Interview with PNLO General Secretary Khun Myint Htun

Conducted by Khun Khit San | August 30, 2012 | တောင်ကြီးတိုင်းမ်

မေး - ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) က ရထားဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေးအဖွဲ့နဲ့ တွေ့ဆုံမှု ဘယ်နှစ်ကြိမ်ရှိပြီလဲ။

ဖြေ - ကျနော်တို့ အခုတစ်ခေါက်ပြည်နယ်အဆင့်နဲ့ဆိုရင် (၆) ကြိမ်မြောက်ရှိပါပြီ။ နောက်တစ်ခေါက် ပြည်ထောင်စုအဆင့်ကို ရန်ကုန်မှာ လက်မှတ်ထိုးဖို့ သဘောတူထားတယ်။

မေး - ဦးအောင်မင်းက တိုင်းရင်းသားလက်နက်ကိုင်အဖွဲ့တွေကို အပစ်အခတ်ရပ်ဆဲဖို့ ဘယ်လိုပုံစံမျိုး ဆွေးနွေးလဲ။

ဖြေ - ဦးအောင်မင်းကဘာပြောလဲဆိုတော့ အပစ်အခတ်ရပ်စဲရေးတွေကို လုပ်ပါ။ ပြီးမှ နိုင်ငံရေးတွေဆုံ ဆွေးနွေးပွဲတွေကို လုပ်မယ်လို့ပြောတယ်။ တိုင်းရင်းသားတွေဘက်က စိုးရ်ိမ်တာက နိုင်ငံရေးပြဿနာကို ဖြေရှင်းချင်လို့ဖြစ်တယ်။ နိုင်ငံရေးပြဿနာကို နိုင်ငံရေးနဲ့ဖြေရှင်းဖို့ ရာခိုင်နုန်းမပြည့် သေးဘူး မဖြေရှင်းဘူး လားဆိုတော့ဖြေရှင်းတယ် ဒါပေမဲ့မပြည့်သေးဘူး။ တိုင်းရင်းသားတွေအလုံး အပစ်အခတ်ရပ်စဲတာ နိုင်ငံရေးကို တွေ့ဆုံဆွေးနွေးချင်လို့ဖြစ်တယ်။

မေး - ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) အနေနဲ့ဘာတွေ သဘောတူညီမှုရရှိခဲ့ပြီလဲ။

ဖြေ - ကျနော်တို့သဘောတူညီချက်ရတာကတော့ ပထမဦးဆုံး အပစ်အခတ်ရပ်ဆဲရေးအတွက် ပဏာမအဆင့် ပြည်နယ်အဆင့်မှာ အဲဒါကတော့ ဒီ ၂၀၁၂ ခုနှစ် သြဂုတ်လ ၂၅ ရက်နေ့ကစပြီး နှစ်ဦးနှစ်ဘက် အပစ်အခတ်တိုက်ခိုက်မှုရပ်ဆဲဖို့ သဘောတူညီချက်ပဲ ဖြစ်ပါတယ်။ နှစ်ဘက် သဘောတူညီမှုရထားတဲ့ သတ်မှတ်တဲ့နေရာမှာ နေထိုင်ဖို့ နောက်ပြီးတော့ သတ်မှတ်တဲ့နေရာမှာ လက်နက်နဲ့ သွားရောက်ခြင်းမပြုဖို့ နောက်တစ်ခါ တောင်ကြီးနဲ့ မောက်မယ်မြို့မှာ ဆက်ဆံရေးထားဖို့၊ သြဂုတ်လ ၂၅ ရက်မှစပြီး ၃ လအတွင်း ပြည်ထောင်အစုအဆင့်ထိ ဆွေးနွေးမှုစတင်နိုင်ဖို့ ဖြစ်ပါတယ်။

မေး - ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) က ဘယ်လိုပေါ်ပေါက်လာခဲ့လဲ။

ဖြေ - ဟုတ်ကဲ့ ကျနော်တို့ ၁၉၉၁ ခုနှစ်မှာ PNO ဥက္ကဌကြီး ခေါင်းဆောင်ဖြစ်တဲ့ ဦးအောင်ခမ်းထီ ကနေဦး ဆောင်ပြီး တော့ အပစ်အခတ်ရပ်စဲဖို့လုပ်ပါတယ် အဲဒီတုန်းက တပ်မှူးကြီး ဗိုလ်မှူးကြီးခွန်ဥက္ကာ အပါအ၀င် တချို့သော PNO အဖွဲ့ဝင်များ တော်လှန်ရေးမြေမှာပဲ ကျန်ရစ်ခဲ့ပါတယ်။ သူတို့ကတော့ PPLO ပအိုဝ်းပြည်သူ့ လွတ်မြောက်ရေးအဖွဲ့ ဖွဲ့စည်းပြီး တော်လှန်ရေးကိုဆက်လုပ်ခဲ့ပါတယ်။ ပြီးနောက် ၁၉၉၄ ခုနှစ်မှာ ရှမ်းပြည်နယ် လူမျိူးပေါင်းစုံပြည်သူ့လွတ်မြောက်ရေးအဖွဲ့ (ရလလဖ) လက်နက်ချပြီး ၂၀၀၇ ခုနှစ်မှာ ရလလဖ အဖွဲ့ ပြိုကွဲခဲ့ တယ်လို့ ပဲပြောရမယ်။ အဲဒီမှာ ရလလဖရဲ့ ဒုဥက္ကဌ ဗိုလ်မှူးကြီးဖြစ်တဲ့ ခွန်တိဆောင် နှင့် အတွင်းရေးမှူး ခွန်သူ ရိန် တို့ကဦးဆောင်ပြီးတော့ ရလလဖရဲ့အင်အားကိုပြန်လည်စုပြီးတော့ တော်လှန်ရေး နယ်ထဲပြန် ရောက်ခဲ့ တယ်။ အဲဒီချိန်မှာ ပအိုဝ်းလူငယ်အစည်းအရုံး PYO ၊ ပအိုဝ်းအလုပ်သမားသမ္မဂ (PLU) စတဲ့ပအိုဝ်း အ သင်းအဖွဲ့တွေအဲမှာစုရုံးကြတယ်။ အဲခါကြမှ ပအိုဝ်းအမျိူးသားညီညွတ်ရေးကို ဆွေးနွေးကြတယ် ၂၀၀၇ ခုနှစ်မှာ စတင် ဖွဲ့ခဲ့ကြတယ် ၂၀၀၉ ခုနှစ်ဒီဇင်ဘာမှာကြတော့ ပအိုဝ်းအမျိူးသားညီလာခံတရပ်ကို ကျင်းပနိုင်ခဲ့ပါတယ်။ အဲဒီပအိုဝ်းအမျိူးသားညီလာခံမှာ စောစောကပြောတဲ့အဖွဲ့အစည်းတွေရော၊ ရဟန်းသံဃာတော်တွေရော၊ နောက်နယ်စပ်မှာရှိတဲ့ ပအိုဝ်းကျေးရွာ လူထုကိုယ်စားလှယ်တွေရော၊ နောက် ပြည်တွင်းမှာ ရှိသော ပအိုဝ်းကိုယ့်စားလှယ်တွေရော တက်ရောက်ခဲ့ပြီး အမျိူးသားညီလာခံကို ကျင်းပခဲ့ပါတယ်။ အဲမှာ အမျိုးသားညီလာခံကျင်းပရေး ကော်မရှင်ဥက္ကဌကတော့ ကျနော်ဖြစ်ပါတယ်။ အဲညီလာခံမှာ ကျနော်တို့ ပအိုဝ်းအမျိူးသားလွတ်မြောက်ရေးအဖွဲ့ ထူထောင်ဖို့ သဘောတူညီချက်ရခဲ့ပါတယ်။ သဘောတူညီချက်ကိုရပြီးမှ ပအိုဝ်းအမျိူးသားလွတ်မြောက်ရေးကို ထူထောင်ရင်ဘယ်လိုထူထောင်ကြမလဲဆိုတာ PNLO ရဲ့ဖွဲ့စည်းပုံကိုရေး ဆွဲခဲ့ကြပါတယ်။ အဲဒီပြီးတဲ့အခါမှာ ပအိုဝ်းပြည်သူ့လွတ်မြောက်ရေး PPLO ခေါင်းဆောင် ဗိုလ်မှူးကြီး ခွန်ဥက္ကာ လည်း PPLO အဖွဲ့ကို တရားဝင်ဖျက်သိမ်းကြောင်း ညီလာခံကြီးမှာ ကြေငြာခဲ့ပါတယ်။ ညီလာခံကြီးမှာကြေငြာ ပြီးတော့ သူအပါအ၀င် PPLO အဖွဲ့ဝင်တွေအကုန်လုံးကို ညီလာခံကိုအပ်ပါတယ်။ ထိုနည်းတူပဲ ဗိုလ် နိုင်ငံရေး အဖွဲ့ကိုလည်း နိုင်ငံရေးအဖွဲ့ကိုလည်း တရားဝင်ဖျက်သိမ်းပြီး ပအိုဝ်းအမျိူးသား လွတ်မြောက်ရေးတပ်မတော်ကို ညီလာခံကိုအပ်ပါတယ်။ ပအိုဝ်းလူငယ်အစည်းအရုံးကလည်း ညီလာခံကိုအပ်ပါတယ်။ ပအိုဝ်းအလုပ် သမား သမ္မဂ¾ ကလည်း ညီလာခံကိုအပ်ပါတယ်။ ကျနော်ကလည်း တသီးပုဂ¾လအနေနဲ့ ညီလာခံကိုအပ်ပါတယ်။ ထပ်ပြီးတော့ ညီလာခံမှာ ရေးဆွဲထားတဲ့ဖွဲ့စည်းပုံ နှင့်အညီရွေးကောက်ပွဲလုပ်ခဲ့ပါတယ်။ အဲရွေးကောက်ပွဲ ကော်မရှင်ကို ဖွဲ့တဲ့အခါမှာ ပအိုဝ်းအမျိူးသားများမပါဘူး RCSS က စိုင်းအွန်ကြီးစီး ၊ KNPP ဘက်က အထွေထွေအတွင်းရေးမှူးဖြစ်တဲ့ ဦးအောင်ဆန်းမြင့် နောက် NDF အထွေထွေအတွင်းရေးမှူး မိုင်းဖုန်းကျော် သူတို့ကနေပြီးမှ ရွေးကောက်ပွဲကော်မရှင် လုပ်ပြီးတော့ ရွေးကောက်တင်မြှောက်ကြပါတယ်။ ကျနော်ပြောချင် ကတော့ ပအိုဝ်းအမျိူးသားလွတ်မြောက်ရေးအဖွဲ့ (PNLO) က ဘယ်အဖွဲ့ကနေမှ ခွဲထွက်မဟုတ် ပါဘူး ဖွဲ့စည်းပုံကိုရေးဆွဲပြဌာန်းပြီးတော့မှ ပအိုဝ်းအမျိူးသားလွတ်မြောက်ရေးကို အဲဥပဒေအရ ဖွဲ့စည်းထားတဲ့အဖွဲ့ဖြစ်ပါတယ်။

မေး - ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) နိုင်ငံရေး ရပ်တည်ချက်က ဘာလဲ။

ဖြေ - ကျနော်တို့ရဲ့ အဓိကရပ်တည်ချက်ကတော့ ပအိုဝ်းအမျိူးသား တန်းတူရေး နဲ့ ကိုယ်ပိုင်ပြဌာန်းခွင့်ပဲဖြစ်ပါ တယ်။ နောက်တစ်ခါ ကျနော်တို့ အမျိူးသားတန်းတူရေး နှင့် ကိုယ်ပိုင်ပြဌာန်းခွင့် ကိုအာမခံတဲ့ပြည်ထောင်စု တည်ဆောက်မယ်။ အဲဒီပြည်ထောင်စုထဲမှာ ကျနော်တို့ အမျိူးသားတန်းတူခွင့် နဲ့ ကိုယ်ပိုင်ပြဌာန်းခွင့်ကိုရရှိ မယ်။ ဒါကျနော်တို့ရဲ့ ထားရှိတဲ့ရည်မှန်းချက်ဖြစ်ပါတယ်။

မေး- ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) က လွတ်တော်အတွင်း နိုင်ငံရေးလုပ်ဖို့ရှိလား၊ နိုင်ငံရေးပါတီထောင်ဖို့ကောရှိလား။

ဖြေ - ဟုတ်ကဲ့ အခုလောလောဆယ် ငြိမ်းချမ်းရေးကိုဖော်ဆောင်တဲ့၊ ငြိမ်းချမ်းရေးထိန်းသိမ်းတဲ့ keeping အဆင့်ကိုရောက်ပါပြီ ဒါကြောင့်ငြိမ်းချမ်းရေးကို ဖော်ဆောင်တဲ့ နိုင်ငံရေးဆွေးနွေးမှုတွေကို အဓိကထားပြီးတော့ ဆောင်ရွက်ဖို့ရှိပါတယ်။ နိုင်ငံရေးဆွေးနွေးမှုတွေအပေါ်မှာ အခြေခံပြီးတော့မှ ကျန်တာတွေကို ကျနော်တို့ ဆက်လက်ဆောင်ရွက်သွားမှာဖြစ်ပါတယ်။

မေး- ပအိုဝ်းအမျိူးသားလွတ်မြောက်ရေးအဖွဲ့ချုပ် (PNLO) နဲ့ ပြည်တွင်းက ပအိုဝ်းအမျိူးသားရေးအဖွဲ့ချုပ် (PNO) နှစ်ဦးနှစ်ဘက် ဆွေးနွေးမှု အခြေနေဘယ်လိုရှိလဲ။ ပူးပေါင်းဖို့ကော ရှိလား။

ဖြေ- ဟုတ်ကဲ့ ကျနော်တို့မှာတော့ လွန်ခဲ့တဲ့ ဇွန်လိုင် ၂၃ ရက်ဆိုရင် ပအိုဝ်းအမျိူးသားအဖွဲ့ချုပ်( PNO ) ရဲ့ နာယကဖြစ်တဲ့ ဖြားတန် ဦးအောင်ခမ်းထီကို ကျနော်တို့ ဂရ၀ပြုတွေ့ဆုံနုတ်ဆက်ခဲ့ပါတယ်။ ဂရ၀ပြုခဲ့ပါတယ်။ အဲဒီမှာ PNO ခေါင်းဆောင်တွေနဲ့ ရင်းရင်းနှီးနှီး ပွင့်ပွင့်လင်းလင်း တွေ့ဆုံဆွေးနွေးခွင့်ရခဲ့ပါတယ်။ နောက် တစ်ခါ ဇွန်လ ၂၄ ရက်မှာဆိုရင် ပအိုဝ်းလူမှုအဖွဲ့အစည်းဖြစ်တဲ့ ပအိုဝ်းစာပေနဲ့ယဉ်ကျေးမှု ကော်မတီ၊ ပအိုဝ်း မော်အဖွဲ့၊ ပအိုဝ်းတိုင်းရင်း ဆေးဆရာများအဖွဲ့၊ အမျိူးသမီးရေးရာ၊လူငယ်များအဖွဲ့တို့စသည်ဖြင့် ပအိုဝ်းလူမှုအ ခြေပြုအဖွဲ့များအားလုံး ခေါင်းဆောင်တွေကို တွေ့ဆုံဆွေးနွေးခွင့်ရခဲ့ပါတယ်။ အဲဒီတွေ့ဆုံဆွေးနွေးပွဲကို PNO ဌာနချုပ်ရုံးမှာပဲ ကျင်းပခဲ့ပါတယ်။ အဲဒီဆွေးနွေးပွဲဖြစ်အောင်လည်း PNO ကခေါင်းဆောင်များခွန်လာတို့က ကမ ကထပြုမှုဖြင့် ကျနော်တို့ဆောင်ရွက်ခဲ့ပါတယ်။ ဒါကြောင့်မလို့ ကျနော်တို့ PNLO နဲ့ PNO ကြားမှာ နိုင်ငံရေး ပ¼ိပက္ခမှမရှိဘူး PNO ရဲ့ကမကထ ပြုမှုနဲ့ကျနော်တို့ဆောင်ရွက်ခဲ့ပါ တယ်။ တောင်ကျောင်းကြီးဆရာတော် အပါအ၀င် ပအိုဝ်းသဃာတော်များအဖွဲ့မှ လည်းသြ၀ါဒကို ကျနော်တို့ ရယူပါတယ်။ သြ၀ါဒရယူတုံးကလည်း PNO ရဲ့ကမကထစီစဉ်မှုဖြင့် လုပ်ဆောင်နိုင်ခဲ့ပါတယ်။ ဒါကြောင့်မလို့ PNO ကတရားဝင်မှတ်ပုံတင်ထားတဲ့ နိုင်ငံရေးတရပ်အနေနဲ့ ရပ်တည်နေပြိးတော့ ကျနော်တို့က အမျိူးသားလက်နက်ကိုင်အဖွဲ့အစည်း အနေနဲ့ ရပ်တည်ပါတယ်။ အနေအထားတွေက မတူသော်လည်း ကျနော်တို့ရဲ့ အမျိုးသားရေးဝါဒက အတူတူပဲဖြစ် ပါတယ်။ PNO စဖွဲ့တုန်းကလည်းပဲ ပအိုဝ်းအမျိူးသားတန်းတူရေး နဲ့ ကိုယ်ပိုင်ပြဌာန်းခွင့်အတွက် ဒီမိုကရေစီ ၀ါဒ ကိုအခြေခံပြီး ဖွဲ့ထားသောအဖွဲ့ပဲဖြစ်ပါတယ်။ ကျနော်တို့ PNLO စဖွဲ့တုန်းကလည်းတဲ့အခါမှာ လည်း အမျိူး သားတန်းတူရေး နှင့် ကိုယ်ပိုင်ပြဌာန်းခွင့်ကို ရဖို့အတွက် အမျိူးသားဒီမိုကရေစီဝါဒကို အခြေခံပြီး ဖွဲ့စည်းထား ပါတယ်။ ဒါကြောင့် PNLO နဲ့ PNO ကြားမှာ ပVိပက္ခမရှိပါ ဘူး။ ဒါကြောင့်မို့လွတ်တော်တွင်း နိုင်ငံရေးကော လွတ်တော်ပြင်ပနိုင်ငံရေးကော ကျနော်တို့ဟာ ထဲထဲဝင်ဝင် ဟန်ချက်ညီညီနဲ့လုပ်နိုင်လိမ့်မယ်လို့ ယုံကြည် ထားပါတယ်။ ထိုနည်းတူပဲ PNO ရဲ့နာယကဖြစ်တဲ့ ဦးခွန်မောင်တုတ်ကလည်း တူတာကိုတွဲလုပ်ပြီး မတူတာ ကိုခွဲလုပ်ကြဖို့ အခြေခံသဘောထားကို ပြောပါတယ်။ ဒါကြောင့် ဒေသစုံ၊ အလွာစုံကို ကျနော်တို့ ပအိုဝ်းအမျိူး သားညီညွတ်ရေးအတ ပထမခြေလှမ်းအဖြစ် လျောက်လှမ်းနိုင်ပြီဟု ခံယူထားပါတယ်။

မေး- သမ္မတ ဦးသိန်းစိန်ပြောတဲ့ လူငယ်များလက်နက်ကိုင်သောလူငယ်များမှ laptop ကိုယ်နိုင်ရမယ် ဆိုတာကိုဘယ်လိုမြင်လဲ။

ဖြေ- ကျနော်တို့မြင်တဲ့ရှုထောင့်ကတော့ ကျနော်တို့လက်နက်ကိုင်တာက ဆင်းရဲမွဲတေလို့ လက်နက်ကိုင်တာ မဟုတ်ဘူး အဆင်းရဲခံပြီး အမျိူးသားတန်းတူရေးနဲ့ ကိုယ်ပိုင်ပြဌာန်းခွင့် အတွက် လက်နက်ကိုင်တာဖြစ်တယ်။ အမျိူးသားတန်းတူရေး နဲ့ ကိုယ်ပိုင်ပြဌာန်းခွင့်ကို လက်နက်ကိုင်ပြီးပြောရတာထက် laptop နဲ့ရေးပြီး ကမ္ဘာကိုဖြန့်နိုင်ရင် အကောင်းဆုံးပေါ့။ နောက်တစ်ခုက ကျနော်တို့လက်နက်ကိုင်တယ်ဆိုတာက ကိုယ့်အမျိူးသားကိုကာကွယ်ဖို့ ကိုယ့်တိုင်းပြည်ကို ကိုယ်ကာကွယ်ဖို့ဆိုတဲ့ရည်မှန်းချက်တွေနဲ ကိုင်ကြတာဖြစ်တယ်။ ဒါကြောင့်မို့လို့ ဘယ်လိုဖြစ်ဖြစ် အဲဒီအမျိူးသားတန်းတူရေးနဲ့ကိုယ်ပိုင်ပြဌာန်းခွင့် ရည်မှန်းချက်တွေကို ရနိုင်ဖို့ နိုင်ငံရေးပြဿနာကို ဖြေရှင်းဖို့အဓိကကျတယ်။ နိုင်ငံရေးပြဿနာကို ဖြေရှင်းနိုင်မှ သေနတ်ကိုင်တဲ့လက်တွေက laptop ကိုကိုင်နိုင်မှာဖြစ်တယ်။

မေး - ဖွံ့ဖြိုးရေး မှတဆင့် ငြိမ်းချမ်းရေးဆီ နဲ့ ငြိမ်းချမ်းရေး မှတဆင့်ဖွံဖြိူးရေးဆီဆိုတဲ့စကားကို ဘယ်သုံးသပ်ပါသလဲ။

ဖြေ - ဖွံ့ဖြိုးရေးကိုအခြေခံထားပြီးတော့ နိုင်ငံရေးပြဿနာကို ဖြေရှင်းဖို့ကို အဓိကထားပါတယ်။ အဲဒီနှစ်ခုကို သွားပြီးတော့ နှစ်ခုတစ်ခု ဆန့်ကျင်ဘက်သွားလုပ်လို့တော့ မရဘူး။ နိုင်ငံရေးပြဿနာကို ဖြေရှင်းနိုင်မှ
ကိုယ်ပိုင်ပြဌာန်းခွင့်ဆိုတာ ကိုယ့်ကံကြမ္မာ ကိုယ်ဖန်တီးရတာဖြစ်ပါတယ်။ အဲဒီအတွက် တခြားတခြားက ကယ်တင်ရှင်တွေကို မျော်မနေပဲ ကိုယ့်ကံကြမ္မာ ကိုယ်ဖန်တီးကြဖို့ လိုပါတယ်။ ဒါကြောင့် ငြိမ်းချမ်းရေးကို ထိန်းသိမ်းတဲ့အဆင့်၊ ဖော်ဆောင်တဲ့အဆင့်၊ တည်ဆောက်တဲ့အဆင့် သုံးရပ်လုံးမှာ လူငယ်တွေအပါအ၀င် လူထုတရပ်လုံးက တက်တက်ကြွကြွ ပါဝင်ကြဖို့လိုပါတယ်။ ပါဝင်ခွင့်ရအောင်လည်း ကြိုးစားကြဖို့လိုပါတယ်။

1 comment:

admin@paomagazine said...

သိပ်ကောင်းတဲ့ မေးခွန်းများနဲ့
ရှင်းလင်းတိကျတဲ့အဖြေတွေကို တောင်ကြီးတိုင်းမ် မှာ လာရောက် ဖတ်ရှု ပါပြီး
တစ်ခုကတော့ ခွန်ခေတ်စံ ဒီလိုမျိုး သတင်းဆောင်းပါးကို များများဆက်ပြီး ရေးဖို့ အားပေးပါတယ်။
ခွန်စိမ်းမောင် (တောင်ကြီး)