ဇူလိုင် ၂၉ ရက်၊ ၂၀၁၄ ခု
မြန်မာ့ငြိမ်းချမ်းရေးစင်တာ Myanmar Peace Centre (MPC) မှ ဦးစီးကျင်းပသော “လူငယ်နှင့်ငြိမ်းချမ်းရေးဖိုရမ်” အပေါ် ရှမ်းပြည်နယ်အတွင်းရှိ ပါတီများနှင့် နိုင်ငံရေး တက်ကြွလှုပ်ရှားသူများ အရပ်ဖက်လူအဖွဲ့အစည်းများနှင့် လူငယ်အဖွဲ့အစည်းများ၏ သဘောထားအမြင်များ။
လူငယ်လှုပ်ရှားမှုတိုင်းတွင် သီးခြားလွတ်လပ်မှုရှိဖို့လိုအပ်သည်။ လူငယ်အချင်းချင်း စည်းရုံးလှုံ့ဆော်ဦးဆောင်မှု အခြေခံမှသာလျှင် အပြုသဘောဆောင်သော ပြောင်းလဲမှုဖြစ်မည်။ လူငယ့်ကံကြမ္မာကို လူငယ်များကိုယ်တိုင် ဖန်တီးနိုင်ခွင့်ရှိရန် အလွန်အရေးကြီးသည်။ ခေတ်အဆက်ဆက်တွင် လူငယ်များသည် အာဏာရှိသော လူကြီးများ၏ ဟန့်တားပိတ်ပင်မှုများ ကြုံတွေ့ခဲ့ရသည်။
မှားသည်ဖြစ်စေ၊ မှန်သည်ဖြစ်စေ လူကြီးများ၏ ဖိနှိပ်မှုကိုလက်ခံခဲ့ရသော ယဉ်ကျေးမှုဓလေ့ထုံးစံများသာ ဆက်လက်တည်ရှိနေဦးမည်ဆိုပါက မြန်မာနိုင်ငံ၏ နိုင်ငံရေးအသွင်ကူးပြောင်းမှုကဏ္ဍသည် အလွန်စိုးရိမ် ဖွယ်ကောင်းလှပါသည်။
ယနေ့မှစ၍ လူငယ်နှင့်လူကြီးတို့ ကဏ္ဍအလိုက် ညှိနှိုင်းလုပ်ဆောင်မှသာ မိမိတို့နိုင်ငံ၏ ငြိမ်းချမ်းရေး လုပ်ငန်းစဉ်တွင် လူငယ်များ အမှန်တကယ် ပါဝင်လာနိုင်မည်ဖြစ်သည်။
၁။ လူငယ်များသည် ကိုယ်ပိုင်အသိနှင့် သီးခြားလွတ်လပ်စွာ လှုပ်ရှားခွင့်ရှိရမည်။
၂။ လူငယ်ထုတစ်ရပ်လုံးအား အမှန်တစ်ကယ် အခြေခံရမည်။
၃။ အထက်မှ အောက်သို့ ဆင်းသက်သော ဗဟိုဦးစီးချုပ်ကိုင်မှုစနစ် ကင်းရှင်းရမည်။
၎။ (MPC) မှ ငြိမ်းချမ်းရေးလုပ်ငန်းစဉ်များ တာဝန်ယူဆောင်ရွက်နေစဉ်အတွင်း တိုင်းနှင့် ပြည်နယ်များတွင် စစ်တပ်အင်အားတိုးချဲ့နေသည်ကို တွေ့ရသည်။
၅။ ငြိမ်းချမ်းရေးတည်ဆောက်ခြင်း၏ အကျိုးသက်ရောက်မှုအဖြစ် မြန်မာ့တပ်မတော်သည် တိုင်းရင်းသားလက်နက်ကိုင်တော်လှန်ရေး တပ်များရှိသော နယ်မြေဒေသများတွင် နယ်မြေချဲ့ထွင် အခြေစိုက်နေထိုင်လာကြသည်ကို တွေ့ရှိရသည်။
၆။ မသိနားမလည်သော တိုင်းရင်းသားလူငယ်များကို အခြေခံပြီး နိုင်ငံရေးအမြတ်ထုတ်ရန် ကြံစည်သည်။ စစ်တပ်လိုလားသော သဘောထားအာဘော်များကို တိုင်းရင်းသားလူထုထံမှ မရ မက တောင်းခံသည်။
၇။ (MPC) မှ ပြုလုပ်သွားခဲ့သော ငြိမ်းချမ်းရေးလမ်းစဉ်တိုင်းသည် ဒီမိုကရေစီအတိုက်အခံ အင်အားစုများ၏ သဘောဆန္ဒနှင့် မကိုက်ညီသော တစ်လမ်းသွား၊ တစ်ဖက်သက် ငြိမ်းချမ်းရေးသဘောထားဖြစ်သည်။
၈။ အဓိကပေါ်လွင်ထင်ရှားသော အချက်မှာ (MPC) မှ ထွက်ပေါ်လာသော သဘောထားအာဘော်များသည် လက်ရှိအာဏာရအစိုးရ၏ အာဘော်များသာဖြစ်သည်။
၉။ (MPC) သည် အာဏာရအစိုးရနှင့် အတိုက်အခံအင်အားစုများကြား၊ ငြိမ်းချမ်းရေးဆွေးနွေးနေသယောင်နှင့် အတိုက်အခံအင်အားစု၏အသံကို တစ်ဖက်လှည့်နှင့် အရယူနေသော နိုင်ငံရေးပွဲစား အဖွဲ့အစည်းဖြစ်သည်။
၁၀။ ယခု (MPC) ၏ ဆွေးနွေးပွဲသည် ရှမ်ပြည်နယ်အတွင်းရှိ၊ ခေတ်အဆက်ဆက်မယိမ်းမယိုင်ဘဲ ဒီမိုကရေစီရရှိရေးနှင့် ပြည်တွင်းငြိမ်းချမ်းရေး ရရှိရေးအတွက် တိုက်ပွဲဝင်နေကြသော ပါတီများ၊ နိုင်ငံရေးတက်ကြွလှုပ်ရှားသူ လူမှုအဖွဲ့အစည်းများနှင့် လူငယ်အင်အားထုများ လုံးဝ (လုံးဝ) မပါဝင်သော ဆွေးနွေးပွဲ ဖြစ်သည်။
အထက်ပါ အချက်အလက်များကြောင့် (MPC) မြန်မာ့ငြိမ်းချမ်းရေးစင်တာမှ စီစဉ်သော “လူငယ်နှင့် ငြိမ်းချမ်းရေး” သင်တန်းနှင့်ဖိုရမ်အား ရှမ်းပြည်နယ်အတွင်းရှိ အဖွဲ့အစည်းအားလုံးမှ သပိတ်မှောက်ပါသည်။
(အထက်ပါစာနှင့် အဖွဲ့အစည်းအသီးသီးမှ လက်မှတ်များကို မြန်မာ့ငြိမ်းချမ်းရေးစင်တာ (MPC) သို့ ပေးပို့သွားမည်ဖြစ်ပါသည်။)
ရှမ်းပြည်လူငယ်များ
No comments:
Post a Comment