သန်းခေါင်စားရင်းကောင်ယူရာတွင် ပအိုဝ်းအမျိုးသားအတွက် သီးခြား Code နံပါတ်ဖြင့်သာ ကောက်ယူပေးရန် တောင်ဆိုခြင်း

မတ်ခ်ျလ ၁၆ ရက်၊ ၂၀၁၄ ခု | တောင်ကြီးတိုင်းမ်

ပအိုဝ်းတိုင်းရင်းသားလူမျိုးသည် ပုဂံခေတ်မထွန်းကားခင် ကတည်းကမှစ၍ လွတ်လပ်ရေးမရမီကာလအထိ ညီနောင်တိုင်းရင်းသားများနှင့် အုပ်ချုပ်သူများတို့က တောင်သူလူမျိုးဟု ခေါ်ဝေါ်မှတ်တမ်းပြုခဲ့ကြသည်။ ကိုလိုခေတ်တွင် ပအိုဝ်းအမျိုးသားကို ကရင်အမျိုးသားများနှင့် ဥပဒေဖြင့် ပူးပေါင်းထားခဲ့သည်။ 

ပအိုဝ်းလူမျိုးများအား တောင်သူလူမျိုးဟူ၍ ခေါ်ဝေါ်နေခြင်းမှ ပအိုဝ်းလူမျိုးဟု ခေါ်ဆိုပေးရန် မြန်မာနိုင်ငံလွတ်လပ်ရေးရပြီးသည့်နောက် ၁၉၄၈ - ခုနှစ်တွင် လူထုဆန္ဒပြပွဲဆုံးဖြတ်ချက်ဖြင့် ပြည်ထောင်စုမြန်မာနိုင်ငံ တော်အစိုးရထံ ပေးပို့တောင်းဆိုရာ နိုင်ငံတော်က အသိအမှတ်ပြုလက်ခံသည်။

ပအိုဝ်းအမျိုးသားကို ကရင်အမျိုးသားများနှင့် ပူးပေါင်းထားရာမှ ၁၉၄၈ - ခုနှစ် ၊ ရွေးကောက်ပွဲ အက်ဥပဒေ အရ ကရင်နှင့်တောင်သူ ခွဲထုတ်လိုက်ပြီး တောင်သူအမျိုးသားများကို ပြည်ထောင်စုမြန်မာနိုင်ငံသား လူမျိုးတစ်မျိုးအနေနှင့် နိုင်ငံတော်က အသိအမှတ်ပြုခဲပြီး ဖြစ်သည်။

ထို့ကြောင့် လွတ်လပ်ရေးရပြီးသည့်နောက်တွင် ပအိုဝ်းတိုင်းရင်းသားလူမျိုးသည် "ပအိုဝ်း" တည်း ဟူသော သီးခြားလွတ်လပ်သည့် လူမျိုးတစ်မျိုးဖြစ်လာသည်။ သီးခြားလူမျိုးတစ်မျိုးအဖြစ် ရပ်တည်လာခဲ့သည်။

ပအိုဝ်းတိုင်းရင်းသားလူမျိုးများတွင် အခြားတိုင်းရင်းသားများနှင့် မတူညီသည့် မိမိတို့၏ကိုယ်ပိုင် ဂုဏ်အင်္ဂါရပ်ဖြစ်သော သီးခြားစကား၊ စာပေ၊ ဝတ်စားဆင်ယင်မှု၊ ယဉ်ကျေးမှုဓလေ့ထုံးစံများ ရှိသည်။ ပအိုဝ်းတိုင်းရင်းသားလူမျိုးများသည် မြန်မာနိုင်ငံအနှံ့ နေထိုင်ကြသော်လည်း အများဆုံးတစ်ဆက်တစ်စပ်တည်း အနေများသည်မှာ ရှမ်းပြည်နယ်တောင်ပိုင်း၊ ကယားပြည်နယ်၊ ကရင်ပြည်နယ် ၊ မွန်ပြည်နယ် ၊ ပဲခူးတိုင်းဒေသကြီးတို့တွင် ဖြစ်သည်။

ပအိုဝ်းတိုင်းရင်းသားလူဦးရေသည် မြန်မာနိုင်ငံတွင် လူဦးရေအများဆုံးရှိသော တိုင်းရင်းသားများအနက် သတ္တမနေရာ၌ တည်ရှိနေသည်။ ပြည်နယ်ရရှိပြီးဖြစ်သော ကချင်၊ ကယားတိုင်းရင်းသားလူမျိုးများထက် လူဦးရေသာလွန်နေပေသည်။

ထို့ကြောင့် ၂၀၁၄ - ခုနှစ်တွင် ကောက်ယူမည့် ပြည်လုံးကျွတ် လူဦးရေသန်းခေါင်စာရင်း၌ ပအိုဝ်းတိုင်းရင်း သားလူမျိုးများအတွက် သီးခြား Code နံပါတ်ထွက်မည်ဟု ယုံကြည်ခဲ့သည်။ မိတ်ဆွေတစ်ဦးက ပအိုဝ်းအမျုိးသား Code နံပါတ်မှာ ၈၂၆ ဖြစ်ကြောင်း အသိပေးသည်ကို ဝမ်းသာခဲ့ရသည်။

သို့သော် Code နံပါတ် ၈၂၆ သည် "ရှမ်းစု" ၊ ရှမ်းတိုင်းသားလူမျုိးစုတို့၏ Code နံပါတ်ဖြစ်ကြောင်း၊ တစ်နည်းအားဖြင့် ပအိုဝ်းတ်ိုင်းရင်းသားများသည် ရှမ်းတိုင်းရင်းသားလူမျုိးစုတွင် ပါဝင်နေခြင်းသာဖြစ်ကြောင်း လူမှုကွန်ရက်ဟစ်တိုင်ဂျာနယ် ၊ Volး (1) , No. (17) ပါ ဝိုင်ဝိုင်၏ သတင်းဆောင်းပါးအရ သိရသည့်အခါ လွန်စွာတုန်လှုပ် ချောက်ချားရပါသည်။

အကယ်၍ ပအိုဝ်းအမျုိးသားများကို "ရှမ်းစု" သို့တည်းမဟုတ် အခြားတိုင်းရင်းသားလူမျိုး၏ မျိုးနွယ်စုတွင် ထည့်သွင်းထားမည်ဆိုပါက ပအိုဝ်းအမျိုးသားတို့ ရရှိထားပြီးဖြစ်သော ဥပဒေပါ သီးခြားလူမျုိးတစ်မျိုး၏ အခွင့်အရေးကို ချုိးဖောက်ရာ၊ ငြင်းပယ်ရာရောက်နေပေမည်။ ပအိုဝ်းအမျုိးသားများကို သေးသိမ်အောင် ချိုးနှိမ်ပစ်ရာ ရောက်နေပေလိမ့်မည်။ ပအိုဝ်းအမျိုးသားများအတွက် လွန်စွာနစ်နာပေလိမ့်မည်။

“မြန်မာနိုင်ငံတော် တိုင်းပြည်ပြုလွှတ်တော် (ပါလီမန်) ၊ မြန်မာန်ိုင်ငံတော် တ်ိုင်းပြည်ပြုလွှတ်တော် (ပါလီိမန်) နဝမညီလာခံမှတ်တမ်း ။ စာတွဲ ၉ - အစည်းအဝေးအမှတ် - ၁ ၊ သက္ကရာဇ် ၁၃၁၁ ခုနှစ် ၊ တော်သလင်းလပြည့်ကျော် ၆ ရက် ၊ (၁၉၄၉ ခုနှစ် ၊ စက်တင်ဘာလ ၁၂ ရက်) တနင်းလာနေ့။ မေးခွန်းများနှင့် ဖြေကြားချက်များတွင် -

တောင်သူအမျုိးသားများ ။

၁ ။ ။ ဦးစံညွန့် ( သထုံကျေးလက် - အရှေ့ပိုင်း (ကရင်အမျုိးသား) )

(က) ----------- ၅ ခုနှစ် ၊ မြန်မာနိုင်ငံတော် စီ ----------- အက်ဥဒေအရ ကရင်အမျုိးသားများနှင့် ပူပေါင်းထားရာမှ ၊ ၁၉၄၈ ခုနှစ် ၊ ရွေးကောက်ပွဲအက်ဥပဒေအရ ၊ ကရင်နှင့်တောင်သူ ခွဲထုတ်လိုက်သဖြင့် တောင်သူအမျုိးသားမျာအား ပြည်ထောင်စုမြန်မာနိုင်ငံတော်အစိုးရက လူမျုိးတမျိုး အနေဖြင့် အသိအမှတ်ပြုပါမည်လား ။

(ခ) ကရင်နှင့်တောင်သူခွဲထုတ်လိုက်ခြင်းကို အချို့သော တောင်သူအမျုိးသားများသာ သဘောတူ၍ အချို့သဘောမတူသည်ကို အစိုးရသိပါသလား ။

(ဂ) မသိပါလျှင် ၊ ဤကိစ္စကို တောင်သူအမျုိးသားများ ဝေဘန်သုံးသပ်နိုင်ရန် အစိုးရက အသံလွှင့်ဌာနမှ ရှင်းလင်းကျေညာပေးပါမည်လား ။

တရားရေးဌာနဝန်ကြီး (ဦးဧမောင်) ။ ။ (က) တောင်သူ လူမျိုးအနေနှင့် အသိအမှတ်ပြုပါသည်။

(ခ) များသောအားဖြင့် တောင်သူ အမျုိးသားများကို ပြည်ထောင်စု မြန်မာနိုင်ငံသားလူမျုိး တမျုိးအနေနှင့် အသိအမှတ်ပြုခြင်းကို တောင်သူအမျုိးသား အများက နှစ်သက်သဘောတူကြသည်ဟု သိပါသည်။

(ဂ) အထက်တွင် ဖြေရှင်းပြီးဖြစ်၍ ဤမေးခွန်းကို ဖြေရန်မလိုပါ၊ ဟု ဖြေကြားထားပေးခဲ့ပြီးဖြစ်သည် ။

အထက်ပါ တိုင်းပြည်ပြုလွှတ်တော် (ပါလီိမန်) ညီလာခံမှတ်တမ်းစာအုပ်တစ်စုံလုံးကို ပအိုဝ်းအမျိုးသားပြတိုက် (တောင်ကြီး) သို့ ၂၀၁၄ ခုနှစ် ၊ ဒီဇင်ဘာလ ၊ ၆ ရက်နေ့တွင် လှူဒါန်းထားပြီးဖြစ်ပါ၍ လေ့လာနိုင်ပါသည်။

သို့ပါ၍ ဥပဒေအရလည်းကောင်း၊ သဘာဝတရားအရလည်းကောင်း ပအိုဝ်းအမျုိးသားသည် ကိုယ်ပိုင် ဂုဏ်အဂါင်္ရပ်နှင့်ပြည့်စုံသော သီးခြားတိုင်းရင်းသားလူမျိုးတစ်မျိုးဖြစ်ပြီး မည်သည့်လူမျိုး၏အစုတွင်မှ ပါဝင်ခြင်း မရှိပါ။

သို့ပါလျက် ၂၀၁၄ - ခုနှစ် ပြည်လုံးကျွတ်လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူရာတွင် ပအိုဝ်းအမျိုးသားကို Code နံပါတ် ၈၂၆ - "ရှမ်းစု" တွင် ထည့်သွင်းထားခြင်းအား လုံးဝကန့်ကွက်ပါသည်။ ပအိုဝ်းတိုင်းရင်းသား (ပအိုဝ်းအမျိုးသား) အတွက်သီးခြား Code နံပါတ်ဖြင့်သာ ကောက်ယူပေးရန် တောင်းဆိုလိုက်သည်။

ဦးခွန်စိန်ဝင်း (LL.B)
တရားလွှတ်တော်ရှေ့နေ
၁၃၇၅ ခုနှစ် ၊ တပေါင်းလပြည့် ၊ ပအိုဝ်းအမျိုးသားနေ့။
(၂၀၁၄ ခုနှစ် ၊ မတ်လ ၊ ၁၅ ရက် ၊ စနေနေ့)