ခွန်ဇာရာ (တောင်ကြီး) | ဖေဖေါ်ဝါရီလ ၁၅ ရက်၊ ၂၀၁၄ | တောင်ကြီးတိုင်းမ်
မြန်မာနိုင်ငံလုံးဆိုင်ရာကျောင်းသားများဒီမိုကရေစီတပ်ဦး (မကဒတ) ကျောင်းသားတပ်မတော် ဖွဲ့စည်းတည်ထောင်ခြင်း ၂၅ နှစ်မြောက် ငွေရတုအထိမ်းအမှတ်နှင့် ဒီမိုကရေစီသူရဲကောင်း ဂုဏ်ပြုပွဲကို ဖေဖေါ်ဝါရီ ၁၃ ရက်နေ့ တောင်ကြီးမြို့ ကက်သလစ်အောက်မေ့ဖွယ်ဓမ္မရုံတွင် ကျင်းပရာ (မကဒတ) ရပ်တည်ချက်နှင့် အဖွဲ့စည်းသဘောထားများကို တင်ပြသွားကြောင်း သိရသည်။
“၁၉၈၈ ခုနှစ်ဒီမိ်ုကရေစီအရေးတော်ပုံကာလအပြီး ဒီမိုကရေစီအရေးတော်ပုံကို စစ်တပ်က ခြေမုန်းလိုက်သော အချိန်နောက်ပိုင်းမှာ ငြိမ်းချမ်းစွာတောင်းဆိုခဲ့သော ဒီမိုကရေစီရဲ့ လူ့အခွင့်အရေး တိုက်ပွဲပါဝင်ခဲ့သော ရဲဘော်များ ရက်ရက်စက်စက်နှိ်ပ်ကွပ်ခံခဲ့ရသော နောက်ပိုင်းမှာ ကျောင်းသားဦးဆောင်ကာ သေဒအသီးသီး ထွက်ခွါပြီး မြန်မာနိုင်ငံလုံးဆိုင်ရာ ကျောင်းသားတပ်မတော်ကို တည်ထောင်ခဲ့ခြင်း ဖြစ်တယ်၊ ကျောင်းသားတပ်မတော်ကို ရည်ရွယ်ချက် ၄ ခုဖြင့် ထူထောင်ခဲ့ပါတယ်၊ (၁) တိုင်းရင်းသားလူမျိုးပေါင်းစုံ ပြည်သူလူထုတရပ်လုံး စစ်အာဏာရှင်စနစ်အောက်မှ လွတ်မြောက်ရေး၊ (၂) ဒီမိုကရေစီနှင့် လူ့အခွင့်အရေးရရှိရေး၊ (၃) ပြည်တွင်းငြိမ်းချမ်းရေး၊ (၄) ဖက်ဒရယ်ပြည်ထောင်စု ပေါ်ထွန်ရေးတို့ဖြစ်ပါတယ်။ ကျောင်းသားတပ်မတော်သည် လူမျိုးပေါင်းစုံ ဘာသာပေါင်းစုံပါဝင်ပါတယ်၊ စစ်အာဏာရှင်စနစ် ပြုတ်ကျဖို့ တုတ်ချင်း လှံလှံချင်း တိုက်ပွဲဝင်နိုင်ဖို့ စတင်ခဲ့တာ ယခု ၂၅ နှစ်ရှိပြီ ဖြစ်တယ်၊ ပြည်တွင်းငြိမ်းချမ်းရေးကိစ္စနှင့် သဘောတူချက် ၃ ခုဖြင့် ဆောင်ရွက်ခဲ့ပါတယ်။ (၁) ပြည်တွင်းငြိမ်း ချမ်းရေးနှင့် အမျိုးသားပြန်လည်သင့်မြတ်ရေး၊ (၂) အင်းအားစုအားလုံးပါဝင်ပြီး နိုင်ငံရေးတွေ့ ဆုံဆွေးနွေးပွဲဖြစ်ပေါ်ရေး၊ (၃) ဒီမိုကရေစီအရေးနှင့် လူ့အခွင့်အရေးကို အာမခံရှိတဲ့ တိုင်းရင်းသားများတန်းတူ အခွင့်ရေးနှင့် ကိုယ်ပိုင်ပြဌာန်းခွင့်ကို အာမခံရှိသော ဖွဲ့စည်းပုံအခြေခံဥပဒေ ပေါ်ပေါက်လာရေးနှင့် အသွင်ကူးပြောင်းရေး လုပ်ငန်းစဉ်တစ်ရပ် ပေါ်ထွန်းရေးပါဝင်ပြီး၊ ၂၀၁၃ ခုနှစ် သြဂုတ်လ ၅ ရက်နေ့မှာ ပြည်နယ်အဆင့် လက်မှတ်ရေးထိုးခဲ့ပြီး၊ ၂၀၁၃ သြဂုတ်လ ၁၀ ရက်နေ့မှာ ပြည်ထောင်စုအအဆင့် သဘောတူလက်မှတ်ရေးထိုးခဲ့ပါတယ်” ဟု ကျောင်းသားတပ်မတော် အတွင်းရေးမှူး ရဲဘော်စံနည်က ပြောခဲ့သည်။
“ကျွန်တော်တို့ နိုင်ငံတော်အစိုးရနှင့် နှစ်ဦး သဘောတူအပစ်ခတ်ရပ်စဲရေး လက်မှတ်ရေးထိုးခဲ့ပါတယ်။ ပြည်ထောင်စုအဆင့် ဆွေးနွေးမှုများ ရရှိခဲ့ပါတယ်။ ဒါပေမဲ့ လိုချင်တဲ့ နိုင်ငံရေးဆွေးနွေးပွဲကို မကဒတဖြစ်စေ နိုင်ငံတော်ကဖြစ်စေ မဆွေးနွေးရသေးပါဘူး။ အပစ်ခတ်ရပ်စဲရေး အဖွဲ့စည်းတိုင်းဟာလည်း ကျွန်တော်တို့လိုချင်တဲ့ နိုင်ငံရေးဆွေးနွေးပွဲခေါင်းစဉ်ကို ရောက်ဖိုကြိုးစားနေရဆဲဖြစ်တယ်၊ တိုင်းပြည်ပြဿနာဟာ ABSDE နှင့် နိုင်ငံတော်နှစ်ဖွဲ့ထဲ ဆွေးနွေးလို့မရဘူး၊ တွေ့ဆုံဆွေးနွေးပွဲသည် ပန်းတိုင်မဟုတ်ဘူး။ အပစ်ခတ်ရပ်စဲရေး လက်မှတ်ရေးထိုးပြီးတာနှင့် ငြိမ်းချမ်းရေးရပြီဟု ABSDF ယုံကြည်မှု မရှိဘူး၊ အပစ်ခတ်ရပ်စဲရေးနောက်မှာ နိုင်ငံရေးဆွေးနွေးပွဲ ပါရမည်၊ နိုင်ငံရေးဆွေးနွေးပွဲသည် ကျွန်တော်တို့ လိုချင်တဲ့ တိုင်းပြည်ပြဿနာကို ဖြေရှင်းတဲ့ ပုံစံတစ်ရပ်ဖြစ်တယ်၊ လူထုအားလုံး လိုလားတဲ့ ဒီမိုကရေစီလူ့အခွင့်အရေးနှင့် တိုင်းရင်းသားတန်းတူညီမျှမှုနှင့် ကိုယ်ပိုင်ပြဌာန်းခွင့် အာမခံချက်ရှိတဲ့ နေရာဟာ ကျွန်တော်တို့ပန်းတိုင် ဖြစ်တယ်” ဟု ကျောင်းသားတပ်မတော်ဗဟို ရဲဘော်သံခေး က ငွေရတုအခမ်းအနား တောင်ကြီးမှ ပြောခဲ့သည်။
No comments:
Post a Comment