ရှမ်းပြည်နယ်မြောက်ပိုင်း မုံးကိုးမြို့အခြေစိုက် တပ်ခွဲ ၅ ခု မှ တပ်သား ၁၅၀ သည် ကြံ့ခိုင်ရေးနှင့် ဖွံ့ဖြိုးရေးပါတီကို ထောက်ခံသည့် ကြိုတင်မဲများ ပေးရန် အမိန့်ပေး ခံခဲ့ရသည်ဟု တပ်သားများနှင့် တပ် မိသားစုဝင်များက ပြောသည်။
ရွေးကောက်ပွဲ ကျင်းပရေး ကော်မရှင်က တပ်သားများအား မိမိတို့ ကြိုက်နှစ်သက်သည့် ကိုယ်စားလှယ်လောင်းများကို လွတ်လပ်စွာ မဲပေးပိုင်ခွင့် ရှိကြောင်း ပြောဆိုပြီးနောက် သုံးပတ်အကြာမှာ ယခုကဲ့သို့ ကြိုတင်မဲ အဓမ္မ ပေးခိုင်း လာခြင်းဖြစ်သည်။
ကြိုတင်မဲပေးချိန်မှာလည်း ကြံ့ခိုင်ရေးနှင့် ဖွံ့ဖြိုးရေးပါတီနေရာ၌ တပ်ရင်းမှူးက အမှန်ခြစ်ပေးသည့် မဲပြားများကိုသာ တပ်သားများက ထည့်ခဲ့ရခြင်း ဖြစ်သည်။ တပ်သားတစ်ဦးက "ကျနော်တို့ မဲတွေ ဆုံးရှုံးသွားရတဲ့ အတွက် စိတ်မချမ်းသာဘူးဗျာ။ မဲ ၁၅၀ ဆိုတာ အများကြီးဗျ။ ဒါပေမယ့် ကျနော်တို့က အထက်လူကြီးက ဒါဆို ဒါပဲ လိုက်လုပ်ရတာလေ။ အထက်လူကြီးတွေရဲ့ သဘောပေါ်မှာ မူတည်တယ်" ဟု ပြောသည်။
တပ်သား အများအပြားက ကြံ့ခိုင်ရေးနှင့် ဖွံ့ဖြိုးရေးပါတီကို မထောက်ခံကြကြောင်း တပ်တွင်း မိသားစုဝင်များက ပြောသည်။ မုံးကိုးဒေသသည် ယခင်က ဗမာပြည်ကွန်မြူနစ်ပါတီ၏ အမာခံ နယ်မြေ ဖြစ်သည်။
ကြံ့ခိုင်ရေးနှင့် ဖွံ့ဖြိုးရေးပါတီကို ထောက်ခံသည့် ကြိုတင်မဲများကို ရန်ကုန်နှင့် ချင်းပြည်နယ်ရှိ တချို့ဒေသများ၊ ထိုင်းနယ်စပ်အနီးရှိ မြို့များ၌ ပေးခဲ့ကြရသည်။
မြန်မာနိုင်ငံ တောင်ဖက်စွန်းဒေသက ငါးဖမ်းလုပ်သားများနှင့် ထိုင်းနိုင်ငံရှိ တရားဝင် မြန်မာ အလုပ်သမားများလည်း အလားတူ ကြိုတင်မဲများ ပေးကြရသည်။
No comments:
Post a Comment