ပြည်ထောင်စု လွှတ်တော်၏ အတည်ပြုချက်ဖြင့် ဆောင်ရွက်ခွင့်ရှိသည့် စာချုပ်နှင့် သဘောတူညီချက်များမှာ ခုနစ်ခုရှိပြီး လွှတ်တော်၏ အတည်ပြုချက် ရယူရန် မလိုဘဲ နိုင်ငံတော်သမ္မတက ဆောင်ရွက်ခွင့်ရှိသည့် စာချုပ်များနှင့် သဘောတူညီချက် များမှာ ၃၀ ခုရှိကြောင်း ပြည်ထောင်စုလွှတ်တော်ဆိုင်ရာ ဥပဒေ၏ နောက်ဆက်တွဲ ဇယား(၁)နှင့်(၂)အရ သိရှိရသည်။
ပြည်ထောင်စုလွှတ်တော်ဆိုင်ရာ ဥပဒေ၏ ဇယား(၂)ပါ လွှတ်တော်၏ အတည်ပြုချက် ရယူရန် မလိုဘဲ နိုင်ငံတော်သမ္မတက ဆောင်ရွက်ခွင့်ရှိသည့် စာချုပ်များနှင့် သဘောတူချက် များထဲတွင် သံတမန်ရေးရာ၊ ကောင်စစ်ရေးရာနှင့် အခြား ရေးရာဆိုင်ရာ ကိုယ်စားလှယ်များနှင့် စပ်လျဉ်းသည့် ကိစ္စ၊ အပြည်ပြည်ဆိုင်ရာ ဒေသဆိုင်ရာနှင့် နှစ်ပြည်ထောင်ဆိုင်ရာ ညီလာခံများ၊ ဆွေးနွေးပွဲများ၊ အစည်းအဝေးများ၊ အသင်းများနှင့် အခြား အဖွဲ့အစည်းများတွင် ပါဝင် ဆောင်ရွက်ရေးနှင့် စပ်လျဉ်းသည့် ကိစ္စ၊ အပြည်ပြည်ဆိုင်ရာနှင့် ဒေသဆိုင်ရာ စာချုပ်များ၊ သဘောတူညီချက်များ၊ ကွန်ဗင်းရှင်းများ၊ နှစ်ပြည်ထောင်ဆိုင်ရာ သဘောတူညီချက်များနှင့် စပ်လျဉ်းသည့်ကိစ္စ၊ ပြည်ထောင်စုက စီမံခန့်ခွဲသည့် ဆည်မြောင်း၊ တာတမံနှင့် စိုက်ပျိုးရေ ရရှိရေး လုပ်ငန်းများ ဆောင်ရွက်သည့် ကိစ္စ၊ သိပ္ပံနှင့်နည်းပညာဆိုင်ရာ သုတေသန လုပ်ငန်းကိစ္စ၊ မူးယစ်ဆေးဝါးနှင့် စိတ်ကို ပြောင်းလဲစေတတ်သော ဆေးဝါးများဆိုင်ရာ ကိစ္စ၊ ရေနက်ပင်လယ်ဆိပ်ကမ်း တည်ဆောက်ရေး ကိစ္စနှင့် ပြည်ထောင်စု လမ်းတံတားများ တည်ဆောက်ရေး ကိစ္စ တို့ ပါဝင်ကြောင်း သိရသည်။
ထို့အပြင် ချစ်ကြည်ရေးကိစ္စ၊ ဘက်မလိုက်ရေးကိစ္စ၊ မကျူးကျော်ရေးကိစ္စ၊ စီးပွားရေးနှင့် ကူးသန်းရောင်းဝယ်ရေးဆိုင်ရာ ကိစ္စ၊ အခွန်အကောက်များနှင့် သက်ဆိုင်သည့် ကိစ္စ၊ ပတ်ဝန်းကျင် ထိန်းသိမ်းရေးဆိုင်ရာ ကိစ္စ၊ ဇီဝနှင့်ဓာတုလက်နက် တားဆီးရေး ကိစ္စများလည်း ပါဝင်ကြောင်း သိရသည်။
ထို့အတူ ပြည်ထောင်စု လွှတ်တော်ဆိုင်ရာ ဥပဒေ ပုဒ်မ ၆၁(က) တွင် ပြဋ္ဌာန်းထားသည်မှာ ပုဒ်မ ၅၉ အရ လွှတ်တော်က အဆုံးအဖြတ်ပေးရန် နိုင်ငံတော်သမ္မတက တင်ပြရမည့် စာချုပ်များနှင့် သဘောတူညီချက်များသည် ဇယား(၁)ပါအတိုင်း ဖြစ် ကြောင်း ပုဒ်မ ၆၁(ခ)တွင် ပြဋ္ဌာန်းထားသည်မှာ ပုဒ်မ ၆၀ အရ နိုင်ငံတော် သမ္မတက ဆောင်ရွက်ခွင့်ရှိသည့် စာချုပ်များနှင့် သဘောတူညီချက်များသည် ဇယား (၂)ပါ အတိုင်း ဖြစ်ကြောင်း သိရသည်။
ပြည်ထောင်စု လွှတ်တော်ဆိုင်ရာ ဥပဒေပုဒ်မ ၅၉ တွင် ပြဋ္ဌာန်းထားသည်မှာ လွှတ်တော်သည် နိုင်ငံတော် သမ္မတက တင်ပြသည့် အပြည်ပြည်ဆိုင်ရာ၊ ဒေသဆိုင်ရာ သို့မဟုတ် နိုင်ငံအချင်းချင်းဆိုင်ရာ စာချုပ်များ၊ သဘောတူညီချက်များကို အတည်ပြု ဆောင်ရွက်ခြင်း၊ ပယ်ဖျက်ခြင်း၊ နုတ်ထွက်ခြင်းတို့နှင့် စပ်လျဉ်း၍ အဆုံးအဖြတ် ပေးရမည် ဟူ၍ ပြဋ္ဌာန်းထားကြောင်း သိရသည်။
ပြည်ထောင်စု လွှတ်တော်ဆိုင်ရာ ဥပဒေပုဒ်မ ၆၀ တွင် ပြဋ္ဌာန်းထားသည်မှာ လွှတ်တော်သည် အပြည်ပြည်ဆိုင်ရာ၊ ဒေသဆိုင်ရာ သို့မဟုတ် နိုင်ငံအချင်းချင်းဆိုင်ရာ စာချုပ်များ၊ သဘောတူညီချက်များ အနက် မည်ကဲ့သို့သော စာချုပ် သို့မဟုတ် သဘောတူညီချက် အမျိုးအစားကို လွှတ်တော်၏ အတည်ပြုချက် ရယူရန် မလိုဘဲ ချုပ်ဆိုခြင်း၊ ပယ်ဖျက်ခြင်း၊ နုတ်ထွက်ခြင်း တို့ကို ဆောင်ရွက်ရန် နိုင်ငံတော်သမ္မတအား လုပ်ပိုင်ခွင့် လွှဲအပ်ပေးနိုင်သည် ဟူ၍ ပြဋ္ဌာန်းထားကြောင်း သိရသည်။
လွှတ်တော်၏ အတည်ပြုချက်ဖြင့် ဆောင်ရွက်ခွင့်ရှိသည့် စာချုပ်များနှင့် သဘောတူညီချက်များ
၁။ နယ်နိမိတ် သတ်မှတ်ခြင်းနှင့်စပ်လျဉ်းသည့် ကိစ္စ။
၂။ စစ်ပြေငြိမ်းရေး ကိစ္စ။
၃။ နိုင်ငံတွင်း ဥပဒေ ပြဋ္ဌာန်းပေးရန် လိုအပ်သည့်ကိစ္စ။
၎။ နိုင်ငံတော် ကာကွယ်ရေးနှင့် လုံခြုံရေးနှင့်သက်ဆိုင်သည့် ကိစ္စ။
၅။ စစ်လျော်ကြေး ကိစ္စ။
၆။ လွှတ်တော်က ရန်ပုံငွေ ခွင့်ပြုသတ်မှတ်ထားသော ကိစ္စရပ်များမှတစ်ပါး နိုင်ငံတော်၏ ဘဏ္ဍာငွေထည့်ဝင်ရန် သို့မဟုတ် ကျခံရန် တာဝန်ယူသော ကိစ္စ။
၇။ အပြည်ပြည်ဆိုင်ရာ ဥပဒေ တစ်ရပ်ရပ်အရ ဆောင်ရွက်ရသည့် ကိစ္စ။
လွှတ်တော်၏ အတည်ပြုချက် ရယူရန် မလိုဘဲ နိုင်ငံတော်သမ္မတက ဆောင်ရွက်ခွင့်ရှိသည့် စာချုပ်နှင့်သဘောတူညီချက် အချို့
၁။ အဆိပ်ငွေ့ကို စစ်ဆင်ရေးတွင် အသုံးမပြုရေး ကိစ္စ၊
၂။ နျူကလီးယား စမ်းသပ်မှု ပိတ်ပင်ရေး ကိစ္စ၊
၃။ နိုင်ငံတော်အတွင်း ခိုလှုံခွင့်ပေးရေး ကိစ္စ၊
၎။ ပြစ်မှုကျူးလွန်သူအား သက်ဆိုင်ရာနိုင်ငံသို့ ပြန်လည် လွှဲအပ်ပေးရေးနှင့် သက်ဆိုင်ရာနိုင်ငံမှ တောင်းဆိုရေး ကိစ္စ၊
၅။ လေယာဉ် သို့မဟုတ် ရေယာဉ် အပိုင်စီးမှု၊ အကြမ်းဖက်မှု ကျူးလွန်ခြင်းများ ပိတ်ပင်တားဆီးရေး ကိစ္စ၊
၆။ စစ်ဘေးဒုက္ခသည်များ ကာကွယ်စောင့်ရှောက်ရေး ကိစ္စ၊
၇။ လွှတ်တော်၏ အတည်ပြုချက်ဖြင့် ချုပ်ဆိုထားသော ပင်မစာချုပ်မှ ပေါက်ဖွားလာသည့် ကိစ္စ၊
၈။ လွှတ်တော်မှ ခွင့်ပြုသတ်မှတ်ထားချက်များ အတွင်း ငွေချေးယူသည့် ကိစ္စ၊
၉။ ရေကြောင်း၊ လေကြောင်း သွားလာမှုနှင့် သက်ဆိုင်သည့် ကိစ္စ၊
၁၀။ စာတိုက်၊ကြေးနန်း၊ တယ်လီဖုန်း၊ ဖက်စ်၊ အီးမေးလ်၊ အင်တာနက်၊ အင်ထရာနက်နှင့် အလားတူ ဆက်သွယ်ရေးဆိုင်ရာ ကိစ္စ၊
၁၁။ ယဉ်ကျေးမှု ဖလှယ်ရေး ကိစ္စ၊
၁၂။ သဘာဝ စွမ်းအင်များ၊ သယံဇာတ ပစ္စည်းများ ထုတ်ဖော်မှုနှင့် သက်ဆိုင်သည့် ကိစ္စ၊
၁၃။ လျှပ်စစ်ဓာတ်အား ထုတ်လုပ် ဖြန့်ဖြူးရေး ကိစ္စ၊
၁၄။ စီးပွားရေး ကျွမ်းကျင်မှု၊ အတတ်ပညာဆိုင်ရာ အကူအညီပေးရေးနှင့် ပူးပေါင်းဆောင်ရွက်ရေး ကိစ္စ၊
၁၅။ ဇယား(၁)ပါ ကိစ္စများမှအပ ပြည်ထောင်စုအစိုးရ အဖွဲ့၏ သဘောတူညီချက် အရ ဆောင်ရွက်သော အခြားကိစ္စ။
No comments:
Post a Comment