အနာဂတ်ကို လုယူဖျက်ဆီးခြင်း အစီရင်ခံစာ သတင်းထုတ်ပြန်ချက်

မြန်မာနိုင်ငံရှိ ရုရှား လျှို့ဝှက်သတ္တုတွင်း စီမံကိန်းကြောင့် လူဦးရေ ၇,၀၀၀ ခန့်
ထိခိုက်ခံရဖွယ် ရှိနေခြင်း။
ကျေးရွာလူထုများက ရုရှား-မြန်မာ ပူးတွဲ အဏုမြူစီမံကိန်းဟု သံသယရှိနေခြင်း

ပြည်တွင်းစစ်မီးကြောင့် အတိဒုက္ခခံစားနေရသည့် မြန်မာနိုင်ငံ၏ ရှမ်းပြည်နယ်တောင်ပိုင်း၊ တောင်ကြီးမြို့အနီး တွင် ရုရှားနိုင်ငံ၏ အထောက်အပံ့ဖြင့် တည်ဆောက်နေသော သတ္တုတွင်းတူးဖော်ထုတ်လုပ်ရေး လုပ်ငန်းက တောင်တခုလုံးကို တူးဖော် ထုတ်လုပ်ရန် အစီအစဉ်ရှိနေပြီး၊ ထိုဒေသနေ ကျေးရွာလူထု ၇,၀၀၀ ကျော်၏ အိုးအိမ်များ ပျက်စီး ဆုံးရှုံးစေလိမ့်မည် ဖြစ်သည်။ ထိုမျှသာမက အခြားလူထု ၃၅,၀၀၀ ကိုလည်း ထိခိုက် နစ်နာဖွယ် ရှိနေကြောင်း ယနေ့ထုတ်ပြန်သည့် အစီရင်ခံစာတွင် ဖော်ပြထားပါသည်။

"အနာဂတ်ကို လုယူဖျက်ဆီးခြင်း" အမည်ရှိ ပအိုဝ်းလူငယ်အစည်းအရုံး (PYO) ၏ အထူးသုတေသနပြု လေ့လာ ချက်နှင့် ရရှိလာသော ဓါတ်ပုံများကို အခြေပြုဖော်ပြထားသော ၎င်းအစီရင်ခံစာတွင် မြန်မာနိုင်ငံ၏ ဒုတိယ အကြီးဆုံး သံရိုင်းသိုက်ကြီးကို မြန်မာစစ်အစိုးရနှင့် ရုရှားနိုင်ငံပိုင် ကုမ္ပဏီတခုဖြစ်သည့် (Tyazhpromexport) တို့က တူးဖော်ရန် ပြင်ဆင်နေကြပုံကို အသေးစိတ် ဖော်ပြထားပါသည်။

တည်ဆောက်နေဆဲ သံရည်ကြိုစက်ရုံသည် မြန်မာစစ်တပ်၊ အရှေ့ပိုင်းတိုင်းစစ်ဌာနချုပ်နှင့် ၁၀ ကီလိုမီတာ အကွာအဝေးခန့်တွင် တည်ရှိပြီး၊ ယခုနှစ်အကုန်တွင် ဆောက်လုပ်ရေးလုပ်ငန်းများ ပြီးစီးမည်ဟု ယူဆရပါသည်။ ဤဒေသတွင် မကြာသေးမီကမှ တိုက်ပွဲများ ပြန်လည်မီးတောက်လာသည့် နေရာဒေသလည်း ဖြစ်ပါသည်။ ဤစက်ရုံတွင်လည်း မြေအောက်ဥမင်များ တည်ရှိနေပြီး၊ ၁၀ ပေကျော် အုတ်နံရံ ၂-ထပ်နှင့် သံဆူးကြိုး တစ်ထပ် ဖြင့် ကာရံထားပါသည်။

စက်ရုံသွားရာလမ်း ဖောက်လုပ်ရန် ရွာ ၃-ရွာမှ လူထု ၅၅ ဦးကို ၎င်းတို့အိုးအိမ်များမှ အတင်းအကျပ် ဖယ်ရှား ပြောင်းရွှေ့စေခဲ့ပြီ ဖြစ်ပြီး၊ ဒေသအာဏာပိုင်များက စိုက်ပျိုးမြေ ၁၁,၀၀၀ ဧကကိုလည်း သိမ်းပိုက်ခဲ့ပါသည်။ ကျေးရွာလူထုများမှ ဒေသခံအာဏာပိုင်များထံ တင်ပြတောင်းဆိုမှုများကိုလည်း လျစ်လျူရှုထားခဲ့ပါသည်။

အပွင့်သတ္တုတွင်းတူးဖော်ရေးအတွက် ပြင်ဆင်မှုများ စတင်နေပြီ ဖြစ်ပါသည်။ ဤသတ္တုတွင်း တူးဖော်မှုများ စတင်ပါက ၎င်းတောင်တခုလုံးကို အစစဖြိုဖျက်ပစ်ကြမည် ဖြစ်ပြီး၊ တောင်ခြေတ၀ိုက်ရှိ လူထု ၇,၀၀၀ ကျော်သည် လည်း ထိခိုက်နစ်နာရဖွယ် ရှိနေပါသည်။

သတ္တုတွင်း တူးဖော်မှုကြောင့် မြေတိုက်စားမှုများ၊ အနယ်အနှစ်များကို စွန့်ပစ်မှုများကြောင့် ဤလွင်ပြင်ရှိ ပင်မ ရေ အရင်းအမြစ်ဖြစ်သည့် သဘက်ချောင်းသည်လည်း ညစ်ထေးရဖွယ် ရှိနေရာ၊ မြစ်ကြောင်းတလျောက်နေ လူပေါင်း ၃၅,၀၀၀ တို့လည်း ထိခိုက်နစ်နာရဖွယ် ရှိပါသည်။ ချောင်းရေကို စက်ရုံအတွက် သွယ်ယူအသုံးပြုနေသော ကြောင့်လည်း ယခုနှစ်တွင်ပင် ရေလျော့နည်းနိမ့်ကျလာနေသည်ကို တွေ့ရပါသည်။

ခရီးသွားလာခွင့် အတင်းအကျပ် ကန့်သတ်နေခြင်း၊ ၎င်းစီမံချက်နှင့် ပတ်သက်၍ သတင်းထုတ်ပြန်မှု မရှိခြင်း ကြောင့် ဒေသခံများက အဏုမြူစီမံကိန်းများနှင့် ယခုသတ္တုတွင်းတူးဖော်မှု ဆက်စပ်နေမည်လောဟု သံသယရှိ နေကြပါသည်။

"သူတို့က နံရံတွေ၊ အတားအဆီးတွေနောက်မှာ သူတို့ဘာလုပ်နေတယ်ဆိုတာ လျှို့ဝှက်ထားကြတယ်။ ဒါပေမယ့် အခုစီမံကိန်းကြောင့် နစ်နာရမယ်ဆိုရင်တော့ ကျနော်တို့က ရှေ့ဆုံးက နစ်နာကြရလိမ့်မယ်။ မြန်မာပြည်မှာ တရားဥပဒေမရှိတာကို နိုင်ငံခြား ကုမ္ပဏီတွေက အခွင့်ကောင်းယူပြီး၊ ကျနော်တို့ သယံဇာတတွေကို လာအမြတ် ထုတ်ယူနေကြတယ်။ ကျနော်တို့ အနာဂတ်ကို လာပြီး လုယက်ဖျက်ဆီးနေကြတယ်" ဟု ပအိုဝ်းလူငယ်အစည်း အရုံး မှ ပြောရေးဆိုခွင့်ရှိသူ ခွန်ချန်ကီက ပြောပါသည်။

ရုရှားနိုင်ငံ အဏုမြူစွမ်းအင်အေဂျင်စီက ၂၀၀၇ ခုနှစ်တွင် မြန်မာနိုင်ငံ၌ အဏုမြူဓါတ်ပေါင်းဖို တခုတည်ဆောက် မည်ဟု ကြေညာထားသောကြောင့်လည်း ဒေသခံပြည်သူများက ပို၍ သံသယကြီးထွားနေကြပါသည်။ အီတလီ နိုင်ငံမှ ကုမ္ပဏီတခုဖြစ်သည့် ဒယ်နီရယ်လီ (Danieli) ကလည်း ယခုစီမံကိန်းတွင် ပါဝင်ပတ်သက်နေသည်ဟု ယုံကြည်ရပါသည်။

ဆက်သွယ်ရန် ။ ။ ခွန်ချန်ကီ (ဗမာလို) +၆၆ ၈၅ ၂၈၈ ၄၂၁၁ ။ ခွန်ကောဝိန် (အင်္ဂလိပ်လို) +၆၆ ၈၃ ၁၅၂ ၈၀၅၀

အစီရင်ခံစာ အပြည့်အစုံကို ဖတ်ရှုလိုပါက http://www.paoyouthorganization.blogspot.com တွင် ရရှိနိုင်ပါသည်။