ခွန်သန်းအောင် (TGI) | ဇွန်လ ၂၃ ရက်၊ ၂၀၁၃ ခု | တောင်ကြီးတိုင်းမ်
ဟိုပုံးမြို့နယ်၊ ကျေက်တန်းကျေးရွာတွင် လျပ်စစ်မီးများသွယ်တန်းပေးရန် စီမံကိန်းကို ကျေးရွာအုပ်ချုပ်ရေးအဖွဲ့ ဦးခေါင်၊ ဦးကြုတ်နှင့် ဦးအေးမောင် တို့က မီးကော်မတီဖွဲ့၍ ၂၀၁၂ ခုနှစ်အတွင်း မီးသွယ်တန်းပေးရေးအစီအစဉ်ကို စတင်ခဲ့သည်။ ဟိုပုံး-လွိုင်လင် လမ်းမ ထမ်းစန်းဂူ အနီးရှိ ကျေက်တန်းလမ်းခွဲမှ စ၍ ခွဲယူကာ ၈ မိုင် အကွာအဝေးရှိသော ကျောက်တန်းကျေးရွာအထိသို့ သွယ်တန်းသွားမည်ဟု ဒေသခံများ ကပြောသည်။
လျပ်စစ်မီးသွယ်တန်းရန် ကုန်ကျမည့်ငွေကြေးများကို ယခင်နှစ်နှင့် ယခုနှစ် အစောပိုင်းတွင် ရွာသူရွာသားများထံ နှစ်ကြိမ်သုံးကြိမ် ကောက်ခံခဲ့ပြီးဖြစ်သော်လည်း ယခုဇွန်လ ၁၃ ရက်နေ့တွင် မီးသွယ်တန်းကြေးအတွက် ၄င်းတို့က ထပ်မံကောက်ခံခြင်း လုပ်ဆောင်ကြောင်း ရွာသားတစ်ဦးက ပြောသည်။
ဒေသခံတစ်ဦးက “ ဒီတစ်ခါကောက်ပြီးရင် ပြီးပြီလား၊ ဒါနောက်ဆုံးအကြိမ်ဟုတ်လားလို့ မေးတော့လည်း အဲဒီမီးကော်မတီအဖွဲ့ တာဝန်ရှိသူတစ်ဦးက မသိသေးဘူး အထက်ကိုပြန်မေးကြည့်ရဦးမယ် ဆိုပြီး ပြောတယ်” ဟု ပြောသည်။
ဒေသခံများသည် မီးယူရန် ဘယ်လောက်ကုန်ကျနိုင်မည်ကို အတိအကျသိရမှသာ ကိုယ်ယူနိုင် မနိုင်ကို ဆုံးဖြတ်လို့ ရနိုင်မည်ဖြစ်ကြောင်း၊ အိမ်အထိ (သို့) မီးလင်းသည့် အချိန်အထိ ကုန်ကျနိုင်မည့် အတိုင်းအတာကို သိချင်ကြောင်း၊ အကယ်၍ အကုန်အကျများရင် မယူနိုင်လည်း မယူတော့ကြောင်း ဒေသခံများက ပြောသည်။
“ငါတို့က ပထမတစ်ကြိမ်တုန်းကလဲ သူများငွေချေးယူပြီးထည့်ခဲ့တယ်။ နောက်အကြိမ်တွေမှာလည်း သူများငွေငှါးယူပြီးထည့်ပြန်တယ်၊ အခုနဲ့ဆို ကျမတို့ ဘယ်မှာယူ ပြီးထည့်ရတော့မှာလဲ” ဟု စီးပွါးရေး အကျပ်အတည်းနှင့် ကြုံတွေ့နေရတဲ့အမျိုးသမီးက ပြောသည်။
ရွာသားများ ငွေရေးကြေးရေး အခက်အခဲရှိနေ၍ အချိန်နှစ်နှစ် သုံးနှစ် စီမံကိန်းဖြင့် လုပ်ဆောင်ပေးသင့်ကြောင်း ဒေသခံများက ပြောကြသည်။
No comments:
Post a Comment