တောင်ကြီး (တောင်ကြီးတိုင်းမ်) ။ ။ ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ တောင်ကြီးမြို့တွင် ယနေ့ ၁၉ ရက်နေ့က ပအိုဝ်းအမျိုးသားအဖွဲ့ချုပ် (ပီအဲန်အို) ကမကထပြု ဦးဆောင်ကာ ဘက်စုံဖွံ့ဖြိုး တိုးတက်ရေးဆိုင်ရာ အလုပ်ရုံ ဆွေးနွေးပွဲတစ်ရပ် ကျင်းပပြုလုပ်ခဲ့ကြကြောင်း သတင်းရရှိသည်။
အလုပ်ရုံဆွေးနွေးပွဲကို ပအိုဝ်းအမျိုးသားအဖွဲ့ချုပ်ရုံး ခန်းမတွင် ကျင်းပခဲ့ကြပြီး ပအိုဝ်းအမျိုးသားလွတ်တော်အမတ်များ၊ ပအိုဝ်းအမျိုးသားအဖွဲ့ချုပ်၊ ပအိုဝ်းအမျိုးသမီးရေးရာအဖွဲ့၊ ပအိုဝ်းလူမှုရေးအသင်းအဖွဲ့များ၊ ပအိုဝ်းလူငယ်များ ၊ တိုက်နယ်ဆိုင်ရာ လူကြီးများ စုစုပေါင်း ၆၀ ကျော် တက်ရောက်ကြကြောင်း သိရသည်။
ထို့အတူ “ အနာဂတ်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသမှာ ဒေသခံရှိ မိဘပြည်သူများ ပိုမိုစည်းလုံးညီညွတ်မှုနှင့် ဘက်စုံဖွံဖြိုးတိုးတက်ရေးလုပ်ငန်းများကို တိုးချဲ့ လုပ်ဆောင်နိုင်ရေးအတွက် ခေတ်မှီသော အတွေးအမြင်များ နှီးနှော်ဖလှယ် ကြသည်ဟု” ပအိုဝ်းအမျိုးသားအဖွဲ့ချုပ်(ပီအဲန်အို) ခေါင်းဆောင်တစ်ဦးက ပြောသွားပါသည်။
ကမကထပြု ဦးဆောင်ကာ အလုပ်ရုံဆွေးနွေးမှု အစီအစဉ်တွင် အထူးသဖြင့် တောင်ကြီးမြို့နယ်၊ ကျောက်တလုံးမြို့နယ်၊ ဟိုပုံးမြို့နယ်၊ ဆီဆိုင်မြို့နယ်ရှိ ကိုယ်ပိုင်အုပ်ချုပ်ခွင့်ရဒေသတွင် အများပြည်သူ လိုအပ်သော လမ်းပန်းဆက်သွယ် ကောင်းမွန်လာစေရေး၊ သန့်ရှင်းလုံလောက်သော သောက်သုံးရေနှင့် လျပ်စစ်မီးလုံလောက်စွာရရှိရေး နှင့် ဘက်စုံ ဖွံဖြိုးတိုးတက် ရေးလုပ်ငန်း အခြေအနေများကို ဖော်ထုတ် ဆွေးနွေးကြပြီး အဆိုပါ ရေရှည်တည်တံသော ဖွံ့ဖြိုးရေး လုပ်ငန်းစဉ်များကိုလည်း ဦးစားပေး ဆွေးနွေးတင်ပြ ခဲ့ကြသည်ဟု သိရသည်။
No comments:
Post a Comment