အဲလိုမှန်းသိရင် အကုန်စားလိုက်မယ်

၂၉ ဒီဇင်ဘာ ၂၀၁၀ ၊ ဗုဒ္ဓဟူးနေ့

တောင်ပေါ် တောမြို့နှင့် အလှမ်းသိပ်မဝေးလှသည့် တောရွာတစ်ရွာတွင် အတော်ဆင်းရဲနွမ်းပါးသည့် လူပျိုတစ်ယောက်ရှိ၏။ တစ်ညနေ၌ ယင်းလူပျိုသည် သူတစ်ခါမှ မမြင်မက်ဖူးသည့် အလွန်ထူးဆန်းသည့် အိမ်မက်တစ်ခုကို မက်ခဲ့သည်။

အိပ်မက်ထဲ၌ မြို့ထဲသို့ သူဈေးဝယ်ရန် ခြေကျင်ဖြင့်လမ်းလျှောက်သွားလိုက်ရာ လမ်းခရီးတ၀က်ခန့်ရောက်ရှိ သည့်အခါ လမ်းလည်ခေါင်တည့်တည့်တွင် အလွန်ကြီးမားသည့် မဟာကျင်ကြီး (ချီး) ပုံကြီး ငါးပုံကို တွေ့ခဲ့သည်။

ယင်း မဟာကျင်ကြီး ငါးပုံအနက် နှစ်ပုံကို သူကောက်ယူ ၀ါးစားလိုက်သည်ဟု အိပ်မက်ခဲ့သည်။ ဤကဲ့သို့ အိပ်မက် မက်ပြီး နောက်နေ့မိုးလင်း အိပ်ယာထ ရေမိုးချိုး၍ အလုပ်သွားရာ၌ လမ်းတ၀က်တွင် ပိုက်ဆံ ကျပ်ငွေ ၂၀၀၀ ကျပ်ကို မမျော်လင့်ပဲ ကောက်တွေ့ရသည်။

ယင်းဖြစ်ကြောင်းစုံလင်အား လုပ်ငန်းခွင်သို့ရောက်သည့်အခါ အလုပ်ခွင်မှ သူ့လုပ်ဖေါ်ကိုင်ဖက်နှင့် အသိမိတ်ဆွေများကို အားပါးတရ ဖေါက်သည်ချလိုက်ရာ၊ အသိမိတ်ဆွေများထဲမှ တစ်ယောက်က .....

(မိတ်ဆွေဖြစ်သူ) “ဟေး ဒီမှာဟေ့လူ… အဲဒီလိုချီးစားတာတို့၊ ချီးကိုင်မိ နင်းမိတာတို့ ချီးပေတာတို့ အိပ်မက် မက်ရင် လဒ်လာဘကောင်းတယ်၊ ပိုက်ဆံတွေ ရွှေ ငွေတွေ အဲဒီလိုပဲ တွေ့တတ် ၀င်လာတတ်တယ်”


(အိပ်မက်မက်သူ) ဟုတ်လို့လား သူငယ်ချင်းရာ.. ငါ တခါမှ မကြားဘူးပါလား.

(မိတ်ဆွေဖြစ်သူ) သိပ်ဟုတ်တာပေါ့ကွ၊ ငါလဲ မင်းလိုပဲ အဲလိုအိပ်မက်မက်ပြီး နောက်နေ့မှာ ပိုက်ဆံကောက်တွေ့ခဲ့ဖူးတာပဲ၊ ငါကိုယ်တိုင် ကြုံခဲ့ဖူးလို့ မင်းကိုပြောနေတာပေါ့ကွ..

(အိပ်မက်မက်သူ) ဟားကွာ .. ဒါဆိုရင် အဲဒီအကြောင်း မင်းဘာဖြစ်လို့ ငါ့ကို အဲဒီလို စောစောမပြောတာလဲကွ၊ စိတ်နာတယ်ကွာ.. စိတ်နာတယ်…နာတယ်.. နာတယ် .. ငါစိတ်နာတယ်ကွာ။

(မိတ်ဆွေဖြစ်သူ)
ဟေး… ဟေး.. ဘာဖြစ်လို့လဲ.. မင်းကလဲ… ဘာ ဘာ .. ဘာဖြစ်လို့လဲ.. မစီမဆိုင်နဲ့

(အိပ်မက်မက်သူ) မနေ့ည ငါအိပ်မက်ထဲမှာ ချီးပုံကြီး ငါးပုံတောင်တွေ့တယ်။ ငါက နှစ်ပုံပဲ ကောက်စားလိုက်တယ်လေ
 
(မိတ်ဆွေဖြစ်သူ) အဲ.. အဲဒီတော့ ဘာဖြစ်လို့လဲ

(အိပ်မက်မက်သူ) ဟား.. မင်းကလဲကွာ.. ငါအဲလိုမှန်းသိရင် အဲဒီချီးပုံ ငါးပုံစလုံး ကောက်ယူပြီးတော့ အကုန်ဝါးစားပစ်လိုက်မယ်ပေါ့ကွ ... မင်းကလဲ အတော်တုံးနေပါလား

ကယ်....အားလုံးတို့ရေ အိပ်မက်ထဲမှာ အဲလိုမက်ရင် အကျန်မထားနဲ့နော်.. :) ။

--------------------------------------------------------
မှတ်ရန်။ ။ ကျေးလက်ဒေသတွင် နေထိုင်သည့် ကာလသား ပအိုဝ်းလူငယ် လူရွယ်များကြား ပျော်ရွှင်စရာ ရယ်မောစရာအဖြစ် ပြောဆိုနေကြသည့် ရိုးရာဟာသများကို နောင်ခမ်းခါ မှ စုစည်း ရေးသား တင်ပြထားပါသည်။

No comments: