ခွန်ရာဇာ (တောင်ကြီး)
| အောက်တိုဘာ ၉ ရက်၊ ၂၀၁၃ | တောင်ကြီးတိုင်းမ်
တောင်ကြီးမြို့၊ ဘုရားဖြူရပ်ကွက်၊ နယ်မြေ (၇) အတွင်းရှိ ရေအေးကွင်းတိုးချဲ့နယ်မြေ ကုန်းမြင့်သာယာရပ်ဟု ရည်ညွှန်းဖော်ပြ၍ (၁၉၉၈) ခုနှစ် ရှမ်းပြည်နယ် အေးချမ်းသာယာရေးနှင့် ဖွံ့ဖြိုးရေးကောင်စီမှ မြေမိန့်ပေးကာ နိုင်ငံတော်အကျိုး (သို့မဟုတ်) အများပြည်သူများ အကျိုးအတွက် သိမ်းဆည်းခြင်းမဟုတ်ပဲ ပုဂ္ဂလိက ပြည်နယ်အဆင့်/ခရိုင်ဝန်ထမ်းအချို့နှင့် ပြန်တမ်းဝင် တပ်မတော်အရာရှိ တစ်ချို့အား မြေပေးမိန့်ချမှတ်ပေးခဲ့သည့် မြေယာသိမ်းဆည်းခြင်းကို အဆင့်ဆင့် အသနားခံစာ တင်ပြီးမှ အောက်တိုဘာ ၈ ရက်နေ့တွင် မြို့နယ်အထွေထွေ အုပ်ချုပ်ရေးမှူး ဦးဇော်မြင့်သိန်းက ကွင်းဆင်းစစ်ဆေးကြောင်း သိရသည်။
“ခရိုင်မင်းကြီး၊ ဥပဒေမင်းကြီး၊ မြို့နယ်မင်းကြီး၊ ဗိုလ်မှူးကြီး၊ ဗိုလ်ချုပ် လူကြီးတွေဘဲ ရထားတယ်၊ ဥပဒေဆိုတာ စောင်ကြားထဲဘဲ ရှိတယ်။ သွားတင်ပြရင်လည်း ဆဲလွှတ်လိုက်ပြီ။ အခါနှစ်ဆယ် သွားမေးတောင်မှ အမှန်တရား မပြောပြဘူး။ မြေစာရင်းရုံး သွားရင် ရပခ ကို လွဲချတယ်။ ရပခ ကို သွားရင် ထွေအုပ်ကို လွဲချတယ်။ ထွေအုပ်ကို သွားရင် ပြည်နယ်ကို လွဲတယ်။ ပြည်နယ်ကို မေးရင် အထက်ကို လွဲတယ်။ အဲဒီ အထက်နှစ်လုံးကို မေးရင် ဘယ်သူမှ မဖြေကြဘူး။ ပြဿနာမပြီးသေးဘူး ဆရာ။ ခဏစောင့်ပြီး မှာကာပါလားလို့ တောင်းပန်တာမရဘူး။ ရပ်ကွက်ရေးမှူးရုံးသို့ ခေါ်သော်လည်း အပြင်ကနေ စောင့်ခိုင်းတယ်။ သူတို့အထဲက ညှိနိုင်းတယ်။ ပြည်ထဲရေးက အမိန့်မပါဘူး။ တိုင်းမှူးရဲ့ အမိန့်နဲ့သာ လုပ်တာ။ အသိပေး အကြောင်းကြား ညှိနိုင်းမှုလည်း မရှိ။ ကြိုက်ယူ ကြိုက်ရှင်း ကြိုက်လုပ်ပြီး မြေဂရမ်ထုတ်သွားရာမှ ဟာသူတို့မှာ သက်သေအထောက်အထား မရှိဘူး ဆိုပြီး တကယ်ပိုင်တဲ့ သူက အထောက်ထား မရှိလို့ မပေးဘူး။ မပိုင်တဲ့ သူတော့ အာဏာသုံးပြီး ယူကြတယ်။ လောကမှာ ဒါဥပဒေလား။ ဒါ တရားမျှတမှု ရှိသလား။ သမ္မတ မူက ကောင်းပါတယ်။ ဘယ်လိုကြောင်းနဲ့ဘဲ သိမ်းသိမ်း ရှောင်လွဲလို့ မရအောင် သိမ်းသည်ဖြစ်စေ နှစ်နာမှု မရှိအောင် လုပ်ပေးလိုက်။ မနှစ်နာသေးဘူးဆိုရင် မြေပြန်ပေးလိုက်။ သိပ်ချစ်စရာကောင်းတယ်။ ဥပဒေနဲ့ အညီ သိမ်းယူခြင်းလည်း မဟုတ်ဘူး။ ဒီအစိုးရလက်ထက် မရလည်း နောက်အစိုးရလက်ထက်လည်း အမှန်တရားရဖို့ ဆက်လက်လုပ်ဆောင်သွားမှာဘဲ” ဟု မြေသိမ်းခံရသော တရားလွှတ်တော်ရှေ့နေ ဒေါ်ခင်မေ က ပြောသည်။
ဘိုးဘွားပိုင် မြေရှင်များသည် နှစ်ပေါင်း (၈၀) ကျော် စဉ်ဆက်မပြတ် ရိုးသားစွာ နေထိုင်နေသော ပအိုဝ်းလူမျိုး တောင်သူလယ်သမားများ ဖြစ်ကြရာ မြေပုံစံ ၁၀၅ ဂရံကို လုပ်လေ့ မရှိကြောင်း ၎င်းမြေကို ဧက၂၀ ကျော်ရှိကြောင်း၊ နိုင်ငံတော်သမ္မတနှင့် ဌာနဆိုင်ရာ ၈ ခုတွင် အကြိမ်ကြိမ် တင်ပြပြီး ဖြစ်ကြောင်း မြေယာအသိမ်းခံရသူ ဒေသခံများက ဆိုသည်။
No comments:
Post a Comment