တောင်ကြီးမြို့နယ် နောင်လေကျေးရွာအုပ်စုနှင့် ပန်းတင်ကျေးရွာအုပ်စု (၂) စုကြား နယ်နိမိတ်အငြင်း ပွားမှု ပဋိပက္ခဖြစ်နေခြင်းကို ပြည်ထောင်စုမြန်မာနိုင်ငံတော် အမျိုးသားလွှတ်တော်သို့ အကြိမ်ကြိမ် တိုင်ကြားထားပြီး၊ ယခု ပြည်ထဲရေးဝန်ကြီးဌာန၊ ဒုတိယဝန်ကြီး ဗိုလ်မှူးချုပ် ကျော်ကျော်ထွန်းမှ ပြည်သူ့လွှတ်တော် မေးခွန်းဖြေကြားရန် ညွန်ကြားချက်အရ ပြန်ကြားခြင်း ရည်ညွှန်းစာဖြင့် အကြောင်းကြားစာ ထွက်လာသော်လည်း အောက်တိုဘာ ၁၀ ရက်အထိ ပြဿနာဖြေရှင်းပေးခြင်း မရှိကြောင်း သိရသည်။
၎င်းနယ်နိမိတ် အငြင်းပွားမှုကိစ္စနှင့် ပတ်သက်သ၍ သက်ဆိုင်ရာ ရပ်ကွက်/ကျေးရွာအုပ်စု အုပ်ချုပ်ရေးမှူးနှင့် မြေတိုင်းစာရေးများ မြေပြင်ကွင်းဆင်း၍ မိမိရပ်ကွက်/ကျေးရွာအုပ်စု နယ်နိမိတ်အား မြေစာရင်းမြေပုံပါအတိုင်း လုပ်ထုံးလုပ်နည်းနှင့်အညီ သေချာအပ်နှံ ပြသ ဆောင်ရွက်ပေးရန်နှင့် ဆောင်ရွက်မှုအခြေအနေအား ရပ်ကွက်/ကျေးရွာအုပ်စု အုပ်ချုပ်ရေးမှူးနှင့် သက်ဆိုင်ရာ မြေတိုင်းစာရေးတို့မှ လက်မှတ်ရေးထိုးပြီး အမြန်ပြန်လည်တင်ပြရန် အကြောင်းထားကြောင်းကို အောက်တိုဘာ ၇ ရက်နေ့တွင် လက်ခံရရှိကြောင်း၊ တောင်ကြီး မြေတိုင်းစာရင်းသို့ လက်မှတ်ထိုင်းခိုင်းကာ လက်မှတ်ထိုးပေးခြင်းလည်းမရှိကြောင်း ထီတယမ်းကျောင်း ဆရာတော်ဦအာနန္ဒက မြွတ်ဆိုသည်။
သြဂုတ်လ ၂၇ ရက်တွင် ပန်းတင်ကျေးရွာအုပ်စု ဇေယန္တောကျောင်းမှာ ဦးအောင်မြိုင်၊ ဦးဇော်မြင့်သိန်းနှင့် မြေစာရင်းများ လာရောက်ဖြေရှင်းရာတွင် ပွင့်လင်းမြင်သာမှုနှင့် တရားမျှတမှု မရှိသောကြောင့် ပြည်သူများက လက်မခံကြောင်း ဆရာတော်က ဆိုသည်။
“ကျွန်တော်တို့ နယ်နိမိတ်ကို မြေပုံအမှန်အတိုင်း ပြန်လိုချင်တယ်။ တစ်လတစ်ခါ အထက်သို့ တိုင်စာတင်ပြသွားမယ်။ ကျွန်တော်တို့လူထုလည်း စည်းလုံးမှုရှိတယ်။ နောက်ဆုံး ဖြေရှင်းမှု မရှိလျှင် ဆန္ဒပြတောင်းဆိုဖို့ အစီစဉ်ရှိတယ်” ဟု နောင်လေကျေးရွာအုပ်ချုပ်ရေးမှူး ဦးကီးက ပြောသည်။
ထိုနယ်နိမိတ်ကိစ္စသည် ၆၊ ၈၊ ၂၀၀၈ ရက်နေ့တွင် မြေစာရင်းဦးစီးဌာန ဦးစိုးသိန်း (လ/ထ ဦးစီးမှူး)၊ ဦးစိုးမိုးထိုက် (မြေတိုင်းစာရေး)၊ ဦးမိုးသွင် (မြေတိုင်းစာရေး) တို့နှင့် ဦးခွန်လှဆာတို့က ဆောင်ရွက်ခဲ့ကြောင်း၊ နောင်လေကျေးရွာအုပ်စုပိုင် မြေဧရိယာ (၃) မိုင် ကျော်ကို ကျူးကျော်ပြီး ပန်းတင်ကျေးရွာအုပ်စု မြေဧရိယာအတွင်း ထည့်သွင်းတိုင်းတာ၍ မြေပုံအတုကို ရေးဆွဲထုတ်ပေးခဲ့ကြောင်း သိရသည်။
ပြည်သူ့လွှတ်တော် မေးခွန်းဖြေကြားရန် ညွန်ကြားချက်အရ ပြည်သူ့လွှတ်တော် မေးခွန်းအပိုဒ် (ခ) ပါ မြေစာရင်းလက်စွဲ ဥပဒေပုဒ်မ ၉၉၇ ပါ ရပ်ကွက်/ကျေးရွာအုပ်စု အုပ်ချုပ်ရေးမှူး အလုပ်တာဝန် လွဲပြောင်းသည့်အချိန်တိုင်း တာဝန်ကျ ရပ်ကွက်/ကျေးရွာအုပ်စု မြေတိုင်းစာရေးက ရပ်ကွက်/ကျေးရွာအုပ်စု အုပ်ချုပ်ရေးမှူးနှင့်အတူ မြေပြင်ကွင်းဆင်း ပြသအပ်နှံပေးခြင်းမရှိပါကြောင်း အချို့မြို့နယ်များမှ တင်ပြထားသည်ကို စိစစ်တွေ့ရှိရကြောင်း၊ ဖော်ပြပါကိစ္စနှင့်ပတ်သက်၍ မြေတိုင်းစာရေးက ရပ်ကွက်/ကျေးရွာအုပ်စုအုပ်ချုပ်ရေးမှူးနှင့်အတူ မြေပြင်ကွင်းဆင်း၍ သေချာအပ်နှံပေးရန် လိုအပ်မည်ဟု အကြောင်းကြားစာ ထွက်ရှိလာကြောင်း သိရသည်။
No comments:
Post a Comment