အရပ်သားကားတစ်စင်း မိုင်းဆွဲတိုက်ခိုက်ခံရ၊ တစ်ဦးသေ လေးဦးဒဏ်ရာရ

ထွက်ဇောတိက | အောက်တိုဘာ ၇ ရက်၊ ၂၀၁၄ | တောင်ကြီးတိုင်းမ်

RCSS/SSA Soldiers

သြဂုတ်လ (၆) ရက်နေ့ မနက် (၈) နာရီအချိန်က မောက်မယ်မြို့နယ်၊ ဟိုနမ်းကျေးရွာအုပ်စုမှ ထီဖက်နမ်ရွာနှင့် နမ်းယန်းရွာကြားမှာ ဟိုနမ်းရွာမှ ပြန်လာတဲ့ ဟိုက်လက်တိုက်ကားတခန်းခွဲ ကားတစ်စင်းကို မိုင်းခွဲတိုက်ခိုက်ခံရပြီး ကားပေါ်ပါလာသော နောင်မီရဲရွာသား တမြင့်က ပွဲချင်းပြီး သေဆုံးကာ ကျန် (၃) ဦးက ဒဏ်ရာများရရှိပြီး ဟိုနမ်းကျေးရွာအုပ်စု ဆေးပေးခန်းသို့ တင်ထားခဲ့ရတယ်လို့ သိရပါတယ်။


၎င်းကားကို မိုင်းဆွဲတိုက်ခိုက် မခံရခင်အချိန်မှာ ဆိုင်ခေါဝ်ရွာသားတစ်ဦးဖြစ်တဲ့ ထွန်းရီက ဆိုင်ကယ်ဖြင့် ထီဖက်နမ်းရွာမှာနေတဲ့ ၎င်းရဲ့ညီလေးကို သွားလည်ရာမှ လမ်းခုလတ်ပေါ်မှာ RCSS တပ်ဖွဲ့က တားဆီးတာကို ဆိုင်ကယ်က တောင်တက်နေရာ ရပ်မရတဲ့အတွက် အပစ်ခံရပြီး ခေါင်းနှင့် ၀မ်းဗိုက်မှာ ကျည်ဆံထိမှန်ကာ ပွဲချင်းပြီး သေဆုံးခဲ့တယ်လို့ သိရပါတယ်။

“အဲဒီကားက ရွာသားကားမှန်း(RCSS/SSA) က သိတယ်။ ဘာကြောင့်လဲဆိုတော့ လွန်ခဲ့တဲ့ (၉) ရက်လောက်က သူတို့တစ်ခါ တားပြီး စစ်ဆေးခဲ့သေးတယ်။ ရွာသားကားမှန်းသိတော့ လွတ်ပေးခဲ့တယ်။ အဲဒီကားပိုင်ရှင်က ထီဟန်းခြွီရွာနေ ဖြားဟန် ကားဖြစ်တယ်။ အခုတစ်ခေါက်တော့ ရွာသားကားမှန်းသိရက်သားနဲ့ ဒီလိုမိုင်းဆွဲတိုက်ခိုက်တာကိုတော့ ပြည်သူကို အကြမ်းဖျက်တာဘဲ။ ရွာသားကို အကြမ်းမဖျက်ခင်မှာ ထီဖက်နမ်ရွာအနီးတ၀က်မှာရှိတဲ့ ရွာများကို ရှမ်းတပ် (RCSS/SSA) က ဆက်ကြေးတောင်းတယ်။ တပ်သားစုဆောင်းဖို့ လူတွေကို တစ်ရွာ (၃) ယောက်၊ (၅) ယောက် အဲလိုတောင်းတော့ ရွာသားတွေ ထွက်ပြေးကုန်တော့ လမ်းသွားလမ်းလာတဲ့ ဆိုင်ကယ်တွေကိုတားပြီး လူကိုဖမ်းတယ်။ အခုက ဆိုင်ကယ်စီးလာတဲ့လူ(၂) ယောက်ကို ဖမ်းထားတယ်။ ဆိုင်ကယ်က လမ်းပေါ်ကျန်ခဲ့တယ်။ အဖမ်းခံရတဲ့ ဆိုင်ကယ်စီးသူ (၂) ယောက်က ဘယ်သူဘယ်ဝါမှန်း မသိသေးဘူး။ ဟိုတရက်လည်း ထီရီးရွာသား အဖိုးတစ်ယောက်ကို လမ်းပေါ်မှာ တားပြီးဖမ်းထားတော့ အဖိုးက စိတ်မမှန်တဲ့လူဖြစ်တော့ ပြန်လွတ်ပေးလိုက်တယ်” ဆိုပြီး ထီဖက်နမ်ရွာမှ ပြန်လာတဲ့ ဆိုင်ခေါဝ်ရွာသား တစ်ဦးက ပြောပြသွားပါတယ်။

အဲဒီဒေသမှာ RCSS/SSA မှ ကာလိန် ဦးဆောင်တဲ့ ၆၃၁ တပ်ဖွဲ့နဲ့ နန္ဒောဦးဆောင်တဲ့ ၆၃၅ တပ်ဖွဲ့တို့ ပူးပေါင်းပြီး လွန်ခဲ့တဲ့လအနည်းငယ်က အဲဒီဒေသကို စတင်လာရောက်လှုပ်ရှားခဲ့တယ်လို့ သိရပါတယ်။

”ဒီလမ်းက လွန်ခဲ့တဲ့ ၁၀ လကျော်ကျော်က PNLO က ဖောက်ထားတဲ့လမ်း ဖြစ်တယ်။ အရင်က ဒီဘက်ရွာမှာ ကားလမ်းမပေါက်ဘူး။ မြင်းတို့ လားတို့နဲ့ဘဲ ၀န်တင်ရတယ်။ ပျံလွန်သွားတဲ့ ထီဟန်းခြွီရွာ ကျောင်းထိုင်ဆရာတော်က ဒေသဖွံ့ဖြိုးရေးအတွက် ကားလမ်းဖောက်ပေးပါလို့ PNLO ကို အကြိမ်ကြိမ် မေတ္တာရပ်ခံခဲ့တယ်။ အခုက ကားလမ်းလည်းပေါက်ပြီး (၇) လ (၈) လလောက်ဘဲ ရှိသေးတယ်။ ရှမ်းစစ်တပ် (RCSS) က ထီဖက်နမ်ရွာနဲ့ နမ်းယန်းရွာကြားမှာ စောင့်ကြည့်နေတာ ကြာပြီ။ သူတို့သွားလာ လှုပ်ရှားတာကို ရွာသားတွေ တွေ့နေရတယ်” ဟု နမ်းယန်းရွာသားတစ်ဦးက ပြောပြပါတယ်။

ပြီးခဲ့တဲ့ စက်တင်ဘာလ (၃) ရက်နေ့မှာ RCSS က နောင်ကန်ပိုင်ရွာမှာ ဖွံ့ဖြိုးရေးလုပ်နေတဲ့ PNLO တပ်ဖွဲ့များကို ၀င်ရောက်ပစ်ခတ်ရာမှ ရွာသားအမျိုးသမီး (၂) ဦးသေဆုံးကာ ရွာသား အမျိုးသား (၂) ဦး ဒဏ်ရာရခဲ့ပြီး PNLO တပ်သားက (၂) ဦးကျ (၄) ဦး ဒဏ်ရာရခဲ့ကြောင်း သိရပါတယ်။