ရှမ်းပြည်တောင်ပိုင်းလူငယ်ကွန်ယက်ကို ရှမ်းပြည်နယ်တောင်ပိုင်းတွင်ရှိသော လူထုအခြေပြု လူငယ်အဖွဲ့အစည်း စုစုပေါင်းအဖွဲ့ (၁၆) ဖွဲ့တို့မှ ပူးပေါင်း၍ ၂၀၁၄ ခုနှစ်၊ ဇူလိုင်လ ၂၇ ရက် တောင်ကြီးမြို့ရှိ၊ ကောင်ရွေလူမှုကွန်ယက်ရုံးတွင် စတင်ဖွဲ့စည်းခဲ့ကြောင်း သိရသည်။
ကွန်ယက်ဖွဲ့စည်းရခြင်း၏ ရည်ရွက်ချက်မှာ လူငယ်များသည် မြန်မာနိုင်ငံဒီမိုကရေးစီ ပြုပြင်ပြောင်းလဲရေးတွင် အရေးကြီးသော ငြိမ်းချမ်းရေး၊ နိုင်ငံရေး၊ စီးပွားရေး၊ လူမှုရေး နှင့် ပညာရေး အခန်းဂဏ္ဍာများတွင် အပြုသဘောဆောင်သော ဆွေးနွေးမှုများပြုလုပ်သွားရန်၊ လူငယ်များ၏ လှုပ်ရှားမှုများတွင် လူငယ်များအချင်းချင်း ပူးပေါင်းဆောင်ရွက်တတ်သည့် အလေ့အထများ ဖော်ပေါက်လာရန်၊ လူငယ်များ၏ စွမ်းဆောင်ရေ (Capacity Building) မြင့်မားလာစေရန်နှင့် လူငယ်များ၏ အခန်းဂဏ္ဍ ပိုမိုမြင့်တင်လာစေရန် စသည်တို့ဖြစ်ကြောင်း ရှမ်းပြည်တောင်ပိုင်းလူငယ်ကွန်ယက် ကိုယ်စား ခွန်ဇော် မှ ပြောသည်။
ရှမ်းပြည်တောင်ပိုင်းလူငယ်ကွန်ယက်အနေဖြင့် ယခုနှစ်အတွင်း လူငယ်များ၏ လူပ်ရှားမှုများဖြစ်သော စတုတ္တအကြိမ်မြောက် အပြည်ပြည်ဆိုင်ရာလူငယ်များနေ့၊ ပြည်နယ် (၇) ခုမှ ပှုပေါင်း၍ လူငယ်နှင့် ငြိမ်းချမ်းရေးဖိုရမ်များ ကျင်းပသွားမည်ဖြစ်ပြီး ကွန်ယက်များကိုလဲ ချဲ့ထွင်ကာ လူငယ်ဆိုင်ရာဘုံသဘောတူညီချက်များ ရယူခြင်းနှင့် နောင်နှစ်များတွင် ကျင်းပမည်ဖြစ်သော ရှမ်းပြည်နယ်တောင်ပိုင်း လူငယ့်ရေးရာနှီးနှောဖလှယ်ပွဲများကို ရှမ်းပြည်တောင်ပိုင်းလူငယ်ကွန်ယက်အနေဖြင့် လုပ်ဆောင်သွားမည်ဖြစ်ပြီး (၂၀၁၆) တွင် မြန်မာနိုင်ငံလုံးဆိုင်ရာ လူငယ်ဖိုရမ်ကိုလည်း အိမ်ရှင်အဖြစ် လက်ခံကျင်းပသွားမည်သည့်အတွက် ရှမ်းပြည်တောင်ပိုင်းလူငယ်ကွန်ယက်မှ အခိုင်မာဆုံး အတောင့်တင်းဆုံးဖြစ်အောင် လူငယ်များညီညွတ်သည့်အင်အားဖြင့် ပူးပေါင်းဖော်ဆောင် ထိန်းသိမ်းစောင့်ရှောက်သွားမည်ဖြစ်ကြောင်းနှင့် ရှမ်းပြည်နယ်တောင်ပိုင်း လူငယ်ကွန်ယက်သည် သီးခြားလွတ်လပ်သောလူငယ်များ (Third Party) အနေဖြင့် ဆောင်ရွက်သွားမည်ဖြစ်ကြောင်း ရှမ်းပြည်တောင်ပိုင်းလူငယ်ကွန်ယက် ကိုယ်စား ခွန်ဇော် က ပြောသည်။
No comments:
Post a Comment