သျှမ်းပြည်မြို့တော် တောင်ကြီး၌ နှစ်စဉ်ကျင်းပမြဲဖြစ်သော လူစည်ကားလှသည့်
တန်ဆောင်တိုင်ပွဲတော်အတွင်း ၂၀၀၈ ဥပဒေနှင့်ဆန့်ကျင်စွာ လောင်းကစားဝိုင်းများ
ပေါများလှကြောင်း တန်ဆောင်တိုင်ပွဲဝင်
ပရိသတ်တဦးက ပြောသည်။
“လောင်းကစားဝိုင်းဟာ ဥပဒေနဲ့မလွတ်ကင်းဘူးလို့ ဖွဲ့စည်းပုံမှာပြောထားတယ်။ ကျနော်တို့ သျှမ်းပြည်အစိုးရ အဲ့ဒီဖွဲ့စည်းပုံတွေကို ဘယ်မှာသွားထားလိုက်ပြီလဲ မသိပါလူးဗျာ။ ခါတိုင်းနှစ်တွေမှာလဲ လောင်းကစားဝိုင်းရှိပေမယ့် ဒီနှစ်ကျတော့ အစိုးရအသစ်ရှိပြီဆိုတော့ ရိုးရာပွဲက သန့်သန့်လေးဖြစ်သင့်တယ်လေ။ ခုဟာက ခါတိုင်းနှစ်ထက်တောင် ပိုများနေတယ်” ဟု တန်ဆောင်တိုင်ပွဲရောက် သျှမ်းပြည်မြောက်ပိုင်းမှ မျိုးချစ်ပုဂ္ဂိုလ်တဦးက ပြောသည်။
အဆိုပါ လောင်းကစားဝိုင်းပေါင်း ၁၀၀ ကျော်မှအခွန်များကို သျှမ်းပြည်အစိုးရ ဘဏ္ဍာရေးဝန်ကြီးဌာနသို့ ပေးသွင်းရသည်ဟု ကြားသိရသော်လည်း အတည်မပြုနိုင်သေးကြောင်း ကျားဖြူပါတီဝင်တဦးကလည်း ပြောသည်။
“လောင်းကစားဝိုင်းကို ကန်ထရိုက်ဆွဲတာ PNO ပအိုဝ်းအဖွဲ့အစည်းကလို့ပြောတယ်။ ဂုံဂင်းခုံတခုံ အခွန်ငွေ ကျပ်သန်း ၂၀ ပေးသွင်းရတယ်။ ပွဲပြီးတဲ့အထိပေါ့။ ပွဲက ၃ ရက်နေ့ကနေ ၁၀ ရက်နေ့အထလေ” ဟု လောင်းကစားဝိုင်း ဒိုင်တဦးကလည်းဆို၏။
ယခင်နှစ်များက တန်ဆောင်တိုင်ပွဲကို တက္ကသိုလ်ကျောင်းဝင်းတ၀ိုက်နှင့် စူဠာမုနိလောကချမ်းသာဘုရားအနီးတ၀ိုက်တို့တွင် ကျင်းပခဲ့သော်လည်း ယမန်နှစ်မှစ၍ တောင်ကြီးတက္ကသိုလ်တောင်ဖက် အဝေရာကုန်းသာကွင်း၌ ကျင်းပခဲ့ကြောင်းသိရသည်။
တောင်ကြီးတန်ဆောင်တိုင်ပွဲ၌ လောင်းကစားဝိုင်းများ ပေါများသကဲ့သို့ သျှမ်းပြည်မြောက်ပိုင်း မိုင်းရယ်မြို့၌ ငြိမ်းချမ်းရေးပွဲတော်ဟု အမည်တပ်ကာ တနင်္ဂနွေနေ့ကစ၍ ၅ ရက်ကျင်းပရာ၌ လောင်းကစားဝိုင်းများနှင့် စည်ကားလှကြောင်း တောင်ကြီးရောက် မိုင်းရယ်ဒေသခံတဦးက သျှမ်းသံတော်ဆင့်အား ပြောပြသည်။
အဆိုပါ ငြိမ်းချမ်းရေးပွဲတော်မှ လောင်းကစားဝိုင်းများအား ကန်ထရိုက်ဆွဲသူမှာ အသွင်ပြောင်းသျှမ်းလက်နက်ကိုင် တပ်ဖွဲ့ခေါင်းဆောင် ဦးလွယ်မောဝ်တို့အဖွဲ့ဖြစ်ကြောင်း အဆိုပါဒေသခံက ပြောသော်လည်း သီးခြားအတည်ပြုချက် မရရှိသေးပေ။
ဦးသိန်းစိန်အစိုးရ အာဏာရပြီး ၄ လအကြာ ဂျူလိုင်လက၊ ၁- ရန်ကုန်မြို့တွင်း ကာရာအိုကေဆိုင်များပိတ်ရန်၊ ၂- အရက်စွဲ အကျင့်ပျက် အစိုးရ၀န်ထမ်းများ မိမိကိုယ်ကို အချိန်မီပြုပြင်ရန် (သို့မဟုတ် အလုပ်ထုတ်ပစ်ရန်)၊ ၃- လောင်းကစားမှု ပပျောက်ရေးစီမံကိန်းအတွက် ကော်မတီ အသီးသီး ဖွဲ့စည်းပေးခဲ့သည်။
1 comment:
လောင်းကစားဝိုင်းများ တာမထူးဆန်းပါဘူး..
ရှမ်းပြည်နယ်မှာ လောင်းကစားဝိုင်းမပါတဲ့ ပွဲတွေက ခပ်ရှားရှားပါ...လူတိုင်းနီးပါးသိကြပါတယ်....
ပွဲကို စည်အောင်က လောင်းကစားဝိုင်းထားမှ စည်ကားတာများပါတယ်....
မသာအိမ်တောင် ဖဲဝိုင်းထောင်မှ လူစည်ပါတယ်...
Post a Comment