By ဖိုးဇေ(တောင်ကြီး) | ဇန်န၀ါရီလ ၂၂၊ ၂၀၁၃ ခု | တောင်ကြီးတိုင်းမ်တောင်ကြီး (တောင်ကြီးတိုင်းမ်) ။ ။ တောင်ပေါ်ဒေသလမ်းဆောက်လုပ်ရေးကုမ္ပဏီလီမိတက် ဟဲဟိုး -တောင်ကြီး (၂၄) မိုင် ယာဉ်ဖြတ်သန်းခကောက်ခံရေးဂိတ် အောင်သပြေ Toll Gate မှ လမ်းအသုံးပြုခ
ငွေကြေးကောက်ခံနေမှုမှာ ပုံမှန်သတ်မှတ်ငွေကြေးအတိုင်း ကောက်ခံမှုမဟုတ်ပဲ
ပြောင်းလဲကောက်ခံမှုများရှိနေကြောင်း သိရပါတယ်။
လမ်းစတင်အသုံးပြုစဉ်က တောင်ကြီးမှ ဟဲဟိုးသို့ သွားရောက်သော ယာဉ်ငယ်တစ်စီးကို ကျပ် (၂၀၀) သာ ကောက်ခံခဲ့ပြီး၊ ဟဲဟိုးမှ တောင်ကြီးသို့ သွားရောက်သည့် ယာဉ်ငယ်တစ်စီးကို ငွေကျပ် (၁၅၀) သာ
ကောက်ခံလျှက်ရှိနေရာမှာ တစ်လခန့် ကြာခဲ့ပါတယ်။
သို့သော် ယခုအချိန်တွင်မူ တောင်ကြီးမှ ဟဲဟိုးသို့ သွားရောက်သော ယာဉ်ငယ်တစ်စီးကို ကျပ် (၃၅၀) ထိ ကောက်ခံခဲ့ပြီး၊ ဟဲဟိုးမှ တောင်ကြီးသို့ သွားရောက်သည့် ယာဉ်ငယ်တစ်စီးကို ငွေကျပ်
(၅၀၀ နှုန်းအထိ တိုးမြင့်ကောက်ခံနေတယ်လို့ ကြားသိရပါတယ်။
သို့ဖြစ်၍ လမ်းအသုံးပြုသူ ယာဉ်ငယ်ပိုင်ရှင်များမှာ လမ်းအသုံးပြုခ ပိုမိုကောက်ခံမှုကို နားမလည်ဖြစ်နေရကြောင်း ငြီးညူသံတွေ ကြားနေရပါတယ်။
လမ်းအသုံးပြုခ ကောက်ခံသည့် ဖြတ်ပိုင်းမှ ပါရှိတဲ့ အချက်အလက်များမှာ ဖြည့်စွက်ထားသည့်အတိုင်းသာ သိရှိနေရပြီး၊ ဖြတ်ပိုင်းတွင်လည်း အဆမတန် ရေးသွင်းထားပြီး လက်ရှိပေးဆောင်ရသည်မှာ ငွေ (၅၀၀) ကျပ်မှာ နည်းနေလျှက်ရှိပြီး ထပ်မံပေးဆောင်ရမည့်အခြေအနေတွင် ရှိနေကြောင်း
သိရှိရပါတယ်။
အဆိုပါ လမ်းအသုံးပြုခ ပေးဆောင်ခဲ့ရသော ကိုယ်ပိုင်မော်တော်ယာဉ် မောင်းနှင်သူ တစ်ဦးမှ
“ကျွန်မတို့ ကိုယ်ပိုင်ကားတောင် ဒီလောက်ပေးနေရရင် ခရီးသည်တင် ကားငယ်တွေနဲ့ ကုန်တင်ကားကြီးတွေဆိုရင် တော်တော်ကုန်ကျစရိတ် များနိုင်တယ်၊ လမ်းပေါ်ထွက်ပြီး တရားဝင်ဓါးပြတိုက်တယ်ဆိုတာ ဒါမျိုးပေါ့” ဟု ဆိုခဲ့ပါတယ်။
၎င်း Toll Gate နှင့် ပတ်သက်ပြီး ရှမ်းပြည်နယ် ၈၈ မျိုးဆက်ကျောင်းသားများအဖွဲ့မှ လမ်းအသုံးပြုခ ကောက်ခံရာတွင် လျှော့ပေါ့ကောက်ခံရန်နှင့် ဒေသခံပြည်သူများ ပေးဆောင်ရခြင်း မရှိရေးတို့အတွက် ဆောင်ရွက်ခဲ့ပြီး၊ ဒေသခံ ယာဉ်ပိုင်ရှင်တိုင်းရင်းသားများမှ လမ်းအသုံးပြုခ ပေးဆောင်ရန်မလိုကြောင်း
သဘောတူညီချက်ကို ရရှိခဲ့တယ်လို့ သိရှိရပါတယ်။
No comments:
Post a Comment