်းဖြစ်တယ်၊ ငြိမ်းချမ်းရေးဖြစ်စဉ်ကို အဓိက ကျွှန်တော်တို့ဆွေးနွေးချင်တယ်။ ဘာလို့လဲဆိုတော့ မငြိမ်းချမ်းသေးလို့ပေါ့၊ နိုင်ငံတော်နဲ့ လက်နက်ကိုင်များ လက်မှတ်ရေးထိုးသော်လည်းပဲ တိုက်ပွဲဆက်ဖြစ်နေတာကို တွေ့နေရတယ်“ ဟု တက်ရောက်လာသော အင်းတိုင်းရင်းသားပါတီဥက္ကဌ က ပြောသည်။
ယင်းဆွေးနွေးဝိုင်းတွင် ပထမဦးဆုံး ဆရာစောချစ်သက်ထွေးမှ မေးခွန်းဆယ်ခုဖြင့် စတင်ဆွေးနွေးပေးပြီး တက်ရောက်သူများမှ ၂၀၁၅ တွင် မှန်ကန်တိကျသော မဲစာရင်းရှိနိုင်မည့်အကြောင်းကိစ္စ၊ Free&Fair ကို မည်ကဲ့သို့တိုင်းသာမည်၊ ရွေးကောက်ပွဲစောင့် ကြည့်လေ့လာခြင်း၊ ရွေးကောက်ပွဲကော်မရှင်အနေနှင့် မီဒီယာမေးမြန်းရန် ပြန်ဖြေမှုရှိ မရှိအလားအလာများ စသည်တို့ကိုထည့် ထည့်သွင်းဆွေးနွေးသွားကြောင်း။ ဤ Round table Discussions ကို ပြည်နယ်ခုနှစ်ခုသာလုပ်ကြောင်း၊ ဆွေးနွေးပွဲမှ ထွက်လာသောရလဒ်များကို Website တွင် ပြန်လည်တင်ပြကာ မည်သည့်သတင်းဌာနမှ ယူသုံးလည်းရနိုင်ကြောင်း၊ တက်ရောက်သူများသည် နိုင်ငံရေးပါတီများ၊ ရှမ်းပြည်ခရိုင်ရွေးကောက်ပွဲကော်မရှင်အဖွဲ့ခွဲ၊ မြို့နယ်အထွေထွေအုပ်ချုပ်ရေဌာန၊ အရပ်ဘက်လူ့အဖွဲ့အစည်းများ၊ မီဒီယာသမားများ ၃ဝ ဝန်းကျင်ရှိကြောင်း၊ သိရသည်။
ညနေပိုင်းတွင် မြစ်မခသတင်းအေဂျင်စီမှ မမေသင်္ကြန်ဟိန်မှ ရွေးကောက်ပွဲနှင့် ပတ်သက်ပြီး မီဒီယာများအခန်းကဏ္ဍနှင့် ရပ်တည်မှုများ၊ ကြုံတွေ့နေရသော အတွေ့အကြုံများကို တက်ရောက်သူများနှင့် အတူဆွေးနွေးခဲ့ကြောင်း သတင်းသမားများအတွက် အလွန်အရေးကြီးသောအချိန်လည်းဖြစ်ကြောင်း၊ ဘက်လိုက်မှုမရှိရန်နှင့် ကျင့်ဝတ်ကို လိုက်နာသင့်ကြောင်း ဆွေးနွေးခဲ့သည်ဟု သိရသည်။
No comments:
Post a Comment