တောင်ကြီး။ ။ ၁၉၉၇ ခုနှစ်တွင် ဦးချစ်လယ်က ပအိုဝ်းအမျိုးသားအဖွဲ့ချုပ် (PNO) ဗဟိုမှ တပ်စခန်းများ တည်ဆောက်ဖို့ အတွက်ဆိုပြီး ဆီဆိုင်မြို့နယ် ဆိုက်ခေါင်စံပြကျေးရွာ အနောက်ဘက်ရှိ ခြံပိုင်ရှင် (၁၁) ဦးပိုင်မြေကွက်များကို သိမ်းဆည်းခဲ့သည်။
မြေကွက်များကို တပ်စခန်းမတည်ပဲ မြေယာ ၇၅ ပေပတ်လည်တစ်ကွက်ကို ၂၆၀ ကွက်ရိုက်ကာ မြေသိမ်းသည့်သူများက ရောင်းစားရာမှ မြေပိုင်ရှင်များက လက်မခံသောကြောင့် မြေအရှုပ်အထွေး ၄ နှစ်ခန့် ရှိပြီဟု သိရသည်။
“အမျိူးသားရေးအတွက် တပ်စခန်းတည်ဖို့ဆိုတော့ လက်ခံခဲ့ပါတယ်။ နောက်မှ ဦးလေးတို့က သူတို့တွေ မြေသိမ်းစ ကတည်းက မြေဦးစီး လက်မှတ်မပါတဲ့ မြေဂရမ်ကိုလုပ်ပြီး အကွက်လိုက်ရောင်းချတာ သိတော့ မပေးနိုင်တော့ဘူး” ဟု ဦးခေတ်က ပြောသည်။
မြေကွက်များကို သိမ်းဆည်းထားသော်လည်း မူလပိုင်ရှင်များက နှစ်စဉ်ရာသီ သီးနှံများကို စိုက်ပျိူးနိုင်ကြသည်။ လွန်ခဲ့သော ၂၀၀၈ ခုနှစ်လောက်မှစပြီး မြေကွက်ထဲတွင် မြေသိမ်းသူများထံမှ ထပ်ဆင့်ဝယ်သူအများက အိမ်ကွက်ငုတ်တိုင် စစိုက်လာကြသည်။
“ရယကများက သူတို့တွေကြီးပဲ အစည်းအဝေးလုပ်ပြီးတော့ မြေသိမ်းဆည်းထားတဲ့ လူတွေထံမှာ မြေ၀ယ်တဲ့ သူများအတွက် အိမ်ကွက်ရိုက်ပြီးတော့ ပေးအပ်တော့မယ်။ ဒီလိုပဲ တစ်ဖက်သတ် ဆုံးဖြတ်ချက်ချတာတော့ လက်မခံဘူး” ဟု မြေပိုင်ရှင် ခွန်မောင်ငွေ ကပြောသည်။
မြေပိုင်ရှင်တစ်ဦးဖြစ်သူ ဦးခေတ်က အဘဦးအောင်ခမ်းထီကို မြေကိစ္စဖြေရှင်းပေးဖို့ သွားခဲ့တယ်။ အဘကတော့ “မိမိတို့ ပိုင်တဲ့မြေကို ပြန်လည်လုပ်ကိုင်ကြပါ” ဟု စာနှင့်တကွ PNO ဗဟိုရုံးတံဆိပ်များဖြင့် ရေးပေးခဲ့ပြီးပြီဟု သိရသည်။
သို့သော် ဦးအောင်ခမ်းထီ၏ တရားဝင်လက်မှတ်၊ ရုံးတံဆိပ်ဖြင့် မူလမြေပိုင်ရှင် ပြန်လည်စိုက်ပျိူးနိုင်ရန် ရေးပေးလိုက်သည့်စာကို ဆိုက်ခေါင် ရယကနှင့် PNO တာဝန်ရှိသူများ လက်ခံရရှိသော်လည်း ဗိုလ်မှူးဦးခွန်မြင့်အောင်နှင့် ဗိုလ်မှူးသိန်းဖေတို့က မြေဂရမ် (မြေစာရင်း ဦးစီးမှူးလက်မတ်ပါ) ရှိတဲ့ မြေ၀ယ်ထားသူ ၅၇ ဦးကို မြေကွက်ပေးရန် ဆိုက်ခေါင်တွင် မြေပိုင်ရှင်များအစည်းအဝေးခေါ်ကာ ဆုံးဖြတ်ချက်ချပေးသည်ဟု သိရသည်။
ဦးအောင်ခမ်းထီ၏ စာထဲတွင် PNO နာမည်ခံပြီး မိမိကိုယ်ကျိူးအတွက် ရောင်းစားခြင်းကိစ္စတွင် မိမိမှာ ပအိုဝ်းအမျိူးသားအဖွဲ့ချုပ်ဥက္ကဋ္ဌ တစ်ယောက်တည်းအနေဖြင့် သော်လည်းကောင်း၊ ပအိုဝ်းအမျိူးသားအဖွဲ့ချုပ် ကော်မတီ အနေဖြင့်သော်လည်းကောင်း လုံးဝမသိရှိခဲ့ပါကြောင်း၊ ကိုယ်ကျိူးအတွက် မြေကွက်ဖော်ထုတ် ရောင်းချခြင်းအမှုကို ပြုလုပ်သူ၏ တာဝန်သာဖြစ်ကြောင်း ပါရှိသည်။
ထို့အပြင် ခြံယာမြေများကို P.N.O အနေဖြင့် သိမ်းယူထားခြင်း မဟုတ်ကြောင်းကို အဘ ဦးအောင်ခမ်းထီ သက်ရှိထင်ရှားရှိနေသဖြင့် သက်သေခံအဖြစ် လာရောက်မေးမြန်းနိုင်ကြောင်းလည်း ပါရှိသည်။
မိမိတို့မှလည်း မြေကိစ္စကို ပအိုဝ်းကိုယ်ပိုင်အုပ်ချုပ်ခွင့်ရ ဥက္ကဋ္ဌ ဦးခွန်စံလွင်တို့ထံ အကြောင်းစုံတင်ပြရန် တိုက်တွန်းထားသေးသည်။
ထို့အပြင် မူလမြေပိုင်ရှင်က မိမိမြေကွက်တွင် စိုက်ပျိူးလုပ်ကိုင်သူ ဦးခေတ် နှင့် ထပ်ဆင့်ဝယ်သူ မအေး၏ တရာစွဲခံရခြင်းအတွက် ဆီဆိုင်မြို့ရုံးတက်စရိတ် နှင့် ရှေ့နေငှါးခအတွက် ငွေကြေးကုန်ကျမှု များနေသည် ဟု သိရသည်။
“မနက်ဖြန်လည်း ဆီဆိုင်ရုံးချိန်းရှိတယ်၊ အဲတာလည်း သွားရတော့မယ်၊ ပိုက်ဆံတော်တော်တော့ ကုန်နေပြီ” ဟု မြေယာကျူးကျော်မှုဖြင့် တရားစွဲခံရသူ ဦးခေတ်ကပြောသည်။
မြေပိုင်ရှင်များက မိရိုးဖလာတောင်ယာလုပ်ငန်းကို ပြောင်း၊ ပဲစင်းငုံ၊ ပန်းနှမ်း၊ မပဲနှင့် တောင်ယာစပါးများကို စိုက်ပျိုးကြသည်။ မြေပိုင်ရှင်များထဲတွင် ဆိုက်ခေါင်ဒေသခံများရှိသလို ၁၉၄၀ ခုနှစ် နိုင်ငံတော်စစ်အစိုးရမှ ဖြတ်လေးဖြတ်ကာလတွင် ဗမာစစ်တပ်က ထီပဉ်ကျေးရွာမီးရှို့ပြီး ဘ၀လုံခြုံမှု မရှိသောကြောင့် ဆိုက်ခေါင်ကျေးရွာကို ပြောင်းရွေ့လာပြီး တောင်ယာကွက်များကို ၀ယ်ကာ နေထိုင်ကြသူများလည်း ပါသည်။
ထို့အပြင် မူလမြေပိုင်ရှင်က မိမိမြေကွက်တွင် စိုက်ပျိူးလုပ်ကိုင်သူ ဦးခေတ် နှင့် ထပ်ဆင့်ဝယ်သူ မအေး၏ တရာစွဲခံရခြင်းအတွက် ဆီဆိုင်မြို့ရုံးတက်စရိတ် နှင့် ရှေ့နေငှါးခအတွက် ငွေကြေးကုန်ကျမှု များနေသည် ဟု သိရသည်။
“မနက်ဖြန်လည်း ဆီဆိုင်ရုံးချိန်းရှိတယ်၊ အဲတာလည်း သွားရတော့မယ်၊ ပိုက်ဆံတော်တော်တော့ ကုန်နေပြီ” ဟု မြေယာကျူးကျော်မှုဖြင့် တရားစွဲခံရသူ ဦးခေတ်ကပြောသည်။
မြေပိုင်ရှင်များက မိရိုးဖလာတောင်ယာလုပ်ငန်းကို ပြောင်း၊ ပဲစင်းငုံ၊ ပန်းနှမ်း၊ မပဲနှင့် တောင်ယာစပါးများကို စိုက်ပျိုးကြသည်။ မြေပိုင်ရှင်များထဲတွင် ဆိုက်ခေါင်ဒေသခံများရှိသလို ၁၉၄၀ ခုနှစ် နိုင်ငံတော်စစ်အစိုးရမှ ဖြတ်လေးဖြတ်ကာလတွင် ဗမာစစ်တပ်က ထီပဉ်ကျေးရွာမီးရှို့ပြီး ဘ၀လုံခြုံမှု မရှိသောကြောင့် ဆိုက်ခေါင်ကျေးရွာကို ပြောင်းရွေ့လာပြီး တောင်ယာကွက်များကို ၀ယ်ကာ နေထိုင်ကြသူများလည်း ပါသည်။
No comments:
Post a Comment