ပအိုဝ်းတိုင်းရင်းသားများ ထိုင်းနိုင်ငံ သူရိင်တက္ကသိုလ်၌ အဆင့်မြင့်ပညာရေး လေ့လာသင်ယူနိုင်ရန်၊ စီးပွားရေး လူမှုရေး ခရီးသွားခြင်းစသည်တို့ စာတမ်းပြုစုနိုင်ရန် နှင့် ယဉ်ကျေးမှုများ အပြန်အလှန် ဖလှယ်နိုင်ရန် ရည်ရွယ်၍ အတူတကွ လက်တွဲလုပ်ဆောင်နိုင်ရန် နိုဝင်ဘာ ၈ ရက်နေ့၌ တောင်ကြီးမြို့ ကန်ကြီးရပ်ကွက် ပအိုဝ်းစာပေနှင့်ယဉ်ကျေးမှု (ဗဟို) ရုံးတွင် MOU နှစ်ဘက်သဘောတူ လက်မှတ်ရေးထိုးခဲ့ကြောင်း သိရသည်။
“မြန်မာနိုင်ငံရှိ ပအိုဝ်းစာပေနှင့်ယဉ်ကျေးမှုအနေဖြင့် ပညာရေး၊ ယဉ်ကျေးမှု၊ သုတေသနကိစ္စရပ်ကို သူရိင်တက္ကသိုလ်နှင့် လက်တွဲပြီး လုပ်ဆောင်နိုင်ရန် MOU ကို သဘောတူလက်မှတ်ထိုးခဲ့ခြင်း ဖြစ်တယ်၊ အရင်က ကိုယ့်ဒေသတွင်းသာ ဆောင်ရွက်နိုင်ခဲ့တယ်၊ ယခု သူရိင်တက္ကသိုလ်နှင့် လက်တွဲလုပ်မည်ဆိုလျှင် အာရှနိုင်ငံနဲ့ နိုင်ငံတကာအဆင့်ထိ ပအိုဝ်းယဉ်ကျေးမှုလုပ်ငန်းများ ဆောင်ရွက်နိုင်မှု ပိုမိုရှိလာနိုင်တယ်“ ဟု ပအိုဝ်းစာပေနှင့် ယဉ်ကျေးမှုအဖွဲ့( ဗဟို) ဥက္ကဌ ခွန်ဝင်းကိုက ပြောသည်။
“ယခု တက္ကသိုလ်နဲ့ သဘောတူလက်မှတ်ထိုးလိုက်တဲ့အတွက် နောက်ပအိုဝ်းလူငယ်နှစ်ယောက် ထိုင်းနိုင်ငံ သူရိင်တက္ကသိုလ်မှာ ပညာသင်ကြားခွင့်ရှိသွားပြီ၊ ပအိုဝ်းလူမျိုးအတွက် မင်္ဂလာရှိတဲ့နေ့တစ်နေ့ဖြစ်တယ်“ ဟု ပအိုဝ်းစာပေနှင့်ယဉ်ကျေးမှု နာယက အမျိုးသားစာပေဆုရ မောင်ခွန်နွယ်က ပြောသည်။
“၂ဝ၁၂ တွင် သုတေသနစာတမ်းပြုစုတဲ့ ဆရာမနှင့် တွေ့ဆုံခဲ့တယ်၊ ဆရာမကို ဒေါက်တာဘွဲ့အတွက် စာတမ်းပြုစုတာကို ကျွန်တော်တို့ကူညီခဲ့တယ်၊ နောက်ယဉ်ကျေးမှုဖလှယ်ခြင်း ၈ ကြိမ်မြောက်ပွဲကို ဆရာမက ဖိတ်ပြီး ကျွန်တော်တို့ယဉ်ကျေးမှုအကဖြင့် သွားရောက်ဖျော်ဖြေပြီးတော့ ယဉ်ကျေးမှု ဖလှယ်ခွင့်ရခဲ့တယ်၊ ယခု နှစ်ဘက် MOU သဘောတူလက်မှတ်ရေးထိုးနိုင်ခဲ့တာဟာ ပအိုဝ်းစာပေနှင့် ယဉ်ကျေးမှုက အကျိုးဆောင်ဖြစ်ပြီး အောင်မြင်မှုက ပအိုဝ်းတစ်မျိုးသားလုံး အောင်မြင်မှုဖြစ်တယ်၊ လာမယ့် ၂၀၁၅ လောက်မှာ ပညာသွားသင်ယူနိုင်ပြီဖြစ်တယ်၊ ပအိုဝ်းတိုင်းရင်းသားများက ကြိုးစားကြရန် လိုအပ်တယ်“ ဟု မဟာမိတ်ပြုလုပ်သူ ဗိုလ်မှူးခွန်သောမတ်စ် က ပြောသည်။
No comments:
Post a Comment