ပအိုဝ်းအပျိုကိုသာခေါ်ထားပြီး နအဖဂိတ်စောင့်တပ်ဖွဲ့က အဖမ်းခံရသူ ၃၀ ကျော်လွတ်ပေး

သျှမ်းသံတော်ဆင့်သတင်း

ဂျူလိုင် ၂၉ ရက် ၂၀၀၈။ Teenager girl detained migrants kicking back home arrested by junta authorities at the Thai-Burma border

နယ်စပ်သို့ ပြန်ပို့ခံရသည့် ချင်းမိုင်မှ တရားမ၀င် သျှမ်းရွှေ့ပြောင်းအလုပ်သမား ၃၇ ဦးအနက် ကျန်သူများကို နအဖတပ်ဖွဲ့က ပြန်လွှတ်ပေး သော်လည်း အသက် ၁၆ နှစ်အရွယ် ပအိုဝ်းအမျိုးသမီးအား ယနေ့တိုင်ပြန်မလွှတ်ပေးသေးဟု နယ်စပ်သတင်း ရပ်ကွက် ဆိုပါသည်။

ပြီးခဲ့သည့်ဂျွန်လ ၂၅ ရက် ထိုင်းနိုင်ငံ ချင်းမိုင်ထောင်မှ လွှတ်ပေးသူ (တရားဝင်အလုပ်သမားကဒ်မရှိကြသည့်) သျှမ်းရွှေ့ပြောင်း အလုပ်သမား ၃၇ ဦးအား ထိုင်းလ၀က အာဏာပိုင်များက နောင်အုပ် - ပုံပါကျင်ကြား ထိုင်း - သျှမ်း နယ်စပ် BP.၁ ဂိတ်သို့ ပို့ဆောင်ရာ ၎င်းတို့အား နအဖစစ်သားများ ဆက်လက်ဖမ်းဆီး ချုပ်နှောင်ထား ခြင်းဖြစ်သည်။

“ သျှမ်းနဲ့ပအိုဝ်းတွေချည်းဘဲ၊ ဗမာ စစ်တပ်အချုပ်ခန်းမှာ တညအိပ်ရတယ်။ မနက်ရောက် တော့ ၃၆ ယောက်ပြန်လွှတ်ပေးပေမဲ့ ၁၆ နှစ်အရွယ် ပအိုဝ်းကလေးမကိုတော့ ပြန်မလွှတ်ပေးဘူး။ ကောင်မလေးကို မတရားကျင့်ကြံမှာစိုးလို့ ကျနော့်ဇနီး၊ ကျနော့် သမီးပါလို့ ကျနော်တို့ အဖွဲ့ထဲက အာဏာပိုင်တွေဆီ သွားတောင်းပန်ပြောပေမဲ့ လုံးဝ ပြန်လွှတ်မပေးဘူး။ ဘာဖြစ်လို့ဆက်ဖမ်းထားလဲ မသိဘူး။ ကလေးမက နမ့်ဇန်မြို့နယ် ၀မ့်ညောင်ဆာရွာ ဇာတိလို့ပြောတယ်” - ဟုအဖမ်းခံရသူများအနက် နယ်စပ်သို့ ပြန်ရောက် လာသူ အသက် ၃၀ အရွယ် ပအိုဝ်းအမျိုးသား တဦးက ပြောပြသည်။

“ဗမာစစ်တပ်အာဏာပိုင်တွေလက်ထဲရောက်သွားတော့ တယောက်မှ ပိုက်ဆံမရှိကြ တော့ ဘူး။ ထိုင်းကိုပြန်သွားချင်သွား ကိုယ့်ဇာတိကို ပြန်ချင်ပြန် လို့ပြောပြီး အာဏာပိုင်တွေ ပြန်လွှတ်ပေးတော့ တချို့လဲ ရွာပြန်သွားကြတယ်။ အများစုတော့ ထိုင်းကိုပြန်ဝင်ကြတယ်။ ကလေးမ ခမျာတော့ ကနေ့အထိ ပြန်မလွှတ်လာသေးဘူး” - ၎င်းက စိတ်မကောင်းစွာ ညည်းပြသည်။

အဖမ်းခံရသည့် ၃၇ ယောက်တွင် ယောကျာ်း၊ မိန်းမ တ၀က်စီပါပြီး တရားဝင် အလုပ်သမားကဒ် မရှိသူများဖြစ်ကြသည်။ ဂျွန်လဆန်းက ထိုင်း အာဏာပိုင်များ ဖမ်းဆီးခြင်းခံကြရပြီး၊ ဂျွန်လ ၂၅ ရက် ချင်းမိုင်ခရိုင် ချင်းဒေါဝ်မြို့နယ် နောင်အုပ် (သျှမ်းပြည်အရှေ့တောင်ပိုင်း မိုင်းတုံမြို့နယ် ပုံပါကျင်မြို့နယ်ခွဲ မျက်နှာချင်းဆိုင်) ရှိ BP ၁ နယ်စပ်ဂိတ်သို့ပြန်ပို့ခြင်း ခံကြရသည်၊ ၂၆ ရက် တည ၎င်းတို့အား နအဖစစ်တပ်အာဏာပိုင်များ ထိန်းချုပ်ထားပြီး ၂၇ ရက်တွင်ပြန်လွှတ်ပေးခဲ့သည်။